Yeshaya 60:16 - Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Newamue mabele a bisamba bia bantu, newamue mabele a bakelenge; neumanye ne, Yeye, Yehowa, udi Musungidi wanyi ne Muhikudi wanyi, Mutambe Bukole wa Yakoba.

MUKANDA WA MYIDI MUKULU

¹⁶ Bena matunga ne bakalenga babu, nebakukuatshile mudimu, mudi mamu wamusha muanende. Nenku neumanye ne: meme Maweja-Nangila ndi mukupandishi webe. Meme Mvidi Mukulu wa Yakobe, ndi mudiangatshile bualu buebe ne manza abidi.

Yeshaya 60:16 交叉引用

Yeshaya 49:23

Bakelenge nebikale batatu bebe balami, ne bakelenge babo bakashi nebikale bamamu bebe bandeshi. Nebatue mpala yabo hanshi ku mpala kuebe, nebalake luhuishi lua ku makasa ebe. Ka wewe neummanye meme ne, Ndi Yehowa mene; badi bangeyemena kabena bafuishibua bundu.

Yeshaya 66:14

Nenumone malu â, ne mitshima yenu neyisanke; mifuba yenu neyidiunde bimpe bu mashinde a lutende. Bukole hua tshianza tshia Yehowa nebumanyibue kudi bantu bandi, ne tshiji tshiandi netshikale kudi badi nʼandi lukuna.

Yeshaya 61:6

Kadi nuenu nenubikidibue ne, Bakuidi ba Yehowa; bantu nebanuidike dina ne, Bi kuatshi ba mudimu wa Nzambi wetu. Nenudie biuma bia bisamba bia bantu, ne nenuditumbishe mu butumbi buabo.

Yezekiyele 34:30

Mukelenge Yehowa udi wamba ne, Neyimanye ne meme, Yehowa Nzambi wai, ndi nʼai; ne yoyo Bena Isalele, mbantu banyi.

Yeshaya 59:20

Yehowa udi wamba ne, Nealue ku Siona bu Muhikudi, kudi ba mu Yakoba badi bakudimuna mitshima bua kulekela malu mabi.

Didimanyisha 21:24

Ne ba ma bisamba nebendakane mu dinkenka diau; ne bakelenge ba ha buloba badi baluamu ne butumbi buabo.

Didimanyisha 21:26

nebaluemu ne butumbi ne buneme bua bisamba.

Ekesode 6:7

Nennuangate bu bantu banyi ne meme nengikale Nzambi wenu, nuenu nenumanye ne, Meme udi Yehowa, Nzambi wenu, udi unuhatula muinshi mua majitu a Bena Ejipitu.

Yeshaya 1:24

Nunku Mukelenge, Yehowa wa misumba, Mukole wa Isalele, udi Wamba ne, Tangilai! Nendiholeshe bua badi bankina, nendisombuele kudi badi nʼanyi lukuna.

Yeshaya 12:6

Bandisha dî diebe, ela mbila, wewe muena musoko wa Siona; bualu bua udi munene munkatshi muebe nyeye Wa Tshijila wa Isalele.

Yeshaya 19:20

Nedikale bu tshimanyinu ne bu tshimanyishilu kudi Yehowa wa misumba mu buloba bua Ejipitu; bualu bua hadilabo kudi Yehowa bua babakengeshi babo, neabatumine musungidi udi kabidi tshilobo, ne yeye neabasungile.

Yeshaya 25:9

Mu dituku adi nebambe ne, Monai, eu udi Nzambi wetu utuakutekemena ne, Neatusungile; eu udi Yehowa utuakutekemena; netuikale ne disanka, netusanke mu luhandu luandi.

Yeshaya 29:24

Bantu kabidi badi batuhakana mu mitshima yabo nebikale ne lungenyi, ne badi batontolola nebayile diyisha.

Yeshaya 33:22

Bualu bua Yehowa udi mulumbuluishi wetu, Yehowa udi mutueledi wa mikenji, Yehowa udi Mukelenge wetu; yeye neatusungile.

Yeshaya 43:11

Meme, meme mene, ndi Yehowa; kakuena musungidi mukuabo kabidi anu meme nkayanyi.

Yeshaya 45:15

Bulelela, wewe udi Nzambi udi usokoma, wewe Nzambi wa Isalele, Musungidi.

Yeshaya 45:21

Nuambe bienu, nuleshe malu anudi basue kutumbila: bulelela, bele tshifufu, batuleshe ne, Wakunuambila bualu ebu mu bidimu bia diambedi nganyi? Wakadianjila kuamba bualu ebu kale nganyi? Meme Yehowa tshiakuenza bualu ebu, anyi? Kakuena nzambi mukuabo muomumue nʼanyi, muakane ne Musungidi; kakuena mukuabo muomumue nʼanyi.

Yeshaya 60:17

Nendue ne or mu muaba muakadi tshiamu tshia mitaku, nendue ne argent mu muaba muakadi tshiamu tshifike, nendue ne tshiamu tshia mitaku mu muaba muakadi mabaya, ne tshiamu tshifike mu muaba muakadi mabue. Nenvuishe Ditalala bukokeshi buebe, nenvuishe Buakane nfumu webe.

Yeshaya 63:8

Bualu bua yeye wakamba ne, Bulelela, badi bantu banyi, badi bana banyi badi kabayi bandinga; nunku yeye wakalua Musungidi wabo.

Yeshaya 63:16

Bualu bua wewe udi Tatu wetu, nansha bikala Abalahama kayi mutumanye, nansha bikala Isalele kayi mutuitabushe bu bana bandi. Wewe, Yehowa, udi Tatu wetu; Muhikudi wetu wa ku tshibangidilu ndina diebe.

Yirmeya 15:21

Nenkuhandishe mu bianza bia bantu babi, nenkuhikule mu bianza bia bakengeshi babi.

Yeshaya 49:26

Nendishe badi bakukengesha minyinyi ya ha mibidi yabo mene, nebakuatshike mashi abo mene bu mudibo bakuatshila maluvu a dimeme. Hashishe bantu bonso nebamanye ne, Meme Yehowa, ndi Musungidi webe, ne Muhikudi webe, Wa Bukole wa Yakoba.

Yeshaya 52:6

Nunku bantu banyi nebamanye dina dianyi; nunku nebamanye halua difuku diadia ne, Mmeme Yehowa udi wamba dî edi; ka meme ndiku.