Yeshaya 55:7 - Mukanda wa Nzambi Dihungila Dikulukulu ne Dihungila Dihia-dihia 2003

⁷ Muntu mubi alekele kuenda mu nshila wandi mubi, udi kayi muakane alekele meji andi mabi; ahingane biandi kudi Yehowa, yeye neamufuile luse; ne kudi Nzambi wetu, bualu bua yeye neatambe kumubuikidila mibi yandi.

MUKANDA WA MYIDI MUKULU

⁷ Muntu mubi alekele njila yende mibi. Udi kayi ne meji makane, alekele meji ende mabi! Bantu bapingane bonsu kudi Maweja-Nangila, bualu neabafuile luse! Bapingane kudi Mvidi Mukulu wetu, bualu neabalekele mibi yabu!

Yeshaya 55:7 交叉引用

Nsumuinu 28:13

Udi usokoka matomboka andi kena wikala ne diakalengele, kadi udi uwatonda, uwalekela, neafuidibue luse.

Luke 15:10

Ndi nuambila ne, Nunku kabidi disanka didi ku mesu kua banjelo ba Nzambi bualu bua muntu umue mubi wakukudimuna mutshima wandi.

Yeshaya 44:22

Nakujimisha matomboka ebe bu mudi ditutu difike dijimina, ne malu mabi ebe bu mudi dibungi dijimina; uhingane kundi, bualu bua nakukubikila.

Yona 3:10

Nzambi wakamona bienzedi biabo, bu muakalekelabo nshila wabo mubi; ne Nzambi wakakudimuna mutshima wandi bua muanda mukole wakambeye diambedi ne, Nembenzele; yeye kakawenza nansha.

Yeshaya 43:25

Meme, meme mene, ndi yeye udi ukubuikidila mihi yebe bua bualu buanyi bume, tshiena nvuluka malu mabi ebe kabidi.

2 Kulondolola 7:14

biadihuekesha bantu banyi badi babikila dina dianyi, biatendelelabo, biakebabo mpala wanyi, ne biakudimunabo mitshima yabo bua mibi yabo, nengunvuile mu diulu, nembabuikidile mibi yabo, nensangashe buloba buabo.

Bienzedi 3:19

Kudimunai mitshima yenu, andamukai kabidi, bua mibi yenu Ijimishibue; bua bikondo bia kunukankamasha bifume ku mesu kua Mukelenge,

Yirmeya 4:14

Wewe, Yelushalema, uvuwa mutshima webe ku malu mabi, bua wewe kusungidibua. Meji ebe mabi neashale munda muebe musangu bule bishi?

Yezekiyele 33:11

Ubambile ne, Mukelenge Yehowa udi wamba ne, Bu mundi meme ne muoyo, tshiena ne disanka bua lufu lua muntu mubi, kadi ndi nsanka bua muntu mubi umuke mu nshila wandi mubi bua ikale ne muoyo. Tshingulukai! Tshingulukai! Lekelai bienzedi bienu bibi! Bualu kai nudi basue kufua, nuenu Bena Isalele?

Matayi 9:13

Yai bienu nuyile dî edi ne, Ndi musue luse, tshiena nsua nyama minshihela; meme tshiakuluila bua kubikila badi bakane, nakuluila bua kubikila badi babi.

Misambu 66:18

Bu meme inulame malu mabi mu mutshima wanyi, Mukelenge kakadi kungunvuila.

Bienzedi 26:20

kadi nakambila ba mu Damaseke diambedi, ne ba mu Yelushalema, ne ba mu luseke luonso lua Yudaya, ne ba bisamba bia bende kabidi, bua kukudimunabo mitshima yabo, batshinguluke kudi Nzambi, benze malu adi makanangane ne dikudimuna dia mitshima yabo.

Luke 15:24

bualu bua muana wanyi eu wakadi mufue, udi ne muoyo kabidi; wakadi mujimine, wakamueneka. Bakabanga kusanka.

Luke 7:47

Bua bualu ebu ndi nkuambila ne, Mibi yandi idi ya bungi, yakujimishibua; bualu bua yeye wakadi ne dinanga dia bungi; walekelelabo malu makese udi ne dinanga dikese.

Marke 7:23

malu mabi â onso adi aluhuka munda mua muntu, ngadi amubihisha.

Yeshaya 54:10

Bualu bua mikuna mile idi mua kumuka, ne mikuna mihuekele idi mua kuzakashibua, kadi dinanga dianyi kadiena diumuka kûdi, ne tshihungidi tshianyi tshia ditalala katshiena tshiumushibua, mudi Yehowa udi ukufuila luse wamba.

Yeshaya 40:2

Nuambile mutshima wa Yelushalema mei makane; numuele dî ne, Tshikondo tshiebe tshia mudimu mukole tshiakushika, bakukubuikidila bubi buebe. Wakuheta makenga ku tshianza tshia Yehowa akuvudisheye misangu ibidi bua malu mabi ebe.

Marke 7:21

Mu mitshima ya bantu mudi muluhuka meshi mabi ne tshiendenda ne buibi ne kushiha kua bantu ne masandi

Misambu 130:7

Bena Isalele, nuikale ne ditekemena dienu mu Yehowa, bualu hua kudi Yehowa ke kudi luse lujalame, kudiye kudi buhikudi bukumbane kabidi.

Misambu 51:1

Nzambi, unfuile luse, bu mudi luse luebe lujalame; ku divulangana dia luse luebe, unjimishile matomboka anyi.

