Yeshaya 41:17 - Mukanda wa Nzambi Dihungila Dikulukulu ne Dihungila Dihia-dihia 2003

¹⁷ Bahele ne badi bakenga badi bakeba mai, ne kaenaku, ne ha ndimi yabo hadi hatumba kûma bualu bua nyota. Meme Yehowa nengitabe kudibo; meme Nzambi wa Isalele tshiena mbalekela.

MUKANDA WA MYIDI MUKULU

¹⁷ Bapele ne bakengi, badi bakeba mayi, kabayi baapeta. Nyota idi ibumisha muminu. Kadi meme Maweja-Nangila, ndi ngitaba ku dilomba diabu. Meme Maweja-Nangila wa bena Izrayele, tshiena mbalekela to.

Yeshaya 41:17 交叉引用

Yeshaya 55:1

Telejai! Nuenu bonso badi ne nyota, nulue bienu ku mai; nansha kanuyi ne argent, nulue bienu, nusumbe bienu, nudie bienu! Eyo, nulue bienu, nusumbe nvinyo ne mabele kanuyi ne argent, kanuyi ne mushinga.

Yeshaya 30:19

Nuenu, ba mu Siona badi bashikame mu Yelushalema, kanuena nudila kabidi. Yeye neanuleshe dinanga diandi bulelela hunvueye muadi wenu; mu diba didiye unvua neitabe kunudi.

Matayi 5:6

Badi ne nsala ne nyota ya buakane badi ne disanka bua bobo nebûkute.

Yeshaya 44:3

Bualu bua nendongolole mai ha buloba budi kabuyi ne mai, nempatule misulu mu buloba budi bûme; nengitshikishe Nyuma wanyi hamʼbidi ha bana bebe, ne disankisha dianyi hamʼbidi ha tunkanunuma tuebe.

Yeshaya 42:16

Nenye ne bafofo mu nshila udibo kabayi bamanye; nembalombole mu nshila idibo kabayi bamanye; nenkudimune mîdima bu munya ku mpala kuabo, ne miaba ya bizakalabizakala bu miaba milandakane. Au mmalu andi ngenza, tshiena mpanga mua kuashikisha.

Yeshaya 61:1

Nyuma wa Mukelenge Yehowa udi hamʼbidi hanyi, bualu bua Yehowa wakunjidika ne manyi ha mutu hanyi bua meme kuambila badi mu dikenga lumu luimpe; wakuntuma bua kusangasha mitshima ya badi batamba kunyingalala, bua kuambila badi babueshibue mu buhika dî bua budishikaminyi buabo, ne bua kuambila badi basuikibue mu nsubu wa lukanu bua dikohoka diabo;

Genese 28:15

Mona, meme ndi nʼebe, nenkulame kuonso kuwaya nenkuhingashe ku buloba ebu kabidi, tshiena nkulekela tô ne hanashikisha kukuenzela malu onso anakukuambila.

Didimanyisha 22:17

Nyuma ne mukashi musela badi bamba ne, Lua. Udi unvua, ambe biandi ne, Lua. Ne udi ne nyota, alue biandi; udi musue, angate mai a muoyo tshianana.

Didimanyisha 21:6

Yeye wakangambila ne, Akuenjibua. Meme ndi A ne Z, tshibangidilu ne nshikidilu. Nempe udi ne nyota mai a ku mushimi wa muoyo tshianana.

2 Korente 12:9

Ne yeye wakangambila ne, Ngasa wanyi udi ukukumbana, bua bukole buanyi budi bukumbashibua tshishiki mu butekete buebe. Nunku ndi ne disanka ha kuditumbisha mu matekete anyi, bua bukole bua Kilisto buikale munda muanyi.

Luke 16:24

Wakela dî diandi bikole ne, Tatu Abalahama, unfue luse, utume Lazalo, atue lusongo lua munu mu mai, antalashe ludimi luanyi, bualu bua meme ndi ne dikenga mu kahia aka.

Matayi 5:3

Badi bahele mu mitshima yabo badi ne disanka, bua bukelenge bua mu diulu budi buabo.

Muadi 4:4

Ludimi lua muana utshidi wamua mabele ludi lulamata mu tshilakalaka bualu bua nyota yandi. Bana batekete badi balomba bidia, ne kakuena muntu udi ubahabi.

