Yeshaya 59:21 - Mukanda wa Nzambi Dihungila Dikulukulu ne Dihungila Dihia-dihia 2003

²¹ Yehowa udi wamba ne, Bu mundi ngamba, etshi ntshihungidi tshindi mpunga nʼabo: Nyuma wanyi udi hamʼbidi hebe, ne mei anakuteka mukana muebe, kabiena biumuka mukana muebe, anyi mukana mua bana bebe baledibue, anyi mukana mua bikulu bebe, ku dituku edi to ne tshiendelele. Yehowa udi wamba nunku.

MUKANDA WA MYIDI MUKULU

²¹ Maweja-Nangila kuamba kabidi ne: “Monayi ndondu undi ntua nenu: Mueyelu wanyi neunutulukile. Ndi nnulongesha malu anyi bituadije ku mpindiewu ne kashidi. Tshiena ngumusha dilongesha edi kunudi, nansha kudi bana benu, nansha kudi biikulu benu. Meme Maweja-Nangila ndi njadika nanku awu.”

Yeshaya 59:21 交叉引用

Ebrewu 10:16

Etshi ntshihungidi tshinahunga nʼabo; Ku nyima kua matuku â, Mukelenge udi wamba, Nenteke mikenshi yanyi mu mitshima yabo, Nenyifunde ha meshi abo kabidi, hashishe udi wamba ne,

Yeshaya 51:16

Nakuteka mei anyi mukana muebe, nakukusokoka mu mundidimbi wa tshianza tshianyi, bua meme kuasa diulu ne kujadika bishimikidi bia buloba, ne bua kuambila Siona ne, Wewe udi bantu banyi,

Yeshaya 44:3

Bualu bua nendongolole mai ha buloba budi kabuyi ne mai, nempatule misulu mu buloba budi bûme; nengitshikishe Nyuma wanyi hamʼbidi ha bana bebe, ne disankisha dianyi hamʼbidi ha tunkanunuma tuebe.

Yowanane 4:14

kadi wanua mai anamuha kena wikala ne nyota kabidi tshiendelele; mai anamuha neikale munda muandi bu mushimi wa mai abanda mu muoyo wa tshiendelele.

Yeshaya 55:3

Telejai matshu enu, nulue kundi; nunvue bienu, nenuikale ne muoyo. Bua nempunge nʼenu tshihungidi tshia tshiendelele, tshidi luse lunajadikila Davidi kashidi.

Rome 8:9

Kadi nuenu kanuena nuikala mu malu a mubidi, nudi nuikala mu malu a Nyuma, bikala Nyuma wa Nzambi munda muenu. Ne bikala muntu kai ne Nyuma wa Kilisto, kena wa Kilisto nasha.

Yowanane 3:34

Udi mutuma kudi Nzambi udi wamba mei a Nzambi; bualu bua yeye kena umulobela Nyuma.

Yowanane 7:39

Yeye wakadi Wamba bua Nyuma wangatabo kudi bakumuitabusha; Nyuma kakadi muanze kulua, bua Yesu kakanza kutumbishibua.

Yeshaya 49:8

Yehowa udi wamba dî edi ne, Mu tshikondo tshia diakalengele nakitaba kûdi, ne mu dituku dia luhandu nakukukuatshisha; nenkutume, nenkume kudi bantu bu tshihungidi tshiabo, bua kujadika buloba, bua kubahesha mahianyi akadi mashale makolo.

2 Korente 3:8

mudimu wa nyuma kawena utamba kuikala ne butumbi, anyi?

Yowanane 1:33

Tshiakumumanya; kadi wakantuma bua kubatiza bantu mu mai wakungambila ne, Muntu uwatangila Nyuma uhuekela hamʼbidi handi, mumuikile, yeye nguabatiza bantu mu Nyuma Muimpe.

Yowanane 17:8

bualu bua mei awakumpa nakubahau; bakuitabusha, bakumanya bulelela ne, Nakufuma kûdi; bakuitabusha kabidi ne, Wewe wakuntuma.

Yowanane 8:38

Meme ntu ngamba malu anakutangila kudi Tatu wanyi, nuenu kabidi nutu nuenza malu anuakunvua kudi tatu wenu.

Rome 11:27

Ne etshi ntshihungidi tshianyi tshindi mpunga nʼabo, Hanumusha malu mabi abo.

Ekesode 4:15

Wewe neuyikile handi, neuteke mei mukana muandi, meme nengikale ne mukana muebe ne mukana muandi, nenkuyishe malu anudi mua kuenza.

Yeshaya 32:15

Malu â neikaleku tô ne hatshikishabo Nyuma wa mu diulu hamʼbidi hetu, handamuka tshihela budimi budi bulua ne bia kudia bia bungi, ne babadibua budimi budi bulua ne bintu bia bungi bu ditu.

Yeshaya 40:8

Mashinde adi afubidila, tshilongo tshidi tshiumuka; kadi dî dia Nzambi wetu nedijalame tshiendelele.

Yeshaya 42:1

Tangilai, muntu wanyi undi nshindika, wanyi musungula udi mutshima wanyi usanka bualu buandi. Nakumuela Nyuma wanyi hamʼbidi handi; yeye neavuishile bisamba bia bende kulumbulula kuakane.

Yeshaya 54:10

Bualu bua mikuna mile idi mua kumuka, ne mikuna mihuekele idi mua kuzakashibua, kadi dinanga dianyi kadiena diumuka kûdi, ne tshihungidi tshianyi tshia ditalala katshiena tshiumushibua, mudi Yehowa udi ukufuila luse wamba.

Yeshaya 55:11

nunku dî didi dihatuka mukana muanyi nedikale muomumue; kadiena dihingana kundi hatuhu, kadiyi dianze kuenza muanda undi musue dienze, kadiyi dianze kushikisha muanda unakaditumina.

Yeshaya 57:19

Yehowa udi wamba ne, Ditalala, ditalala dikale kudi muntu udi kule ne kudi muntu udi ha buihi; nemmuondahe.

Misambu 119:43

Kungumutshidi dî dia bushuwa mukana muanyi kashidi; bualu bua ndi ne ditekemena mu mei ebe majalame.

Nsumuinu 7:3

Ubisuike ku minu yebe; ubifunde mu mutshima webe.

Yeshaya 66:22

Bualu bua bu mudi diulu dihia-dihia ne buloba buhia-buhia, bindi ngenza bishala ku mpala kuanyi, mmudi Yehowa wamba, mbu mudi tunkanunuma tuenu ne dina dienu bishala.

Yirmeya 1:9

Mu diba adi Yehowa wakolola tshianza tshiandi, wakalenga mukana muanyi. Yehowa wakangambila kabidi ne, Mona, nakuteka mei anyi mukana muebe;