Yeshaya 43:13 - Mukanda wa Nzambi Dihungila Dikulukulu ne Dihungila Dihia-dihia 2003

¹³ ku tshibangidilu ne ku dituku edi tô ne tshiendelele ndi mundi emu. Kakuena mukuabo udi mua kuhandisha bantu mu bianza bianyi; ndi ngenza mudimu, neamanye mua kûkudimuna nganyi?

MUKANDA WA MYIDI MUKULU

¹³ Nengikale Mvidi Mukulu kashidi. Muntu kakungenzeja malu ku bukole. Muntu kakukudimuna bindi ngenza to.

Yeshaya 43:13 交叉引用

Yeshaya 14:27

Bualu bua Yehowa wa misumba wakuhangidisha bualu, ne muntu kai neamanye mua kubuvuisha hatuhu? Yeye wakuolola tshianza tshiandi, muntu kai neatshihingashe ku nyima?

Yeshaya 46:10

ndi ndianjila kulesha bantu nshikidilu wa bualu ku tshibangidilu tshiabu, ne mu bidimu bia kale mubaleshe malu akadi kâyi manji kuenjibua. Ndi ngamba ne, Bualu bunakadihangidishila bua kuenza nebuenjibue, nengenze malu anakusua kuenza;

Misambu 90:2

Diambedi mikuna kayiyi mianze kumueneka, diambedi wewe kuyi muanze kufuka buloba ne bifukibua, ku tshibangidilu tô ne kunshikidilu wewe udi Nzambi.

Ebrewu 13:8

Yesu Kilisto udi muomumue makelela ne lelu ne tshiendelele.

Yowanane 8:58

Yesu wakabambila ne, Bulelela, bulelela, ndi nuambila ne, Diambedi kabai banze kulela Abalahama, meme ndiku.

Yobe 9:12

Tangila, bîanyengeye tshintu, udi mua kumukanda nganyi? Muntu kai udi mua kumukonka ne, Udi wenza tshinyi?

Dielulula 32:39

Katataka, tangilai, anu meme nkayanyi, nYeye mene, kakuena nzambi mukuabo, anu meme; meme ndi nshiha bantu, ndi mbabisha ku lufu; meme ndi ntaha bantu mputa, ndi mbondaha kabidi; kakuena muntu udi mua kubasungila mu tshianza tshianyi.

Didimanyisha 1:8

Mukelenge Nzambi udi wamba ne, Meme ndi A ne Z, ne udiku, ne wakadiku, ne udi ulua, Wa Bukole Buonso.

1 Timote 1:17

Kudi Mukelenge wa kashidi, udi kai mua kufua, udi kai mua kumuenebua ku mesu, Nzambi umue, buneme ne butumbi bikale kudiye ku bikondo ne ku bikondo. Amen.

Efeze 1:11

Mu Kilisto Yesu mutuakavuishibua buhianyi, hatuakadianjila kusungudibua bu muvueye muhangidishe, nyeye udi wenzesha malu onso bu mudi kudijingulula kua disua diandi;

Yeshaya 57:15

Bualu bua Wa mu Diulu ne udi Mubandishibue mulu udi mushikame mujadikibue mu nkuasa wandi wa butumbi tshiendelele, udi dina diandi ne, Wa Tshijila, udi wamba ne, Ndi mushikame mu muaba udi mulu ne udi wa tshijila, ndi mushikame kabidi ne muntu udi ne mutshima munyingalale ne mudihuekeshe, bua kusangasha nyuma wa udi mudihuekeshe ne bua kusangasha mutshima wa muntu udi unyingalala bua bubi.

Yeshaya 41:4

Wakuenza bualu ebu wakubushikisha udi ubikila milongo ya bantu ku tshibangidilu nganyi? Meme Yehowa, ndi wa kumudilu, ndi kabidi muomumue ne wa kunshikidilu; mmeme mene.

Misambu 93:2

Nkuasa webe wa butumbi udi mujadikibue katshia ku kale tô ne lelu; wewe udiku ku tshibangidilu tô ne kunshikidilu.

