Yeshaya 32:14 - Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Bua mbalasa wa nfumu neikale munda mutuhu; musoko wakadi ne bantu bavule newikale dikolo. Mukuna ne tshibumba tshia batentekedi nebikale mena a nyama tshiendelele, nebikale miaba ya disanka kudi mpunda ya mu tshisuku ne budimi bua mashinde bua kudishamu bimuna.

MUKANDA WA MYIDI MUKULU

¹⁴ Nzubu wa mukalenga mmushale mutupu, tshimenga, tshivua bantu tente, tshikadi tshipela. Mukuna wa Ofele, ne kaleya ka batentekedi, mbishale dikolu kashidi. Nyama ya mpunde ya ditu ikadi inayilamu, bimuna bikadi bikebelamu biakudia biabi.

Yeshaya 32:14 交叉引用

Yeshaya 27:10

Bualu bua musoko wa ngumbu ya nvita udi ushala ha buau, tshishikaminu tshidibo balekela, tshidibo bashiya hatuhu, bu tshihela mene. Mu muaba wawa muana wa ngombe neadie mashinde, nealaleku, neadie ne neamane matamba a mitshi.

Yeshaya 25:2

Bualu bua wakuyisha musoko munene dikolo, wakuvuisha musoko wa ngumbu ya nvita dibutuka, wakuyisha muaba mukole wa bantu ba bende hatuhu bua kawikadi musoko kabidi, ne kabena bawibaka kabidi tshiendelele.

Yeshaya 24:12

Mu musoko mudi mushala dibutuka, ne tshibuelelu tshiau tshiakubutudibua, tshiakutshihuka bituha bituha.

Yeshaya 24:10

Musoko wa kabutu wakushimbuka hanshi; bibi bia ku nsubu yonso bidi binshila, bua muntu kabuedimu.

Luke 21:24

Nebahone ku muele wa nvita, nebaye nʼabo bakuata mu bisamba bionso; bantu ba bisamba bia bende nebadiate Yelushalema munshi mua makasa abo tô ne hashika tshikondo tshia bantu ba bisamba bia bende.

Luke 21:20

Hanuatangila bena nvita banyunguluke musoko wa Yelushalema, mimanye ne dibutuka diau diakulua.

Yeshaya 6:11

Hashishe nakamukonka ne, Mukelenge, bualu ebu nebulehe musangu bule munyi? Yeye wakakudimuna dî ne, Tô ne habutuka misoko mishale mutuhu, tô ne hashala nsubu idimu mutuhu; tô ne halua buloba kushala anu tshihela tshia hatuhu;

Yeshaya 5:9

Yehowa wa misumba udi wamba mu matshu anyi ne, Bulelela, nsubu ya bungi neyikale munda mutuhu, yoyo mene mminene ne miakane, kayiyi ne bantu bashikamemu.

Misambu 104:11

Idi inuisha nyama yonso ya mu mpata mai, nyama ya mpunda ya mu tshisuku idi Imana nyota yai.

2 Bakalenga 25:9

Wakosha nsubu wa Yehowa ne nsubu wa mukelenge ne nsubu minene yonso ya mu Yelushalema mu kahia.

Yeshaya 7:23

Mu dituku adi, mu muaba wonso muakadi mionshi ya tumuma tua nvinyo tshinunu, yakadi mushinga wa bituha bia argent tshinunu, nemuikale buloba budi bumenesha anu meba ne mingonge.

Yeshaya 22:2

Wewe udi mûle tente ne mbila, musoko udi ne diyoyo tente, musoko udi usanka bikole; bakushihibua munkatshi muebe kabakushihibua ku miele, kabena bafue mu nvita.

Yirmeya 6:5

Jukai, tuye kumulesha butuku, tushimbule nsubu yandi ya bukelenge.

Yirmeya 14:6

Nyama ya mpunda ya ha mpata idi imana ha mutu ha mikuna idi kayiyi ne mashinde, idi ihuyakana bu mibuabua; mesu ai adi ateketa-teketê, bualu bua kakuena mashinde a kudia.

Yirmeya 33:4

Bualu bua Yehowa, Nzambi wa Isalele, udi wamba bua nsubu ya mu musoko eu ne bua nsubu ya bakelenge ba Yuda yakushimbulabo bua kunguisha mishiki bua kudihandula ku miele ya nvita,

Yirmeya 52:27

Mukelenge wa Babulona wakabakina, wakabashiha ku Libela mu buloba bua Hamata. Nunku bakumusha Bena Yuda mu buloba buabo, bakaya nʼabo mu buhika.

Osheya 2:3

bua tshiadi bivualu biandi, tshimushiyi butaka bu muakadiye mu dituku diakamulelabo; tshimuvuishi bu tshihela tshia lusenga, tshimuvuishi bu buloba bûme, tshimushihi ne nyota.

Sefanya 2:7

Buloba budi ku muelelu wa mai manene nebuikale bua difuka dia Bena Yuda. Nebadishilemu mikoko yabo. Butuku nebalale mu nsubu ya mu Ashekelona. Bualu bua Yehowa Nzambi wabo neahingane kudibo, neabumushe mu buhika bua kubaha diakalengele.

Sefanya 2:15

Musoko eu wakadi bantu basankila bikole, bashikame kabayi ne ntatu, wakadi udiamba ne, Meme ndiku, kakuena musoko mukuabo, anu meme. Monai, mudiu mulue tshihela tshia hatuhu, muaba wa nyama ya mu mpata kulala! Muntu yonso udi uhitshilaku nêle tshibingu, uhoha ne tshianza.

2 Kulondolola 33:14

Ku nyima kua bualu ebu yeye wakasa lumbu luakadi ku mpenge kua musoko wa Davidi ku luseke lua ku wesete kua Gihona, mu tshibanda, tô ne ku tshibuelelu tshia bahanyishi ba minyinyi ya mu mai; wakanyunguluka nʼalu Ofele, wakalulungakasha tô ne kulu; wakateka tupitene tua bukitu mu misoko yonso ya Yuda yakadi ne ngumbu.

Nehemya 3:26

Bena Netinima hakadi bashikama mu Ofele ku muaba wa buludiludi ne mushiku wa mbelu wa ku mai ku luseke lua esete ne ku tshibumba tshiakadi tshisompoka.

Yeshaya 3:26

Ba mu bibuelelu bia ku Siona nebase madilu, nebadie; ne yeye udibo bahaula neashikame hanshi ha buloba.

Mika 3:12

Nunku bua bualu buenu nebabundulule Siona ne lukasu bu mudibo babundulula budimi; Yelushalema neikale bu mishiki ya mabue, ne mukuna wa ntempelo newikale bu mikuna ya muitu.