Yeshaya 28:6 - Mukanda wa Nzambi Dihungila Dikulukulu ne Dihungila Dihia-dihia 2003

⁶ Neikale nyuma wa kulumbulula kuakane kudi muntu udi mushikame mu tshilumbuluidi, neikale bukole kudi bantu badi bihata bena nvita badi bafika ku tshibuelelu tshia musoko.

MUKANDA WA MYIDI MUKULU

⁶ Neambuluishe bandumbulula, bua bakose nsambu amu pa yoyi. Neapeshe bantu bukitu bua kuipata muluishi udi ukeba kubuelela ku tshiibi tshia tshimenga.

Yeshaya 28:6 交叉引用

Yowanane 5:30

Meme nkayanyi tshiena mumanye mua kuenza bualu; ndi ndumbulula bu mundi ngunvua; ndi ndumbulula biakane, bua tshiena nkeba kuenza bu mundi musue, ndi nkeba kuenza bu mudi wakuntuma musue.

Yoshua 1:9

Tshiakukuambila, anyi? Ikala ne bukole ne mutshima wa dikima; kutshinyi, kukuatshiki buowa, bualu bua Yehowa, Nzambi webe, udi nʼebe kuonso kuwaya.

Yowanane 3:34

Udi mutuma kudi Nzambi udi wamba mei a Nzambi; bualu bua yeye kena umulobela Nyuma.

1 Korente 12:8

Bua mukuabo udi uhebua dî dia meshi kudi Nyuma; mukuabo, dî dia lungenyi kudi Nyuma muomumue;

Nsumuinu 20:8

Mukelenge udi ushikama mu nkuasa wa bukelenge ukosamu bilumbu udi usungulula malu mabi onso ne mesu andi.

Misambu 46:1

Nzambi udi tshinyemenu tshietu ne bukole buetu, udi dikuatshisha dietu mu makenga didi kadiyi dihanga tshiendelele.

2 Kulondolola 32:8

bualu bua yeye udi anu ne maboko a bantu, kadi Yehowa Nzambi wetu udi nʼetu bua kutukuatshisha ne bua kutufila nvita. Bantu bakeyemena mei a Hezikiya, mukelenge wa Yuda.

1 Bakalenga 3:28

Bena Isalele bonso bakunvua lumu lua kulumbulula kua mukelenge kuakalumbululeye nʼaku, bakatamba kutshina mukelenge, bakajingulula ne, Yeye udi ne lungenyi lua Nzambi munda muandi lua kulumbululeye nʼalu.

Dielulula 20:4

bualu bua Yehowa, Nzambi wenu, udi unuluila, bua kuluangana ne badi nʼenu lukuna ne bua kunusungila.

Misambu 46:11

Yehowa wa misumba udi nʼetu; Nzambi wa Yakoba udi tshinyemenu tshietu.

2 Kulondolola 32:6

Yeye wakateka tupitene ku mutu kua bantu, wakabasangisha kudiye mu muaba wa hatuhu ku tshibi tshia musoko, wakabasamba ne,

Yeshaya 4:4

Nebabikidibue ku dina adi hashikisha Mukelenge kuvuwa bukoya bua bana bakashi ba mu Siona, ne halueye kumusha mamata a mashi a ba mu Yelushalema munkatshi mua musoko, ku nyuma wa kulumbulula kuakane ne ku nyuma wa kubutula.

Yeshaya 25:4

Bualu bua wewe wakadi bu musoko wa ngumbu kudi bahele, bu muaba mukole kudi mukengi mu dikenga diandi, bu tshinyemenu tshia kunyemenamu tshikondo tshia tshihuhu, bu dileshi mu diba dia munya mukole, hikala muhuya wa bena tshinyangu babi bu dikuma dia tshihuhu ku tshimanu,

Yeshaya 33:5

Yehowa udi mutumbishibue, bualu bua udi mushikame mu diulu; wakûsha Siona tente ne kulumbulula kuakane ne buakane.

Zekâya 12:5

Banfumu ba Yuda nebambe mu mitshima yabo ne, Bena musoko wa Yelushalema badi ne bukole mu Yehowa wa misumba, Nzambi wabo.