Yeshaya 64:4 - Mukanda wa Nzambi Dihungila Dikulukulu ne Dihungila Dihia-dihia 2003

⁴ Bua ku bikondo bia kale kakuena muntu wakumana anyi wakujingulula ku matshu, kakuena disu diakumona Nzambi udi muomumue nʼebe, udi ukuatshila badi bamuindila mudimu.

MUKANDA WA MYIDI MUKULU

⁴ Wewe udi wakidila bantu badi benza muudi wewe musue, badi bitaba ku diyi diebe ne disanka, badi bakeba kulonda njila iudi mubaleje. Uvua mufika munda, bualu tuvua bakutombokele. Kadi netupande, patuikala tulonda njila webe utuvua balonde kale.

Yeshaya 64:4 交叉引用

Misambu 31:19

Ke mudi buimpe buebe bukumbane, buwakubutshila badi bakutshina, buwakuenzela badi banyemena kûdi, buwakubenzela ku mesu kua bukua bantu!

Yakobe 5:7

Nunku, bana betu, nuikale ne lutulu tô ne halua Mukelenge. Monai tshidime udi windila mamuma a mushinga mukole a ha buloba, muikale ne lutulu bua bualu buau tô ne halokelau nvula ya diambedi ne yalua ku nyima.

Yeshaya 25:9

Mu dituku adi nebambe ne, Monai, eu udi Nzambi wetu utuakutekemena ne, Neatusungile; eu udi Yehowa utuakutekemena; netuikale ne disanka, netusanke mu luhandu luandi.

Misambu 130:5

Ndi ngindila Yehowa, muoyo wanyi udi umuindile, ne mu dî diandi mundi ntekemena.

Genese 49:18

Yehowa, nakuindila luhandu luebe.

Yowanane 14:3

Binaya ne binanulongoluela muaba, nempingane kabidi, nenuangate kundi meme muine, bua kundi ngikala, nuenu nenuikaleku kabidi.

Ebrewu 11:16

kadi katataka badi bajinga muaba mutambe buimpe, udi muaba mene wa mu diulu; nunku Nzambi kena ufua bundu bua bualu buabo bua kumubikilabo Nzambi wabo, bualu bua wakabalongoluela musoko.

1 Timote 3:16

Ne kakuena mpata ya bunene bua bualu busokoka bua buimpe bua Nzambi: Nyeye wakamueneshibua mu mubidi wa muntu, Wakabingishibua mu nyuma, Wakamuenebua kudi banjelo, Wakambibua munkatshi mua bisamba bia bende, Wakitabushibua ha buloba, Wakangatshibua mulu ne butumbi.

Matayi 25:34

Hashishe, Mukelenge neambile badi ku tshianza tshiandi tshia balume ne, Luai, nudi nusankishibua kudi Tatu wanyi, nuhiane bukelenge buakunulongoluelabo ku tshibangidilu tshia buloba;

Yeshaya 30:18

Nunku Yehowa udi windila bua kunulesha dinanga diandi; ne bua muanda eu neadioshe bua kunulesha luse; bualu bua Yehowa udi Nzambi udi ulumbulula biakane; bonso badi bamuindila badi bavudishibue disanka.

Rome 8:19

Bualu bua ditekemena dikole dia bifukibua didi dindila dimueneshibua dia bana ba Nzambi.

Misambu 62:1

Mutshima wanyi udi muhuwe talalâ windila Nzambi nkayandi; luhandu luanyi ludi lufuma kudiye;

1 Yone 4:10

Mu muanda eu mudi dinanga, kembua tuetu tuakunanga Nzambi, kadi bua yeye wakatunanga, wakatuma Muana wandi bu mulambu wa kubuikila nʼau mibi yetu.

1 Korente 1:7

Nunku kanuena nuhanga mu tshihedi tshimue; nudi nuindila dimueneka dia Mukelenge wetu Yesu Kilisto.

Luke 2:25

Muntu mulume wakadi mu Yelushalema, dina diandi Shimeona; muntu eu wakadi muakane, wakadi kabidi mutumikidi wa mei, wakadi utekemena disamba dia Isalele; Nyuma Muimpe wakadi nʼandi.

1 Tesalonike 1:10

ne bua kuindila Muana wandi ulualua mu diulu; wakabisheye munkatshi mua bafue, Yesu mene, udi utuhandisha ku tshishi tshilualua.

Yeshaya 40:31

badi bindila Yehowa nebasangashe bukole buabo; nebabande mulu ne mahuahua bu nyunyu ya mukanku, nebanyeme lubilu ne kabena babungila, nebende ne kabena bateketa.

Yeshaya 66:8

Wakunvua bualu bu nunku diambedi nganyi? Wakumona malu bu nunku diambedi nganyi? Buloba budi mua kuledibua mu dituku dimue, anyi? Tshisamba tshia bantu netshiledibue mu diba dimue, anyi? Bualu bua mu diba diakadi Siona mutantamane, wakalela bana bandi.

Ezela 9:7

Ku matuku a bankambua betu tô ne ku lelu tuakutamba kuhila; bua malu mabi etu, tuetu ne bakelenge betu ne bakuidi betu tuakafidibua mu bianza bia bakelenge ba maloba makuabo ku muele wa nvita, ku buhika ne ku kuhaula kua bintu bietu ne ku kufuishibua kua bundu ku mesu, bu mudibiku lelu eu,

Misambu 103:18

Bidi kudi badi batumikila tshihungidi tshiandi, ne kudi badi bavuluka mikenji yandi bua kuyenza.

Yeshaya 59:12

Bualu bua malu mabi etu akuvulangana ku mpala kuebe, ne mihi yetu idi ituhisha; bualu bua malu mabi etu adi ikala nʼetu, ne ludi bamanye mibi yetu:

Danyele 9:5

tuakuenza malu mabi, tuakuhambuka mu nshila wa buakane, tuakuenza bibi, tuakutomboka, tuakusesuka ku mikenji yebe ne mei ebe.

Danyele 9:8

Mukelenge, ku mesu kuetu kudi anu bundu, kudi bakelenge betu, kudi bakokeshi betu ne kudi batatuʼetu, bualu bua tuakukuenzela bibi.

Danyele 9:15

Katataka, Mukelenge Nzambi wetu, wakuluhula bantu bebe mu buloba bua Ejipitu ku tshianza tshikole, wakunvuisha dina diebe dinene bu mudidi lelu eu, tuakuenza bibi, tuakuenza malu mabi.

Osheya 7:7

Buonso buabo badi batema bu nfulu, badi bamina bakokeshi babo. Bakelenge babo bonso bakubikuka mu bukelenge; kakuena umue wa munkatshi muabo udi umbikila.

Zekâya 10:9

Nansha bingikala mubatangalashe munkatshi mua bisamba bia bantu, nebanvuluke mu miaba ya kule; nebakoleshe bana bakalelabo, nebahingane.