Yeshaya 60:8 - Mukanda wa Nzambi Dihungila Dikulukulu ne Dihungila Dihia-dihia 2003

⁸ Aba mbanganyi badi baya lukasa bu ditutu, bu nyunyu ya nkutshi idi ibuela ha masoso a nsubu wai?

MUKANDA WA MYIDI MUKULU

⁸ Aba bonsu mbanganyi? Badi baya lukasa bu mavuba, bu tshisumbu tshia nkudimba idi ipingana mu tshilamba tshiayi.

Yeshaya 60:8 交叉引用

Didimanyisha 7:9

Ku nyima kua malu a nakatangila, ne mona, tshisumbu tshinene tshia bantu tshiakadi muntu kai mua kubala, munkatshi mua ditunga dionso, ne munkatshi mua bisamba bionso, ne bantu bonso, ne miaku yonso, bimana ku mpala kua nkuasa wa butumbi ne ku mpala kua Muana wa Mukoko, baluatshishibue maye, ka matoke, bikale ne malala a mabue mu bianza biabo.

Luke 13:29

Nebafume ku esete ne ku wesete ne ku node ne ku sude, nebashikame ku mesa mu bukelenge bua Nzambi.

Ebrewu 12:1

Nunku, tuetu kabidi, bualu bua tudi tunyungulukibua ne tshisumbu tshinene nunku tshia bamanyi, tumushai bujitu buonso, ne malu mabi adi bualu butekete bua kutulenduisha, tuidikishe ne kutantamana tshidikishilu tshietu tshia lubilu tshidi tshitekibua ku mpala kuetu,

Yeshaya 60:4

Banduluka biebe, tangila ku nseke yonso; buonso buabo badi badisangishe hohamue, badi balua kûdi; bana bebe ba balume nebafume ku miaba idi kule, bana bebe ba bakashi nebalue batuadibue mu lubese.

Yeshaya 49:21

Hashishe wewe newambe mu mutshima webe ne, Wakundelela bana aba nganyi? Bualu bua nakadi mu lufuila lua bana banyi, nakushala hatuhu, muihatshibue tô ne ku buloba bua bende, ngendakana tshianana; wakukolesha bana aba nganyi? Monai, bakashiya meme nkayanyi; bantu aba bakadi kudi kunyi?

Yeshaya 45:22

Hinganai kundi, nusungidibue, nuenu ba kunfudilu kua buloba; bualu bua meme ndi Nzambi, ne kakuena mukuabo muomumue nʼanyi.

Osheya 11:11

Nebafume ku Ejipitu bazakale bu nyunyu, nebafume ku buloba bua Ashû bu nyunyu wa nkutshi; nembashikike mu nsubu yabo kabidi. Â mmei adi Yehowa Wamba.