Yeshaya 36:4 - Mukanda wa Nzambi Dihungila Dikulukulu ne Dihungila Dihia-dihia 2003

⁴ Labashake wakabambila ne, Nuambile Hezikiya ne, Mukelenge munene, mukelenge wa Ashû mene, udi ukuebesha ne, Etshi ntshieyemenu kai tshiudi weyemena?

MUKANDA WA MYIDI MUKULU

⁴ Mulombodi wa bena mvita wa bena Ashure kubambila ne: “Nuye, nuambile Izkiya mikenji ya kudi mukalenga munene wa bena Ashure ne: — Tshidi tshikuleja ne: udi mua kututshimuna ntshinyi?

Yeshaya 36:4 交叉引用

Yuda 1:16

Bantu aba badi batontolodi, bajianyi, benda bu mudi nkuka yabo (mishiku yabo idi yakula mei manene a diambu), badi banyisha bantu bua kuangata difutu.

Danyele 4:30

Mukelenge wakamba ne, Eu Babulona mimene, tshiakuibaka musoko eu bu muaba wa mukelenge kushikameye ku bukole buanyi bunene bua mpete butumbi ne buneme, anyi?

Nsumuinu 16:18

Kudisua kudi kuya ku mpala kua dibutuka, mutshima wa kudibandisha udi uya ku mpala kua dihona.

Misambu 42:10

Bu mudibo batshibula mifuba yanyi, bena lukuna banyi badi bampenda, hatshidibo bankonka dinda tô ne ku dilolo ne, Nzambi webe udi hanyi?

Misambu 42:3

Binsonshi bianyi biakulua bia kudia bianyi munya ne butuku, hatshidi bantu bankonka dinda tô ne ku dilolo ne, Nzambi webe udi hanyi?

2 Bakalenga 19:10

Nuambile Hezikiya, mukelenge wa Yuda, ne, Nzambi webe ûdi weyemena kakudingi nansha ne, Kabena bafila musoko wa Yelushalema mu bianza bia mukelenge wa Ashû.

2 Bakalenga 18:5

Yeye wakeyemena Yehowa, Nzambi wa Isalele; kakuakadi muntu mukuabo bu yeye munkatshi mua bakelenge ba Yuda bakalonda ku nyima kuandi, anyi munkatshi mua bakadi ku mpala kuandi.

2 Bakalenga 18:17

Mukelenge wa Ashû wakatuma Tâtana ne Labasalisa ne Labashake, bafume ku Lakisha ne masalayi a bungi bua kuluanganabo ne Hezikiya, mukelenge wa Yuda, mu Yelushalema Bakafika ku Yelushalema. Hakafikabo, bakimana ku mushimi wa mai udi hehi ne nshila wa mu muaba wa muvu wa bilulu.

Yirmeya 48:14

Nudi mua kuamba munyi ne, Tudi bantu bakole, tudi bena bukitu mu nvita?