Yeshaya 66:2

Yehowa udi wamba ne, Bua tshianza tshianyi tshiakufuka bintu ebi bionso, ne bintu ebi bionso biakulua bianyi. Kadi eu mmuntu undi ntekemena, nyeye udi ne mutshima muhuekele ne wa majia, udi uzakala ku dî dianyi.

Yeshaya 43:20

Nyama ya mu mpata neyintumbishe, mibuabua ne nyunyu ya nfiondo muomumue, bualu bua ndi mpatula mai mu tshihela, ne misulu mu tshihela tshia lusenga bua kunuisha bantu banyi banakusungula,

Misambu 94:14

Bualu bua Yehowa kena wihata bantu bandi, kena ulekela ba mu buhianyi buandi.

Misambu 50:15

Umbikile mu dituku dia makenga; nenkuhandishe, ne wewe neuntumbishe.

Misambu 42:2

Muoyo wanyi udi ne nyota ya kumona Nzambi, ya kumona Nzambi udi ne muoyo. Nenye kumueneka ku mesu kua Nzambi tshikondo kai?

Misambu 34:6

Muena dikenga eu wakadila kudiye, ne Yehowa wakamunvuila, wakamusungila ku makenga andi onso.

Misambu 22:15

Bukole buanyi buakûma bu tshiyoyi tshia luesu, ne ludimi luanyi ludi lulamatu tshilakalaka tshianyi. Wewe udi undadika mu dinfuenkenya dia lufu.

Ekesode 17:6

Mona, meme nengimane ku mpala kuebe ha mutu ha dibue dia Holeba, wewe neukume dibue ne mai neahatuke, bantu banue mai Mose wakenza nunku ku mesu kua bakulu ba Bena Isalele.

Ekesode 17:3

Bantu bakadi ne nyota, bakatontolola Mose, bakamba ne, Wakuluila nʼetu ku Ejipitu bua kutushiha ne bana betu ne bimuna bietu ne nyota munyi?

Misambu 37:25

Nakadi nsongalume, katataka nakulua muntu mukole; kadi tshiena muanze kutangila muntu muakane mushale hatuhu, anyi bana bandi baledibue balombe bia kudia.

Misambu 74:21

Kuitabushi bua badi badiatshishibue muinshi mua makasa a bantu bahingane ku nyima bafuishibue bundu. Bahele ne badi bakengela bintu batumbishe dina diebe.

Yeshaya 48:21

Kabakadi ne nyota hakabalomboleye mu bihela bia lusenga; yeye wakabahatuila mai mu dibue; wakahanda dibue kabidi, ne mai akahatuka.

Yeshaya 49:10

Nzala ne nyota kayena ibasuma; luhehele ludi luvuisha luya lukole ne munya kabiena bibosha, bua yeye utu wa bafuila luse neaye ku mpala kuabo, neabalombole ha buihi ne mishimi ya mai.

Yeshaya 58:11

Yehowa neakulombele matuku onso, neaukutshishe muoyo webe mu tshikondo tshia munanga, neakoleshe mifuba yebe. Wewe newikale bu budimi budibo bamiamina mai, bu mushimi wa mai udi mai au kâyi akama.

Yeshaya 62:12

Nebababikile ne, Bantu ba tshijila, Bahikudibue kudi Yehowa; nebakubikile ne, Musoko mukebibue, musoko udi kauyi mushiya hatuhu.

Yeshaya 65:13

Nunku Mukelenge Yehowa udi wamba ne, Tangilai, bantu banyi nebadie, kadi nuenu nenuikale ne nzala; tangilai, bantu banyi nebanue, kadi nuenu nenuikale ne nyota; tangilai, bantu banyi nebasanke, kadi nuenu nenufuishibue bundu;

Yeshaya 65:24

Diambedi kabayi banze kumbikila, nengitabe kudibo; hatshidibo bakula, nembunvuile.

Yezekiyele 47:8

Hashishe yeye wakangambila ne, Mai â adi ahueka ku luseke lua ku esete, neahueke tô ne mu Alabâ, neahueke ku Dishiba dia Luehu; habuela mai â mu Dishiba dia Luehu, mai a luehu nealue mai mimpe.

1 Bakalenga 17:8

Dî dia Yehowa diakalua kudiye ne,

2 Kulondolola 6:17

Katataka Yehowa, Nzambi wa Isalele, dî diwakambila muntu webe Davidi dijadikibue.

Yirmeya 31:25

Bualu bua nakuholesha mutshima wa muntu wakadi muhungile, nakukankamasha mitshima ya bantu bonso bakadi ne kanyinganyinga.