Yakobe 1:15

Hashishe lukuka, himitalu, ludi lulela bubi: ne bubi, hakolabu budi bulela lufu.

Yeshaya 32:7

Bielelu bia nvita bia muena budimu bidi bibi; udi udihangidishila biandi bienzedi bibi bua kubutula nʼabi bahele ku mei a mashimi, nansha hamba muntu muhele mei adi malelela.

Genese 6:5

Yehowa wakamona ne, Mibi ya bantu idi idiundadiunda munkatshi mua ba ha buloba ne meji adibo bela mu mitshima yabo adi mabi matuku onso.

Zekâya 8:17

Yehowa udi wamba ne, Nansha umue wa munkatshi muenu kahangidishi bualu mu mutshima wandi bua kuenzeleye muena mutumba nʼandi bibi; kanunangi mutshihu wa mashimi, bualu bua ndi nkina malu â onso.

Yirmeya 3:3

Nunku Nzambi wakukanda nvula ya diambedi, ne nvula mishishe kayena miloke; kadi wewe udi ne mpala wa muena masandi, udi ubenga kukuatshika bundu.

Yeshaya 59:7

Makasa abo adi aya lubilu kudi malu mabi, adi adiendesha lubilu bua kumatshisha mashi a muntu udi kayi ne tshilumbu; meji abo adi meji mabi, kubutuka ne kuoneka kudi mu nshila yabo minene.

Yeshaya 1:19

Binuikala ne mitshima ya kuenza malu anyi ne ya kutumikila dî dianyi, nenudie bintu bimpe bia mu buloba;

Yeshaya 14:1

Bualu bua Yehowa neafuile Yakoba luse, neasungule ba mu Bena Isalele bu bantu bandi kabidi, ne neabashikike mu buloba buabo bua diambedi. Bantu ba bende nebadisangishe nʼabo, nebadilamike kudi ba mu bana ba Yakoba.

Yeshaya 31:6

Hinganai bienu, nuenu bana ba Isalele, kudi yeye unuakutamba kutombokela.

Yeshaya 54:8

Mu tshiji tshitamba hukole nakasokoka mpala wanyi kûdi katuha kihi kadi mu dinanga dia tshiendelele nenkufuile luse.

Yeshaya 58:6

Eku kakuena kujila kua bia kudia kunakusungula, anyi? Mbua kusulula nkanu ya malu mabi, mbua kusulula majita adi asuika mutshi wa tshikokedi, mbua kulekela bakengeshibue, ne mbua kutshibula mutshi wa tshikokedi wonso.

Yezekiyele 14:6

Bua malu â ambila ba mu tshisamba tshia Bena Isalele ne, Mukelenge Yehowa udi wamba ne, Kudimunai mitshima yenu, nukome mpingu yenu nyima, umushai mesu ku malu enu a bundu.

Danyele 4:27

Bua muanda eu, mukelenge wanyi, wanji kuitabusha lungenyi luanyi: ulekele mibi yebe, uhingashe bienzedi biakane mu muaba wai; ulekele malu ebe a tshishiku, ufuile bahele luse; nunku, bumue, diakalengele diebe nedileheshibue.

2 Kulondolola 15:2

wakaya kusangakena ne Asa, wakamuambila ne, Unvuai, Asa ne Bena Yuda ne Bena Benyamina; Yehowa udi nʼenu, hantshidi nʼandi; binuamukeba, nenumuhete; kadi binuamulekela, yeye neanulekele.

2 Kulondolola 15:4

kadi mu ntatu yabo hakakudimunabo mitshima yabo kudi Yehowa, Nzambi wa Isalele, bobo bakamuheta.

2 Kulondolola 30:6

Nunku miloho yakaya ne mikanda ya mukelenge ne ya bantu banene ku nseke yonso ya Bena Isalele ne ya Bena Yuda, bu muakadi mukenji wa mukelenge ne, Nuenu Bena Isalele, kudimunai mitshima yenu kudi Yehowa, Nzambi wa Abalahama ne wa Isaka ne wa Isalele, bua yeye ahingane kudi difuka dienu diakahanduka mu bianza bia bakelenge ba Ashû.

2 Kulondolola 33:13

Wakamutendelela; Nzambi wakamunvuila, wakitabusha kutendekena kuandi, wakamuhingisha ku Yelushalema mu bukelenge buandi kabidi. Hashishe Manashe wakamanya ne, Yehowa udi Nzambi.

Yobe 22:23

Biwahingana kudi Wa Bukole Buonso, biadihuekesha, biûmusha malu adi kayi makane mu ntenta webe,

Misambu 130:4

Kadi dibuikidila dia mibi didi kûdi, bua wewe unemekibue.

Yeshaya 21:12

Mutentekedi udi witaba ne, Butuku bukadi butshia, kadi nebuile kabidi. Binuasua kunkonka kabidi, nunkonke bienu. Alukilai kabidi, luai bienu.

Yirmeya 3:14

Yehowa udi wamba ne, Hinganai kundi, nuenu bana banyi bakadi bandekela, bualu bua ndi bayenu. Nennusungulule, muntu umue ku musoko umue, bantu babidi ku diku ne ku diku, nendue nʼenu ku Siona.

Muadi 3:40

Tukebulule mu mitshima yetu, tumanye nshila itudi tuendela, tuhingane kudi Yehowa kabidi.