Yeshaya 38:14 - Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Nakadila bu mudi nyunyu wa kandindi anyi nyunyu wa mudinga udila, nakadila bu nyunyu wa nkutshi. Mesu anyi adi ahanga ne kutangila kuau mulu; Mukelenge, badi bankengesha; wikale tshieya tshianyi!

MUKANDA WA MYIDI MUKULU

¹⁴ Ndi ngela mbila mikole, bu kandindi, ntua mikemu ne kanyinganyinga, bu kamanda-nkutshi. Mesu anyi adi atangila mulu, apungila. Maweja-Nangila, ungambuluishe! Ndi nkenga, mioyi mminshikile munda.

Yeshaya 38:14 交叉引用

Yeshaya 59:11

Tudi tukanga bu nkashama, tudi tudila ne muadi bu nyunyu wa nkutshi; tudi tukeba kulumbulula kuakane, ne kakuenaku; tudi tukeba luhandu, ne ludi kule nʼetu.

Misambu 69:3

Ndi muhungile bualu bua kudila kuanyi, mununu wanyi wakûma bikole. Mesu anyi adi ne bileshileshi bua kuindila kua Nzambi wanyi.

Nahume 2:7

Bakukuata mukelenge mukashi, bakuvula bivualu biandi, bakuya nʼandi mu buhika, bena mudimu bandi bakashi badi batua mikemu bu miadi ya nyunyu ya nkutshi, badikuma mu biadi biabo.

Yezekiyele 7:16

Biahanduka bakuabo ba munkatshi mua bantu batshidi bashala ne muoyo, nebikale ha mitu ha mikuna bu nyunyu ya nkutshi ya mu bibanda idila, buonso buabo badila bua bubi buabo.

Yobe 30:29

Nakulua muanʼabo ne nyama ya mibuabua, ne mulunda wa nyunyu ya nfiondo.

Muadi 4:17

Mesu etu akufula hatuakadi bindile, batekemena dikuatshisha; kadi kuindila kuetu kuakadi hatuhu; tshisamba tshitu akutekemena katshiakadi mua kutusungila.

Misambu 143:7

Yehowa, witabe kundi lukasa; nyuma wanyi udi uhanga. Kusokoki mpala webe kundi, bua tshikadi bu badi bahueka mu Dijimba dia Bafue.

Misambu 119:82

Mesu anyi adi ateketa handi ngindila mulayi webe, handi nkonka ne, Wewe neunsambe diba kai?

Yobe 17:3

Mpindiu ungeyeke tshieya, wikale mueyeki wa tshieya bua bualu buetu nʼebe, nganyi watutakasha nʼanyi bianza bua kuhunga tshihungidi?

Ebrewu 7:22

nunku bua malu â kabidi, Yesu wakulua tshieya tshia dihungila didi ditamba buimpe.

Misambu 55:2

Teleja matshu ebe, witabe kundi. Ndi nsasakata ne meji adi antatshisha, ndi ne bualu bua kutua mikemu bikole,

Nahume 2:8

Kale Ninewe wakadi mule tente ne bantu, kadi mpindiu badi banyema. Badi babela dî ne, Imanai, imanai! Kadi kakuena umue wabo udi utshinguluka.