Yeshaya 43:5 - Mukanda wa Nzambi Dihungila Dikulukulu ne Dihungila Dihia-dihia 2003

⁵ Kutshinyi, bualu bua ndi nʼebe; nendue kabidi ne tunkanunuma tuebe ludi ku esete, nennusangishe nuenu badi ku wesete.

MUKANDA WA MYIDI MUKULU

⁵ Kutshinyi to. Meme ndi nebe. Nempingaje bana bebe mu ditunga, badi luseke ludi diba dipatukila. Nensangishe bebe bonsu, bafume kudi diba dibuelela.

Yeshaya 43:5 交叉引用

Dielulula 30:3

hashishe Yehowa, Nzambi wenu, neakudimune buluka buenu, neanuleshe luse, neahingane kunudi, neanusangishe ba munkatshi mua bantu bonso muakanumuangalasha Yehowa, Nzambi wenu.

Luke 13:29

Nebafume ku esete ne ku wesete ne ku node ne ku sude, nebashikame ku mesa mu bukelenge bua Nzambi.

Yeshaya 49:12

Monai, bantu aba nebafume kule, ne bantu aba nebafume ku nôde, ne ku wesete, ne bantu aba nebafume ku buloba bua Bena Siene.

Yeshaya 44:2

Yehowa, wakakufuka, wakakufuanyikisha munda mua mamu webe, udi ukukuatshisha, udi wamba ne, Kutshinyi, Yakoba, mutu wanyi, Yeshuluna unakusungula.

Yeshaya 43:2

Hawahitshila mu mai, nengikale nʼebe; hawahitshila mu misulu, kayena ihasalala ha mutu hebe; hawahita mu kahia, kuena ushila, ludimi lua kahia kaluena lukuosha.

Zekâya 8:7

Yehowa wa misumba udi wamba ne, Monai, nempatule bantu banyi mu buloba bua ku luseke ludi diba dihatuka ne mu buloba bua ku luseke ludi diba dibuela.

Yeshaya 41:14

Kutshinyi, wewe Yakoba, tshishishi, ne nuenu Bena Isalele! Nenkukuatshishe, ndi dia Yehowa, Muhikudi webe, Wa Tshijila wa Isalele.

Yeshaya 41:10

Kutshinyi, bualu bua ndi nʼebe; kukenzakanyi bua buowa nansha, bualu bua ndi Nzambi webe; nenkukoleshe, bulelela, nenkukuatshishe; bulelela, netujadike ne tshianza tshianyi tshia balume tshia buakane buanyi.

Yeshaya 41:8

Kadi wewe, Isalele muntu wanyi. Yakoba unakusungula, kankanunuina ka Abalahama mulunda wanyi,

Misambu 106:47

Utusungile, wewe Yehowa Nzambi wetu, utûmushe munkatshi mua bisamba bia ba bende bua kutusangisha hamue, bua tuetu tusakidile dina diebe dia tshijila, ne bua tutumbile mu butumbi buebe.

Yowanane 10:16

Ndi ne mikoko mikuabo idi kayi ya mu luhangu elu; bundi nʼabu mbua kulua nʼai, neyunvue dî dianyi; neilue tshisumbu tshimue, ne mulami umue.

Mika 2:12

Bulelela, nensangishe bana benu bonso, Yakoba; bulelela, nensangishe difuka dia Bena Isalele hohamue; nembasangishe hohamue bu mikoko mivule mu luhangu, bu tshisumbu tshia mikoko mu mpata wai wa mashinde, nebikale ne mutoyi bualu bua bungi buabo.

Misambu 107:3

hakumusheye mu maloba onso bua kubasangisha hamue, a ku luseke lua esete ne ku wesete, a ku luseke lua nôde ne ku sude.

Yeshaya 8:10

Elai tshifufu tshienu, kadi netshiandamuke bualu bua hatuhu; ambai dî, kadi kadiena dijalama, bualu bua Nzambi udi nʼetu.

Yeshaya 41:9

Wewe unakukuata bua kulua nʼebe kunfudilu kua buloba, unakubikila ku matengu abu, unakuambila ne, Wewe udi mukuatshishi wanyi wa mudimu, nakukusungula ne tshiena mukuhidie.

Yeshaya 43:1

Kadi mpindiu, Yehowa, wakakufuka wewe, Yakoba, wakakufuanyikisha wewe, Isalele, udi wamba ne, Kutshinyi, bualu bua nakukuhikula, nakukubikila ku dina diebe, wewe nguanyi.

Yeshaya 49:18

Bandulukaku, tangila nseke yonso, umone biebe! Bantu aba bonso badi badisangisha hohamue, badi balua kûdi. Yehowa udi wamba ne, Bu mundi ne muoyo, wewe neudiluatshishe ne buonso buabo bu tshilenga, neudijingile nʼabo bu mudi mukashi udi wamba kuya ku dibaka wenza.

Yeshaya 54:3

Bualu bua wewe neubaluluke ku tshianza tshia balume ne ku tshianza tshia bakashi; tunkanunuma tuebe netuhiane buhianyi bua bisamba bia bantu, nebashikame mu misoko yakadi bikulu.

Yeshaya 54:7

Yehowa Muhikudi webe udi wamba ne, Nakukulekela katuha kihi, kadi nenkuhingashe kundi ne luse lunene.

Yeshaya 61:9

Bana bakalelabo nebamanyibue munkatshi mua bisamba bia bantu, ne bana badi maminu abo nebamanyibue munkatshi mua bantu; bonso badi babamona nebabitabushe ne, Badi bantu badi Yehowa muvudishile disanka.

Yirmeya 23:8

kadi nebambe ne, Bu mudi Yehowa ne muoyo wakaluhula ne wakalombola bana ba Bena Isalele ku buloba bua ku nôde ne ku maloba onso kunakabihata. Nebashikame mu buloba buabo mene.

Yirmeya 29:14

Yehowa udi wamba ne, Nengitabushe bua nuenu nunsangane, nenkudimune buhika buenu, nennusangishe bua kunûmusha mu bisamba bionso ne mu miaba yonso inakunuihata; nendue nʼenu kabidi mu muaba unakanuangata hanakanutuma mu buhika.

Yirmeya 42:11

Yehowa udi wamba ne, Kanutshinyi mukelenge wa Babulona unudi nutshina katataka, kanumutshinyi; bualu bua meme ndi nʼenu bua kunusungila ne bua kunuhandisha mu bianza biandi.

Yirmeya 51:46

Mitshima yenu kayiteketshi, ne kanutshinyi bienu, bua ngumu mudi nunyua mu buloba ebu. Bualu bua lumu lukuabo nelulue mu tshidimu tshimue, ne lukuabo nelulue mu tshidimu tshikuabo; diyoyo nedikale mu buloba, mukokeshi udi ufuilangana ne mukokeshi mukuabo.

Yowele 3:7

Monai, nembanuishe ku muaba unuakabahana; nennuhingashile difutu bua bualu bunuakenza.

Yirmeya 3:18

Mu matuku au ba mu Bena Yuda nebende hohamue ne ba mu Bena Isalele; nebaluhuke hohamue mu buloba bua ku node, nebafike ku buloba bunakaha bankambua benu bu buhianyi buabo.

Yirmeya 23:7

Nunku Yehowa udi wamba ne, Tangilai, matuku nealue hikalabo kabayi bamba kabidi ne, Bu mudi Yehowa ne muoyo wakahatula Bena Isalele mu buloba bua Ejipitu;