Yeshaya 30:22 - Mukanda wa Nzambi Dihungila Dikulukulu ne Dihungila Dihia-dihia 2003

²² Nenunyange tshiamu tshia argent tshinudi balamike ku mpingu yebe misonga, ne tshiamu tshia or tshinudi balamike ku mpingu yebe mifudibue; nenubimashe bu tshilulu tshinyanguke ne bukoya; nenubambile ne, Umukai kutudi!

MUKANDA WA MYIDI MUKULU

²² Nenutangile mpingu, inudi balamike tshiamu tshitoke tshia mushinga mukole, nansha tshia mpawungi. Nenuyimanshe bu bintu bidi bipia mikiya. Nenuele lubila ne: “Umushayi bintu bibi ebi.”

Yeshaya 30:22 交叉引用

Yeshaya 31:7

Bua mu dituku adi muntu yonso wa munkatshi muenu neimashe mpingu yandi ya argent ne mpingu yandi ya or, inuakudienzela ne bianza bienu bua kuenza nʼai bubi.

Zekâya 13:2

Yehowa wa misumba udi wamba ne, Mu dituku adi nenjimishe mena a mpingu mu buloba, ne bantu kabena bayivuluka kabidi kashidi; nengihate baprofete ne nyuma ya bukoya mu buloba.

Yeshaya 46:6

Badi bahumuna or mu tshibombi, badi bidikisha argent mu tshiamu tshia kuidikisha nʼatshi bujitu, badi ba buesha mutudi wa tshiamu tshia or mu mudimu wabo, ne yeye udi utula nʼatshi luhingu lua nzambi wabo; badi binama mitu yabo kudilu, e, badi batendelela!

Osheya 14:8

Bena Efelayima, mpingu yenu idi ne mushinga kai kundi kabidi? Mmeme ndi nnunvuila ne adi nnulama. Ndi bu mutshi wa cyprès udi ne muoyo, nudi nuheta mamuma enu kundi.

Yezekiyele 36:31

Hashishe nenumuke bilele Dienu bibi, ne bienzedi bienu biakadi kabiyi biakane; malu enu mabi ne a bundu neanutonde mene.

Didimanyisha 19:20

Nyama wa luonji wakakuatshibua, ne bakamukuata ne muprofete wa mashimi wakenza bimanyinu ku mpala kuandi biakadingeye nʼabi bantu bakangata tshimanyinu tshia nyama wa luonji ne bakakukuila tshifuanyikishi tshiandi, bubidi buabo bakedibua ne muoyo mu dishiba dia kahia kadi katema ne soufre.

Yezekiyele 18:6

ne bikaleye kayi mudie munyinyi muelele mpingu ha mikuna, kayi muanze kutangisha mesu andi ku mpingu ya ba mu tshisamba tshia Bena Isalele; bikaleye kayi munyange mukashi wa muena mutumba nʼandi, ne bikaleye kayi mulue hehi ne mukashi mu tshikondo tshia tshijila tshiandi;

Muadi 1:17

Siona udi wolola bianza biandi ne kakuena mumusambi; Yehowa wakuela mukenji bualu bua Yakoba ne, Badi bamunyunguluka bikale bamukengeshi. Yelushalema wakulua bu tshintu tshinyanguke munkatshi muabo.

Yeshaya 27:9

Bua muanda eu bubi bua Yakoba nebujimishibue, ne au mmamuma onso adi Yehowa musue bua kumûmushila bubi buandi: bua yeye avuishe mabue onso a bioshelu biandi bu mabue a luhemba adibo babotesha, bua Bashela ne mpingu idibo batendelela nʼai diba kabikadiku kabidi.

2 Kulondolola 31:1

Hakashika malu â, Bena Isalele bonso bakadiku bakamuangalaka ku misoko yonso ya Yuda, bakashimbula makunshi onso a bitendelelu bia mpingu, bakataha mitshi ya Bashela, bakashimbula bioshelu bionso biakadi ha mutu ha mikuna ya mu Yuda ne mu Benyamina, ne ya mu Efelayima ne mu Manashe kabidi, tô ne hakabishimbulabo bionso. Hashishe Bena Isalele bonso bakahingana, muntu ne muntu ku buhianyi buandi ne ku musoko wandi.

Matayi 4:10

Yesu wakamuambila ne, Satana, umuka; bualu bua bakuanda dî ne, Kukuila Mukelenge Nzambi webe, umuenzele yeye nkayandi mudimu.

Yeshaya 40:19

Muena mudimu wakusonga luhingu, mutudi wa tshiamu tshia or udi ulamika or hamʼbidi halu, udi ulutudila nkanu ya argent.

Yezekiyele 7:19

Nebimashe bintu biabo bia argent mu misesu, ne tshiamu tshiabo tshia or netshikale kudibo bu tshintu tshidi ne manyanu. Biamu biabo bia argent ne bia or kabiena bimanye mua kubahandisha mu dituku dia tshiji tshikole tshia Yehowa; kabiena bisankisha mitshima yabo, kabiena biukutshisha mafu abo, bualu bua biakadi tshilenduishi tshiakabahonesha mu bubi.

Yezekiyele 14:6

Bua malu â ambila ba mu tshisamba tshia Bena Isalele ne, Mukelenge Yehowa udi wamba ne, Kudimunai mitshima yenu, nukome mpingu yenu nyima, umushai mesu ku malu enu a bundu.

Lewitiki 13:52

Yeye neoshe tshilulu mu kahia, bikala disama mu milongo ya buludi anyi mu milongo ya butshiama ya bintu biakenzabo ne miosa ya mikoko anyi bia lin anyi tshintu tshia tshiseba, edi ndisama dia nsudi, neboshe tshintu atshi mu kahia.

Dielulula 7:25

Nuoshe mpingu yabo yakasongabo ne kahia: kanukumi mitshima yenu kudi argent anyi or idi ha mutu hai, kanuyidiangatshidi, kanudionyi mu buteyi ebu; bualu ebu budi butonda mutshima wa Yehowa, Nzambi wenu.

Yezekiyele 7:20

Bakaditumbisha bua bulengele bua bintu ebi, ne bakafula nʼabi mpingu ya malu abo a bundu ne a tshinyangu; nunku nakubivuisha bu tshintu tshidi ne bukoya.