Yeshaya 54:8 - Mukanda wa Nzambi Dihungila Dikulukulu ne Dihungila Dihia-dihia 2003

⁸ Mu tshiji tshitamba hukole nakasokoka mpala wanyi kûdi katuha kihi kadi mu dinanga dia tshiendelele nenkufuile luse.

MUKANDA WA MYIDI MUKULU

⁸ Tshivua musue kukumona kabidi to. Bualu mvua ne tshiji tshikole. Kadi bivua bua katupa kipi. Kadi mpindiewu nenkuleje kashidi, mundi nkunanga bikole. Meme Maweja-Nangila, ndi nkujadikila bualu ebu. Meme nenkusungidile.

Yeshaya 54:8 交叉引用

Yirmeya 31:3

Yehowa wakamueneka kundi kale, wamba ne, Nakukunanga ne dinanga dia tshiendelele, nunku nakunanukila kukulesha luse lujalame.

1 Timote 1:16

Kadi bua bualu ebu nakafuidibua luse, bua munda muanyi bu muntu mubi muhite bakuabo, Yesu Kilisto amueneshe lutulu luandi luonso, bu tshileshilu kudi bantu balua kumuitabusha tô ne ku muoyo wa tshiendelele.

Yeshaya 60:10

Bantu ba mu bisamba bia bende nebibake ngumbu yebe kabidi, bakelenge babo nebakukuatshile mudimu; bualu bua nakakukuma mu tshiji tshianyi, kadi mu dinanga dianyi dinakukulesha nakukufuila luse.

Zekâya 1:15

Ntshidi ne tshiji tshikole kudi bisamba bidi bishikame tshianana bualu bua hanakadi ne tshiji tshikese, malu mabi akatshibandisha.

Yeshaya 55:3

Telejai matshu enu, nulue kundi; nunvue bienu, nenuikale ne muoyo. Bua nempunge nʼenu tshihungidi tshia tshiendelele, tshidi luse lunajadikila Davidi kashidi.

Yeshaya 54:10

Bualu bua mikuna mile idi mua kumuka, ne mikuna mihuekele idi mua kuzakashibua, kadi dinanga dianyi kadiena diumuka kûdi, ne tshihungidi tshianyi tshia ditalala katshiena tshiumushibua, mudi Yehowa udi ukufuila luse wamba.

Yeshaya 54:5

Bua Mufuki webe udi bayebe, Yehowa wa misumba ndina diandi. Wa Tshijila wa Isalele udi Muhikudi webe; nebamubikile ne, Nzambi wa buloba buonso.

Yeshaya 48:17

Yehowa, Muhikudi webe, Wa Tshijila wa Isalele udi wamba ne, Meme ndi Yehowa Nzambi webe, udi ukuyisha bua wewe wikale ne diakalengele, udi ukulombola mu nshila ûdi ne bualu bua kuendelamu.

Yeshaya 47:6

Nakadi ne bantu banyi tshiji, nakanyanga buhianyi buanyi, nakabafila mu tshianza tshiebe; wewe kuakabafuila luse; wakuteka mutshi webe wa tshikokedi ha nshingu ya bantu banunu, wakubanemeshila bujitu.

Yeshaya 8:17

Nengindile Yehowa udi usokoka mpala wandi kudi bana ba Yakoba, nemmutekemene mene.

2 Tesalonike 2:16

Mukelenge wetu Yesu Kilisto muine ne Nzambi Tatu wetu, wakatunanga ne wakatuha busambi bua tshiendelele ne ditekemena dimpe bua ngasa,

Yeshaya 49:26

Nendishe badi bakukengesha minyinyi ya ha mibidi yabo mene, nebakuatshike mashi abo mene bu mudibo bakuatshila maluvu a dimeme. Hashishe bantu bonso nebamanye ne, Meme Yehowa, ndi Musungidi webe, ne Muhikudi webe, Wa Bukole wa Yakoba.

Yeshaya 45:15

Bulelela, wewe udi Nzambi udi usokoma, wewe Nzambi wa Isalele, Musungidi.

Misambu 103:17

Kadi luse lujalame lua Yehowa ludi ku tshibangidilu tô ne kunshikidilu kudi badi bamunemeka. Buakane buandi budi kudi bana ba bana baledibue.

Misambu 13:1

Yehowa, musangu bule munyi wewe neuhue bualu buanyi muoyo? Ntshiendelele, anyi? Neusokoke mpala webe kundi musangu bule bishi?

Misambu 27:9

Kusokoki mpala webe kundi nansha. Kumushi muntu webe ku mpala kuebe mu tshiji, wewe wakadi mukuatshishi wanyi. Kungihatshi, kundekedi, wewe Nzambi wa luhandu luanyi!

