Yeshaya 49:16 - Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Tangila, nakunufunda munda mua bianza bianyi; ngumbu yebe idi ku mpala kuanyi misangu yonso.

MUKANDA WA MYIDI MUKULU

¹⁶ Bualu ndi mufunde dina diebe, Yerushalayime, mu bianza bianyi. Ndi mvuluka bimana biebe matuku onsu.

Yeshaya 49:16 交叉引用

Agayi 2:23

Yehowa wa misumba udi wamba ne, Mu dituku adi, Nenkuangate wewe Zelubabela, muntu wanyi, muana wa Shalatiele, nenkuvuishe bu kakanu ka ku munu wanyi; bualu bua nakukusungula. Yehowa wa misumba udi wamba mei â.

Yeshaya 62:6

Nakuteka batentekedi ha mutu ha ngumbu yebe, Yelushalema; kabena bahuwa talalâ munya anyi butuku. Nuenu badi bavuluki ba Yehowa mu mitshima yenu, kanuikadi ne dikisha,

Yeshaya 60:18

Kabena bunvua diyoyo kabidi mu buloba buebe, kabena bunvua kubutuka anyi kuoneka ku matshika a buloba buebe; kadi neubikile ngumbu yebe ne, Luhandu, newidike bibi biebe ne, Butumbi.

Musambu wa Solomo 8:6

Unteke mu mutshima webe bu tshimanyinu ne bu tshimanyinu ha diboko diebe; bualu bua dinanga didi ne bukole bua lufu; mukau udi ne bukole bua Muaba wa Bafue; udi utema bu ndimi ya kahia, bu kahia ka Yehowa mene.

Yeshaya 26:1

Mu dituku adi nebimbe musambu eu mu buloba bua Yuda, bimba ne, Tudi ne musoko mukole; yeye neajadike luhandu bua kuikalalu ngumbu yau ne bibumba biau bikole.

Ekesode 13:9

Bualu ebu nebuikale bu tshimanyinu ku tshianza tshiebe ne bu tshivulukidi hankatshi ha mesu ebe, bua dî dia Yehowa dikale mukana muenu, bualu bua Yehowa wakanuhatula mu Ejipitu ne tshianza tshikole.

Yeshaya 54:12

Nengase bibumba bia mu nsubu yebe ne mabue a rubis, nengase bibi bia musoko webe ne mabue a escarboucle, ne ngumbu yebe yonso idi ikunyunguluka ne mabue a mushinga mukole.

Yirmeya 22:24

Yehowa udi wamba ne, Bu mundi bianyi ne muoyo, bu wewe Yekoniya, muana wa Yehoyakima, mukelenge wa Yuda, muikale kakanu ka tshimanyishilu ka ku tshianza tshianyi tshia balume, nakadi kukukohola.

Yeshaya 62:7

kanumuki yeye dikisha kabidi tô ne hajadikeye Yelushalema, ne hamuvuisheye musoko udi ne butumbi ha buloba.

Yirmeya 17:1

Bubi bua ba mu Yuda budi bifundibue ne tshiamu tshia kutaha nʼatshi maleta ne ku lusongo lua dibue dia diamant; budi butahibue ha dibue dia mu mitshimai yabo ne ha nsengu ya bioshelu biabo.