Yeshaya 49:23 - Mukanda wa Nzambi Dihungila Dikulukulu ne Dihungila Dihia-dihia 2003

²³ Bakelenge nebikale batatu bebe balami, ne bakelenge babo bakashi nebikale bamamu bebe bandeshi. Nebatue mpala yabo hanshi ku mpala kuebe, nebalake luhuishi lua ku makasa ebe. Ka wewe neummanye meme ne, Ndi Yehowa mene; badi bangeyemena kabena bafuishibua bundu.

MUKANDA WA MYIDI MUKULU

²³ Bana bebe nebabadishe kudi bakalenga bakaji ba mu matunga. Nebabakoleshe kudi bakalenga ba matunga. Nebatue mpala panshi kumpala kuebe. Nebakunemeke, balaka lupuishi lua ku makasa ebe. Nenku neumanye, mundi Maweja-Nangila, mudi bonsu badi batekemena kundi kabayi bafue bundu musangu nansha umue.

Yeshaya 49:23 交叉引用

Yeshaya 60:16

Newamue mabele a bisamba bia bantu, newamue mabele a bakelenge; neumanye ne, Yeye, Yehowa, udi Musungidi wanyi ne Muhikudi wanyi, Mutambe Bukole wa Yakoba.

Yeshaya 60:14

Bana ba balume ba bantu aba bakakukengesha nebalue badinamina hanshi kûdi; bantu aba bonso bakakuhetula nebatue mpala yabo hanshi tô ne ku makasa ebe mene; nebakubikile ne, Musoko wa Yehowa, Siona wa Wa Tshijila wa Isalele.

Yeshaya 60:3

Bisamba bia bantu nebilue ku munya webe, bakelenge nebalue ku dinkenke dia kubanda kua munya webe.

Mika 7:17

Nebalake dinfuenkenya bu nyoka bu bintu bia ha buloba bidi bidikoka hanshi, bobo nebahatuke ku mena abo ne dizakala. Nebakanke ku mpala kua Yehowa Nzambi wetu, bakuatshike buowa; nebatshine bua bualu buenu kabidi.

Yeshaya 45:14

Yehowa udi wamba ne, Luhetu lua ku Ejipitu ne biuma bia buendaluki bua mushinga mu Atiopa, ne Bena Seba bine, bantu bale, nebibuele ku luseke luebe, nebikale bintu biebe. Nebakulonde, nebalue ku luseke luebe ne nkanu mibasuike. Nebahone hanshi ku mpala kuebe bua kukukuila; nebakutendekene ne, Munkatshi muenu mudi Nzambi bulelela; kakuena mukuabo, kakuena Nzambi mukuabo muomumue nʼandi.

Rome 10:11

Mukanda wa Nzambi udi wamba ne, Wamuitabusha kena ufuishibua bundu.

Misambu 25:3

Bulelela, nansha umue wa badi bakuindila neafuishibue bundu; nebafuishe badi benzela bantu malu a bunsonge hatuhu bundu.

Didimanyisha 3:9

Mona, ndi nkuha ba mu nsunagoga wa Satana, ba munkatshi mua badi badiamba ne, Tudi Bena Yuda, ne kabena nunku, kadi badi bashima; mona, nembavuishe bua kuluabo ne bua kukukuilabo ku makasa ebe, ne bua kumanyabo ne nakukusua.

Yeshaya 64:4

Bua ku bikondo bia kale kakuena muntu wakumana anyi wakujingulula ku matshu, kakuena disu diakumona Nzambi udi muomumue nʼebe, udi ukuatshila badi bamuindila mudimu.

Yeshaya 49:7

Yehowa, Muhikudi wa Isalele ne Wa Tshijila wandi, udi wambila muntu udibo bahetula kudi bantu, udibo bakenuka kudi bantu, udi muhika wa bakokeshi babi, ne, Bakelenge nebamone butumbi buebe, nebajuke; bana ba bakelenge nebajuke kabidi, nebakukukuile hanshi; bualu bua Yehowa utudi mua kueyemena, Wa Tshijila wa Isalele, wakukusungula.

Yeshaya 25:9

Mu dituku adi nebambe ne, Monai, eu udi Nzambi wetu utuakutekemena ne, Neatusungile; eu udi Yehowa utuakutekemena; netuikale ne disanka, netusanke mu luhandu luandi.

Misambu 34:22

Yehowa udi uhikula mioyo ya badi bamukuatshila mudimu; kakuena umue wa badi banyemena kudiye wahishibua.

1 Petro 2:6

Bualu bua dî didi mu Mukanda wa Nzambi ne, Tangilai, udi nteka mu Siona dibue dinene dia mu ditumba dia nsubu, disungula ne dia mushinga mukole; Weyemena kudidi kena ufuishibua bundu.

Rome 9:33

bu muakafundabo ne, Tangila, ndi nteka mu Siona dibue dia tshilenduishi, ne dibue dia buteyi; Ne weyemena kudidi kena ufuishibua bundu.

Yeshaya 62:2

Ba mu bisamba bia bantu nebamone kubingishibua kuebe, ne banfumu bonso nebamone butumbi buebe; nebakubikile ku dina dihia-dihia didi mukana mua Yehowa mukuinyike.

