Biblia Todo Logo
在线圣经

- 广告 -




Yeshaya 31:4 - Mukanda wa Nzambi Dihungila Dikulukulu ne Dihungila Dihia-dihia 2003

4 Bua Yehowa udi ungambila dî edi ne, Bu mudi nyama wa ntambue ne muana mulume wa ntambue ukungula hadieye nyama udiye mukuate, ne habikilabo tshisumbu tshia balami ba mikoko bua kumuluisha, bu mudiye kayi utshina mei adibo bamuela, kayi unvuila mbila yabo, nunku Yehowa wa misumba neahueke hanshi bua kuluangana nvita ha Mukuna wa Siona ne ha mutu ha mukuna wau.

参见章节 复制

MUKANDA WA MYIDI MUKULU

4 Maweja-Nangila uvua mungambile ne: “Nyama wa ntambue, nansha mukole nansha muana, udi ukungula padi tshisumbu tshia balami ba mikoku basue kumunyenga nyama udiye mukuate. Kena ne bowa bua bibingu bidibu bamuela to. Kena ushiya nyama panshi bua mutoyi ewu to. Ke mudibi buanyi meme, Maweja-Nangila muena bukole buonsu, pambapueka pa mukuna wa Siyone, bua kunuluila bua baluishi benu kabanuenzedi bibi.”

参见章节 复制




Yeshaya 31:4
21 交叉引用  

Nyama wa ntambue udi mukungule; nganyi udi kayi utshina? Yehowa Nzambi udi wamba dî diandi; muprofete kai udi kayi udiambila bantu?


Nebalonde Yehowa; yeye nêle dî bu nyama wa ntambue; bualu bua yeye nêle dî diandi, bana bandi nebalue kudiye bazakale, bafume ku wesete.


Bualu bua meme hanyi nengikale kudiye bu lumbu lua kahia lumunyunguluke, ne nengikale butumbi buandi munkatshi muabo. Yehowa udi wamba nunku.


Yehowa nealuhuke bu muena nvita mukole; neasonsole lukunukunu luandi bu muena nvita; nêle dî diandi, nêle mbila mikole; neadimueneshe bu muena bukitu kudi bena lukuna bandi.


Mu dituku adi Yehowa nealame bantu badi bashikame mu Yelushalema; ne muntu wa munkatshi muabo udi mutambe kuteketa neikale bu Davidi mu dituku adi, tshiota tshia Davidi netshikale bu Nzambi, bu muanjelo wa Nzambi ku mpala kuabo.


Ne umue wa bakulu udi ungambila ne, Kudidi nasha; tangila, Nyama wa Ntambue udi wa mu tshisamba tshia Yuda, Muji wa Davidi, wakatamba bukole bua kubululeye mukanda ne bimanyishilu biau muanda mutekete.


Mu diba adi Yehowa nealuhuke, nealuangane ne ba mu bisamba abi, bu muakaluanganeye mu dituku dia nvita.


Yehowa wa misumba neabalame, ne bobo nebatshimune, nebadiate badi bahela mabue; nebanue mashi abo, nebateke diyoyo bu badi bakuatshike nvinyo; nebukute bu malonga adi ne mashi a mulambu, bu matumba a tshioshelu.


Nenyunguluke nsubu wanyi bu mudi bansentedi bamulama, bua muntu kahitshi eku ne eku; bua mubakengeshi kafila ku luseke luabo kabidi; bualu bua mpindiu udi mulami wabo mutabale.


Monai, bu mudi nyama wa ntambue uluhuka mu ditu dia ku Yadene bua kuhaula luhangu lua mikoko ludi ne ditalala, nunku nembihate ku muaba wabo lukasa, nenteke muntu yonso undi musue kusungula ha mutu hau. Bualu bua udi bu meme nganyi? Udi mua kunsunguila diba nganyi? Mulami kai udi mua kuimana ku mpala kuanyi?


Bandisha dî diebe, ela mbila, wewe muena musoko wa Siona; bualu bua udi munene munkatshi muebe nyeye Wa Tshijila wa Isalele.


Nunku Mukelenge, Yehowa wa misumba mene, neatume disama dia tshinyanu munkatshi mua bena nvita bandi badi ne mafuta, ne muinshi mua butumbi buandi nebatemeshe tshidi tshitema bu kuosha kua kahia.


Yeye wakamba ne, Unvuai, Bena Yuda bonso ne bonso ba mu Yelushalema, ne wewe mukelenge Yehoshafata, Yehowa udi wamba ne, Kanutshinyi, kanukemi hua tshisumbu etshi tshinene; bualu bua nvita ei kanyenu, nya Nzambi.


ne wakela dî dikole, bu muadi wa nyama wa ntambue; ne hakeleye dî diandi, mikungulu muanda mutekete yakakula mei ai.


Yehowa neanuluile nvita yenu, nenuikale holâ.


Wakakanga nkata ya makalu, kabakamanya mua kuya bimpe, Bena Ejipitu bakamba ne, Tunyeme bietu ku mesu kua Bena Isalele, bualu bua Yehowa udi ubaluila nvita yabo, udi uluangana ne Bena Ejipitu.


Yehowa neunvuishe bantu dî diandi dia butumbi, neamueneshe dihueka dia diboko diandi hanshi mu kuvulangana kua tshiji, mu ludimi lua kahia kadi kashidisha, mu kuhumuka kua nvula, mu tshihuhu ne mu mabue a nvula.


Mukumu wonso wa mulangala wa mulau udi Yehowa umukuma nʼau newikale ne tshiona tshia makasa ne nzenze; nealue kudibo ne diboko diela mulu, utshintshila bua kuluangana nʼabo.


跟着我们:

广告


广告