Yeshaya 64:10 - Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Misoko yebe ya tshijila yakulua tshihela, Siona wakulua tshihela, Yelushalema wakulua mubutuke.

MUKANDA WA MYIDI MUKULU

¹⁰ Nzubu webe wa Tshijila, muvua batatuetu bakutumbishila, nzubu wetu mulengele wa kutendelela, mbamoshe mujima kudi kapia. Muaba ewu utuvua banange bikole, ukadi mpindiewu dikolu.

Yeshaya 64:10 交叉引用

Yeshaya 1:7

Buloba buenu budi bubutuka, misoko yenu idi mioshibue ne kahia; bantu ba bende badi badia bintu bia mu buloba buenu ku mesu kuenu mene, ne budi bubutuka bu mudibo bahaula musoko kudi bantu ba bende.

Luke 21:24

Nebahone ku muele wa nvita, nebaye nʼabo bakuata mu bisamba bionso; bantu ba bisamba bia bende nebadiate Yelushalema munshi mua makasa abo tô ne hashika tshikondo tshia bantu ba bisamba bia bende.

Mika 3:12

Nunku bua bualu buenu nebabundulule Siona ne lukasu bu mudibo babundulula budimi; Yelushalema neikale bu mishiki ya mabue, ne mukuna wa ntempelo newikale bu mikuna ya muitu.

Danyele 12:7

Nakunvua dî dia muntu wakadi muluate bilulu bia lin, ne wakadi umueneka ku mutu kua mai a musulu, hakabisheye tshianza tshiandi tshia balume ne tshia bakashi mulu, wakaditshiha mu dina dia udi ne muoyo tshiendelele ne, Malu â neashike hahita tshikondo tshimue, bikondo bibidi ne tshituha tshia tshikondo, hamanabo kutekesha bukole bua bantu ba tshijila.

Muadi 5:18

bualu bua Mukuna wa Siona wakulua bu tshihela tshia hatuhu, ne mibuabua idi yendelamu.

2 Bakalenga 25:9

Wakosha nsubu wa Yehowa ne nsubu wa mukelenge ne nsubu minene yonso ya mu Yelushalema mu kahia.

Luke 21:21

Badi mu Yudaya mu tshikondo atshi banyemene ku mikuna; badi mu musoko bahatuke; badi mu ntshiamba kabahinganyi mu musoko.

Yeshaya 6:11

Hashishe nakamukonka ne, Mukelenge, bualu ebu nebulehe musangu bule munyi? Yeye wakakudimuna dî ne, Tô ne habutuka misoko mishale mutuhu, tô ne hashala nsubu idimu mutuhu; tô ne halua buloba kushala anu tshihela tshia hatuhu;

Yeshaya 48:2

Bualu bua badi badibikila ne, Bena musoko wa tshijila, ne badi beyemena Nzambi wa Isalele; Yehowa wa misumba ndina diandi.

Yeshaya 52:1

Tabala, tabala, wewe Siona, udiluatshishe bukole buebe; udiluatshishe bivualu biebe bilengele, wewe Yelushalema, musoko wa tshijila! Bualu bua ku dituku edi tô ne ku mpala udi kayi mutengula ne udi mubiha kabena babuela munda muebe kabidi.

Yirmeya 52:13

Yeye wakoshesha nsubu wa Yehowa ne nsubu ya mukelenge; wakayoshesha ne nsubu yonso ya mu Yelushalema, nsubu minene yonso mene ne kahia.

Muadi 1:10

Muena lukuna wandi wakuhaula bintu biandi bionso bia mushinga mukole; bulelela, yeye wakumona ba mu bisamba bia bantu babuela mu nsubu wandi wa tshijila, bobo mene bawakulela mukenji ne, Kababuedi mu nsubu wanyi wa kusambakena.

1 Kulondolola 23:5

bantu binunu binai bakadi balami ba ku bibi; bantu binunu binai bakatumbisha Yehowa ne bintu biakenza Davidi bia kumutumbisha nʼabi.

Yeshaya 63:18

Bantu bebe ba tshijila bakadi ne tshitendelelu tshiebe tshituha tshihi, bena lukuna betu bakutshidiata muinshi mua makasa abo.

Muadi 1:7

Mu matuku a makenga andi ne a kanyinganyinga kandi Yelushalema udi uvuluka masanka andi onso akadiye nʼau mu matuku a kale. Hakabona bantu bandi mu bianza bia bena lukuna babo, kakuakadi muntu bua kumukuatshisha; bamukengeshi bakamumona, bakamuseka bua kubutuka kuandi.

Agayi 2:3

Muntu kai udi mushale munkatshi muenu wakamona nsubu eu mu butumbi buandi diambedi? Nudi numumona bu tshinyi mpindiu? Kena ku mesu kuenu bu tshintu tshia hatuhu, anyi?