Misambu 50:22

Telejai matshu enu ku dî edi, nuenu badi bahua Nzambi muoyo, bua meme tshinuhandi bihesa bihesa, kakuena wa mua kunuhandisha!

Abakuke 1:12

Yehowa Nzambi wanyi, wewe kuena wanyi Wa Tshijila kale tô ne mpindiu, anyi? Katuena tufua! Wewe Yehowa, wakumusungula bua kulumbuluisheye bantu; wewe Dibue, wakumujadika bua kukengesheye bantu.

Mika 5:2

Kadi wewe, Betelehema Efelata, udi mukese munkatshi mua biota bia Yuda, mukuabo nealuhuke munda muebe bua bualu buanyi, bua kuikala mukokeshi wa Bena Isalele; tshibangidilu tshiandi tshidi tshia kale kale, tshia ku ntuadishila mene

Danyele 4:35

Bonso ba ha buloba badi hatuhu ku mesu kuandi. Yeye utu wenza bu mudiye musue munkatshi mua misumba ya ba mu diulu ne munkatshi mua ba ba buloba; kakuena muntu udi mua kukauda tshianza tshiandi, anyi kumuebesha ne, Udi wenza tshinyi?

Nsumuinu 21:30

Kakuena meji, anyi dijingulula dia mianda, anyi kuhunga kua mei, bidi mua kuhita Yehowa bukole.

Nsumuinu 8:23

Nakajadikibua ku tshibangidilu tshia bidimu, ku tshibangidilu mene, diambedi buloba kabuyiku.

Yobe 34:29

Biahuweye talalâ, muntu kai wamubisha? Biasokokeye mpala wandi, muntu kai wamanya mua kumumona? Yeye udi wenzela tshisamba tshijima ne muntu umue muomumue,

Dielulula 28:31

Nebashihe ngombe webe ku mesu kuebe, ne wewe kuena udia munyinyi wandi; nebanyenge mpunda webe ku mesu kuebe ku bukole, ne kabena bakuhingishileye; nebahe badi nʼebe lukuna mikoko yebe, kakuena muntu wa kunusungila.

Osheya 5:14

Bualu bua nengikale bu nyama wa ntambue kudi Bena Efelayima, ne bu muana wa nyama wa ntambue kudi Bena Yuda. Meme, meme mene, nembahande ne nengumuke; nenye nʼabo ne kakuena muntu wa babandisha.

Osheya 2:10

Mpindiu nensokolole bundu buandi kudi bamunangi, kakuena muntu wamuhandisha mu tshianza tshianyi.

Dibadika 23:20

Eyo, nakuangata dî bua kubavudishila disanka yeye wakabavudishila disanka, ne meme tshiena mumanye mua kudikudimuna.

Yeshaya 46:4

Tô ne ku bununu buenu meme ndi anu mundi emu; tô ne halua nsuki yenu mitoke, nakunufuka, nennutuale, nennutuale, nennusungile.

Yeshaya 47:15

Ebu mbualu budi bukuata bintu biakukutonda; bawakuenduluka nʼabo mushinga ku buana buebe badi balenduka muntu ne muntu mu nshila wandi; kakuena kuikala umue wabo wa kukusungila.

Yeshaya 48:16

Semenai ha buihi nʼanyi, unvuai bualu ebu! Ku tshibangidilu tô ne mpindiu tshiakuamba dî mu busokoko; katshia ku tshikondo tshiakenjibuabu meme nakadiku; ne katataka Mukelenge Yehowa wakuntuma ne Nyuma wandi.

Yoshua 2:2

Bakambila mukelenge wa Yeleko ne, Mona, balume ba Bena Isalele bakafika munemu butuku bua kutentekela buloba.

Yobe 10:7

kadi wewe udi mumanye ne, Tshiena muntu mubi; ne kakuena muntu udi mumanye mua kunsungila mu tshianza tshiebe.

Misambu 102:28

Bana baledibue ba bantu bebe nebashikame mu buloba talalâ, ne tunkanunuma tuabo netujadikibue ku mpala kuebe.