Misambu 30:5

Bualu bua tshiji tshiandi tshidiku anu tshituha tshihi, luse luandi ludiku matuku onso a muoyo wa muntu. Muadi udi mua kulua bu muladi butuku, kadi disanka didi dilua hatshiabu.

Yeshaya 14:1

Bualu bua Yehowa neafuile Yakoba luse, neasungule ba mu Bena Isalele bu bantu bandi kabidi, ne neabashikike mu buloba buabo bua diambedi. Bantu ba bende nebadisangishe nʼabo, nebadilamike kudi ba mu bana ba Yakoba.

Yeshaya 26:20

Luai, bantu banyi, buelai mu nsubu yenu, nuinshile bibi bienu ku nyima kuenu; nusokome katuha kihi, tô ne hahita tshikondo tshia njiya.

Yeshaya 40:27

Bualu kai, wewe Yakoba, udi wamba, ne wewe Isalele udi wamba muomumue ne, Nshila wanyi udi musokoka ku mesu kua Yehowa, Nzambi wanyi wakuhua muoyo bua kulumbulula kuakane kudiye ne bualu bua kundesha?

Yeshaya 49:10

Nzala ne nyota kayena ibasuma; luhehele ludi luvuisha luya lukole ne munya kabiena bibosha, bua yeye utu wa bafuila luse neaye ku mpala kuabo, neabalombole ha buihi ne mishimi ya mai.

Yeshaya 49:13

Diulu, imbaku biebe; buloba, sankaku biebe; nuenu mikuna, bandishai mei enu mu kuimba kua misambu! Bualu bua Yehowa wakusamba bantu bandi, ne neafuile bantu bandi badi bakenga luse.

Yeshaya 55:7

Muntu mubi alekele kuenda mu nshila wandi mubi, udi kayi muakane alekele meji andi mabi; ahingane biandi kudi Yehowa, yeye neamufuile luse; ne kudi Nzambi wetu, bualu bua yeye neatambe kumubuikidila mibi yandi.

Yeshaya 63:7

Nenvuluishe bantu bua bienzedi bia luse lujalame lua Yehowa, bua bienzedi bia Yehowa bidi bimutumbisha, bu mudibi bimpe bua malu onso adi Yehowa mutuenzele, ne bua malu andi manene akuenzeleye Bena Isalele, akubahesheye bu mudi luse luandi, ne bu mudi dikumbana dia dinanga diandi dijalame.

Yeshaya 64:7

Kakuena muntu udi udibikila dina diebe, udi udisonsola bua kulamata kûdi; bua wewe wakusokoka mpala webe kutudi, wakutufila mu bukole bua malu mabi etu.

Yirmeya 33:26

nunku kabidi nempidie bana ba Yakoba ne ba Davidi muntu wanyi, bua tshisungudi umue wa mu tunkanunuina tuandi bua bobo bikale bakokeshi ha mutu ha tunkanunuma tua Abalahama, tua Isaka ne tua Yakoba; kadi nenkudimune buhika buabo bua kubahingashila diakalengele, nembafile luse.

Yirmeya 51:5

Bualu bua Nzambi wabo, Yehowa wa misumba, kena mushiye Bena Isalele anyi Bena Yuda bua kuikalabo bakashi bu ba mu lufuila nansha buloba buabo buikale bûle tente ne malu mabi akenzelabo wa Tshijila wa Isalele.

Abakuke 3:2

Yehowa, nakunvua lumu luebe, ndi ntshina. Yehowa, sangulusha mudimu webe munkatshi mua bidimu ebi, munkatshi mua bidimu ebi ûmanyishe kudi bantu; mu njiya yebe uvuluke luse.

Zekâya 1:16

Nunku Yehowa udi wamba ne, Nempingane ku Yelushalema ne luse; nebasemu nsubu wanyi kabidi. Yehowa wa misumba udi wamba ne, Nebolole muonshi bua kuidikisha nʼau Yelushalema.

Zekâya 10:6

Nenkoleshe Bena Yuda, nempandishe ba mu tshiota tshia Yosefe, nembahingashe kabidi bualu bua ndi nʼabo luse, nebikale bu bavua kabayi bihatshibue kundi; bualu bua ndi Yehowa Nzambi wabo, nembunvuile.

Misambu 103:4

udi uhikula muoyo webe ku dibutuka, udi ukuteka luse lujalame ne dinanga ha mutu hebe;

Yezekiyele 39:29

Tshiena mbasokoka mpala wanyi kabidi; bualu bua nakuhumuina Bena Isalele Nyuma wanyi. Mukelenge Yehowa udi wamba dî edi.