Yeshaya 55:5 - Mukanda wa Nzambi Dihungila Dikulukulu ne Dihungila Dihia-dihia 2003

⁵ Monai, wewe neubikile tshisamba tshiudi kuyi muanze kumanya, ne bisamba bidi kabiyi bianze kukumanya nebinyemene kûdi, bualu bua Yehowa Nzambi webe, ne bua Wa Tshijila wa Isalele; bua yeye wakukutumbisha.

MUKANDA WA MYIDI MUKULU

⁵ Ne wewe kabidi Izrayele, neubikile bantu benyi, baudi kuyi muanji kumanya. Bantu aba, badi kabayi banji kukumanya, nebafike kuudi. Nebafike kuudi amu bualu buanyi meme, Maweja-Nangila Mvidi Mukulu webe, wa tshijila wa Izrayele. Bualu meme ndi nkupesha lumu elu.”

Yeshaya 55:5 交叉引用

Yeshaya 60:9

Bulelela, maloba a ku muelelu wa mai neangindile, ne matu a ku Tâshishi neadianjile kufika, bua kulua ne bana bebe ba balume ku miaba idi kule, balua ne argent wabo ne or wabo diatshimue nʼabo, bua muanda wa dina dia Yehowa Nzambi webe, ne bua muanda wa Wa Tshijila wa Isalele, bualu bua yeye wakukutumbisha.

Yeshaya 60:5

Mu diba adi neumone muanda eu, neutambe kusanka, mutshima webe neukume, neûle ne disanka; bua nebakudimune biuma bidi bituadibue ha mai manene, nebanfikishe kûdi, ne luhetu lua bisamba bia bantu nelufike kûdi.

Zekâya 2:11

Bisamba bia bungi nebilamate Yehowa dituku adi, nebikale bantu banyi; ne meme nenshikame munkatshi muenu, ne wewe neumanye ne Yehowa wa misumba wakuntuma kûdi.

Rome 15:20

Nunku ma buala ebu ndi ntshinta bua kuamba lumu luimpe ku nseke kudi dina dia Kilisto kadi dianze kutedibua, bua meme tshiashi ha bishimikidi biakatekabo kudi munga muntu.

Bienzedi 5:31

Nzambi wakamubisha ne tshianza tshiandi tshîa balume bua kuikaleye Mukelenge ne Musungidi, ne bua kuheye Isalele kukudimuna kua mitshima ne kujimisha kua mibi.

Bienzedi 3:13

Nzambi wa Abalahama ne wa Isaka ne wa Yakoba, Nzambi wa bankambua betu, yeye wakatumbisha Muana wandi Yesu, unuakufila, ne unuakuhidia ku mesu kua Pilato, hakasueye kumulekela.

Yeshaya 56:8

Mukelenge Yehowa, udi usangisha bamuangalashibue ba mu Isalele, udi wamba ne, Nensangishe bakuabo kudiye kabidi, ha mutu ha banakamana kusangisha diambedi.

Yeshaya 55:4

Monai, nakamusungula bu mumanyi wanyi kudi bantu, bu mukokeshi wabo ne kapitene ka bantu.

Yeshaya 45:23

Nakuditshiha mu dina dianyi nkayanyi, dî diakane diakuhatuka mukana muanyi, kadiena dihingana: Diamba ne, Tshinu tshionso netshintuile hanshi, ludimi luonso neluditshihe,

Misambu 18:43

Wewe wakansungila ku mafuilangana a bantu; wakanteka ku mutu kua bisamba bia bantu. Bantu banakadi tshiyi muanze kumanya diambedi bakankuatshila mudimu.

Genese 49:10

Dikombo dia bukelenge kadiena diumuka kudi Yuda, tshibangu tshia bukokeshi katshiena tshiumuka hankatshi ha makasa andi to ne halua Shilo, ne bantu bonso nebakukukuile.