Dibadika 11:12

Meme nakimitshisha baledi ba bantu aba mafu, anyi, nakabalela, anyi, bua wewe wakungambila ne, Ubatuale ha tshiadi tshiebe, bu mudi muledi utuala muana utshidi wamua, tô ne ku buloba buwakalaya batatuʼabo?

Rome 5:5

Ne ditekemena kadiena difuisha bundu, bualu bua luse lua Nzambi luakitshikila mu mitshima yetu kudi Nyuma Muimpe wakafukeye.

Yeshaya 52:15

Nunku yeye neatabuluishe bisamba bia bungi; bakelenge nebabuikile mukana muabo bua bualu buandi; bualu bua nebamone malu adi bakuabo kabayi banze kubambila; nebelangane meji a malu adibo kabayi banze kunvua.

Misambu 138:4

Yehowa, bakelenge bonso ba ha buloba nebakusakidile, bualu bua bakunvua mei a mukana muebe.

Misambu 68:31

Bantu banene badi bafume ku Ejipitu, Atiopa udi udiendesha lukasa bua kuololeye bianza biandi kudi Nzambi.

Yowele 2:27

Nenumanye ne meme ndi munkatshi mua Bena Isalele, meme Yehowa, ndi Nzambi wenu, ne kakuena Nzambi mukuabo; bantu banyi kabena bafuishibua bundu kabidi kashidi.

Misambu 69:6

Kuitabushi bua badi bakutekemena bafuishibue bundu bua bualu buanyi, Mukelenge Yehowa wa misumba. Kuitabushi bua badi bakukeba bakeheshibue bua bualu buanyi, Nzambi wa Isalele.

Genese 43:26

Hakalua Yosefe ku nsubu kuandi, bakalua ne matabisha mu bianza biabo, bakamukukuila hanshi.

Genese 27:29

bantu bakukuatshile mudimu, ne bisamba bia bantu bitue mpala hanshi ku mesu kuebe wikale mukelenge wa bana benu, bana ba mamu webe batue mpala hanshi ku mesu kuebe, muntu yonso udi ukuela mulau neadiele mulau muntu yonso udi ukuvudishila disanka, adivudishile disa nka.

Ekesode 6:7

Nennuangate bu bantu banyi ne meme nengikale Nzambi wenu, nuenu nenumanye ne, Meme udi Yehowa, Nzambi wenu, udi unuhatula muinshi mua majitu a Bena Ejipitu.

Yeshaya 14:1

Bualu bua Yehowa neafuile Yakoba luse, neasungule ba mu Bena Isalele bu bantu bandi kabidi, ne neabashikike mu buloba buabo bua diambedi. Bantu ba bende nebadisangishe nʼabo, nebadilamike kudi ba mu bana ba Yakoba.

Yeshaya 14:2

Ba mu bisamba bia ba bende nebabangate, nebabafile ku muaba wabo. Ba mu Bena Isalele nebadiangatshile bantu aba bu buhianyi buabo mu buloba bua Yehowa bua kuikalabo bahika babo balume ne bahika babo bakashi. Nunku nebabueshe bantu aba mu buhika bakadi bababuesha mu buhika diambedi, ne nebakokeshe ku mutu kua bakadi babakengesha.

Yeshaya 26:8

Bulelela, Yehowa, mu nshila wa kulumbulula kuebe, tuakukuindila; mitshima yetu idi ijinga dina diebe, idi ijinga tshivulukidi tshiebe.

Yeshaya 29:22

Nunku Yehowa wakahikula Abalahama udi wamba dî edi bua bana ba Yakoba ne, Yakoba kena wikala ne bundu ku mesu mpindiu, mpala wandi kena utokoloka kabidi.

Yeshaya 41:20

bua bantu batangile, bamanye, bele meji ne bajingulule diatshimue ne, Tshianza tshia Yehowa tshiakuenza bualu ebu, Wa Tshijila wa Isalele wakubufuka.

Yeshaya 43:10

Yehowa udi wamba ne, Nuenu nudi bamanyi banyi, ne nudi muntu wanyi unakusungula, bua nummanye ne nuitabushe dî dianyi, ne nujingulule bu mundi yeye mene. Kakuakadi nzambi mukuabo mufukibue ku mpala kuanyi, kakuena kuikala mukuabo ku nyima kuanyi.

Yeshaya 45:17

Kadi Bena Isalele nebasungidibue kudi Yehowa ne luhandu lua tshiendelele; kanuena nufuishibua bundu, kanuena nubuandakana tô ne tshiendelele.

Yeshaya 52:6

Nunku bantu banyi nebamanye dina dianyi; nunku nebamanye halua difuku diadia ne, Mmeme Yehowa udi wamba dî edi; ka meme ndiku.

Yezekiyele 37:6

Nenteke mifungu hamʼbidi henu, nennuluatshishe misunyi, nennubuikile ne dikoba, nennuele muhuya munda muenu, ne nenuikale ne muoyo; nunku nenumanye ne, Meme ndi Yehowa.

Yeshaya 50:7

Bualu bua Mukelenge Yehowa neankuatshishe, nunku tshiakubuandakana; bua bualu ebu nakutantamasha mpala wanyi bu dibue, ndi mumanye ne, Tshiena ngikala ne bundu ku mesu;

Matayi 25:16

Wakadi ne ntalanta itanu wakaya lukasa, wakenda nʼai mushinga, wakaheta minga ntalanta itanu.