Yowanane 17:1

Hakamba Yesu malu â, wakatangila mulu, wakamba ne, Tatu, diba diakufika; utumbishe Muanʼebe, bua Muana akutumbishe;

Osheya 1:10

Kadi bungi bua Bena Isalele nebuikale bu nsenga ya ku mai manene, idibo kabayi mua kuidikisha anyi kubala; ne mu muaba wakadibo bamba ne, Kanuena bantu banyi, nebabambile ne, Nudi bana balume ba Nzambi wa muoyo.

Yeshaya 52:15

Nunku yeye neatabuluishe bisamba bia bungi; bakelenge nebabuikile mukana muabo bua bualu buandi; bualu bua nebamone malu adi bakuabo kabayi banze kubambila; nebelangane meji a malu adibo kabayi banze kunvua.

Yeshaya 49:6

mpindiu Yeye udi wamba ne, Mbualu budi butamba bukese bua wewe kuikala muntu wanyi bua kubisha kabidi bisamba bia Yakoba, ne bua kuhingasha ba mu Isalele badi bashala ne muoyo; ka nenkuyishe bu munya kudi ba bisamba bia bende, bua luhandu luanyi lufike tô ne kunfudilu kua buloba.

1 Petro 1:11

bakebakeba tshikondo kai ne mushindu kai wa tshikondo tshiakabalesha Nyuma wa Kilisto wakadi munda muabo, hakadianjileye kubambila bua makenga a Kilisto ne bua butumbi buakadi ha kualonda.

Ebrewu 5:5

Nunku, Kilisto kabidi, kakaditumbisha bua kuvuishibua muakuidi munene, kadi wakamutumbisha nyeye wakamuambila ne, Wewe udi Muana wanyi, Nakukulela lelu eu;

Efeze 3:5

kabuakadi bumanyishibua bukua bantu mu bikondo bikuabo, kadi katataka buakabuluidibua bapostolo bandi ba tshijila ne baprofete mu Nyuma Muimpe;

Luke 24:26

Kabiakadi bimpe bia Kilisto kukengeye mu malu â ne bua kubueleye mu butumbi buandi, anyi?

Efeze 2:11

Nunku nuvuluke ne diambedi nuenu, bantu ba bisamba bia bende mu kuledibua kuenu, badi babikidibua ne, Kabena batengula, kudi bantu badi babikidibua ne, Batengula ne ditengula dia mubidi dienza ne bianza;

2 Samuele 22:44

Wewe wakasungila kabidi ku matandu a bantu banyi; wakajadika bua meme kuikala ku mutu kua bisamba bia bantu; bantu bandi tshiyi mumanye nebankuatshile mudimu.

Yeshaya 45:14

Yehowa udi wamba ne, Luhetu lua ku Ejipitu ne biuma bia buendaluki bua mushinga mu Atiopa, ne Bena Seba bine, bantu bale, nebibuele ku luseke luebe, nebikale bintu biebe. Nebakulonde, nebalue ku luseke luebe ne nkanu mibasuike. Nebahone hanshi ku mpala kuebe bua kukukuila; nebakutendekene ne, Munkatshi muenu mudi Nzambi bulelela; kakuena mukuabo, kakuena Nzambi mukuabo muomumue nʼandi.

Yeshaya 45:22

Hinganai kundi, nusungidibue, nuenu ba kunfudilu kua buloba; bualu bua meme ndi Nzambi, ne kakuena mukuabo muomumue nʼanyi.

Yeshaya 49:12

Monai, bantu aba nebafume kule, ne bantu aba nebafume ku nôde, ne ku wesete, ne bantu aba nebafume ku buloba bua Bena Siene.

Yirmeya 30:19

Dî dia kusakidila nedihatuke munda muai, ne dî dia bantu badi basanka. Nembavudishe ne kabena bikala bantu babalê; nembatumbishe, ne kabena bikala bantu bahuekele.

Yezekiyele 39:7

Nemmueneshe tshijila tshia dina dianyi munkatshi mua bantu banyi Bena Isalele; ne tshiena ngitabusha bua dina dianyi dia tshijila dihendibue kabidi; nunku ba mu bisamba bia bantu nebamanye ne, Meme ndi Yehowa, Wa Tshijila wa mu Isalele.