Yeshaya 25:9 - Mukanda wa Nzambi Dihungila Dikulukulu ne Dihungila Dihia-dihia 2003

⁹ Mu dituku adi nebambe ne, Monai, eu udi Nzambi wetu utuakutekemena ne, Neatusungile; eu udi Yehowa utuakutekemena; netuikale ne disanka, netusanke mu luhandu luandi.

MUKANDA WA MYIDI MUKULU

⁹ Dituku adi, bantu nebambe ne: “Yeye ke Mvidi Mukulu wetu. Tuvua batekemene amu kudiye, Yeye kutusungidila. Eyowa, tuvua batekemene amu kudi Maweja-Nangila. Tudi tusanka, tudi ne musangelu, bua padiye Mutusungidi wetu.

Yeshaya 25:9 交叉引用

Misambu 27:14

Windile Yehowa; wikale ne bukole, ne mutshima webe wikale ne dikima; e, windile biebe Yehowa!

Mika 7:7

Kadi meme hanyi nentangishe mesu anyi kudi Yehowa; nengindile Nzambi wa luhandu luanyi; Nzambi wanyi neangunvuile.

Genese 49:18

Yehowa, nakuindila luhandu luebe.

Misambu 20:5

Netuele mbila ya disanka bua luhandu luebe mu nvita yetu, ne mu dina dia Nzambi wetu netuimanyike mabendela etu. Yehowa akushikishile milombu yebe yonso.

Didimanyisha 1:7

Tangilai, yeye udi ulua ne matutu; ne disu dionso nedimumone, ne bobo bine bakamutua difuma nebamumone; ne bisamba bionso bia ha buloba nebidile muadi bua bualu buandi. Bulelela. Amen.

Tite 2:13

hatudi tuindila ditekemena dietu dia disanka, ne dimueneka dia butumbi bua Nzambi munene ne Musungidi wetu, Yesu Kilisto.

Yeshaya 35:2

netshimeneshe bilongo bia bungi, netshisanke ne disanka ne misambu mene. Nebatshiheshe butumbi bua Lebanona, bulengele bua Kâmele ne Shalona; nebatangile butumbi bua Yehowa ne bulengele bua Nzambi wetu.

Didimanyisha 22:20

Yeye udi umanyisha malu â udi wamba ne, E, ndi ndua lubilu. Amen; lua, Mukelenge Yesu.

2 Petro 3:12

hanudi nutekemena ne hanudi nuendeshe lukasa dilua dia dituku dia Nzambi? Bua bualu buadi diulu diakukuata kahia nedijimine ne bintu bidimu nebienguluke ne kahia kakole.

Yeshaya 40:9

Wewe udi wambila ba mu Siona lumu luimpe, banda ha mutu ha mukuna mule; wewe udi wambila ba mu Yelushalema lumu luimpe, bandisha dî diebe bikole, udikoleshe, kutshinyi; Wambile ba mu misoko ya mu Yuda ne, Tangilai Nzambi wenu!

Yeshaya 35:10

Bantu badi Yehowa muhikule nebahingane, nebalue ku Siona bimba misambu; disanka dia tshiendelele nedikale ha mitu habo; nebahete disanka ne diakalengele; kanyinganyinga ne kuhumuna nebinyeme kule.

Misambu 100:1

Nuelele Yehowa mbila ya disanka, nuenu bonso ba ha buloba!

Misambu 9:14

bua meme kumanyisha bantu bua butumbi buebe buonso, bua meme kusanka bua luhandu luebe ku bibi bia muana wa bakashi wa Siona.

1 Petro 1:8

Yeye, unuakadi kanui batangile ku mesu, nyeye unudi nunanga; kadi nudi numuitabusha, kanui numutangila katataka, ne nudi nusanka bikole ne disanka didi hadi mua kuambibua ne didi diûle tente ne butumbi;

1 Petro 1:6

Bua muanda eu nudi nutamba kusanka, nasha bikalaku bualu bua nuenu kunyingalashibua tshituha tshihi mu mateta a mishindu ya bungi;

Luke 2:25

Muntu mulume wakadi mu Yelushalema, dina diandi Shimeona; muntu eu wakadi muakane, wakadi kabidi mutumikidi wa mei, wakadi utekemena disamba dia Isalele; Nyuma Muimpe wakadi nʼandi.

Yeshaya 35:4

Nuambile badi ne mitshima ikuma lubilu lubilu ne, Nuikale bakole, kautshinyi! Monai, Nzambi wenu udiku! Nealue ne disombuela, nealue ne ditutu dia Nzambi dia kunufuteye; nealue bua kunusungila.

Yeshaya 8:17

Nengindile Yehowa udi usokoka mpala wandi kudi bana ba Yakoba, nemmutekemene mene.

Filipe 3:1

Tshiashadidi mpindiu, bana betu, nusanke mu Mukelenge. Kunufundila malu momumue kakuena kuntonda, kadi kudi kunukuatshisha nuenu.

Yeshaya 60:16

Newamue mabele a bisamba bia bantu, newamue mabele a bakelenge; neumanye ne, Yeye, Yehowa, udi Musungidi wanyi ne Muhikudi wanyi, Mutambe Bukole wa Yakoba.

Yeshaya 33:22

Bualu bua Yehowa udi mulumbuluishi wetu, Yehowa udi mutueledi wa mikenji, Yehowa udi Mukelenge wetu; yeye neatusungile.

Filipe 3:3

Bualu bua tuetu tudi batengula badi batendelela ku Nyuma wa Nzambi ne badi batumbila mu Kilisto Yesu, ne badi kabai ne dieyemena dia malu a mubidi,

Misambu 95:1

Luai bienu, tuimbile Yehowa musambu; tuelele dibue dia luhandu luetu mbila ya disanka!

Misambu 21:1

Yehowa, mukelenge neasanke mu bukole buebe, ke, mudiye usanka bikole bua luhandu luebe!

Zekâya 9:9

Sanka bikole, wewe muana mukashi wa mu Siona; ela mbila ne disanka, wewe muana mukashi wa mu Yelushalema. Mona, Mukelenge webe udi ulua kûdi; yeye udi muakane ne wakutamba hadi nʼandi lukuna bukole; udi ne kalolo, udi wenda ha nyima ha mpunda, ba nyima ha muana wa nyama wa mpunda mene.

Yeshaya 33:2

Yehowa, utuleshe dinanga diebe; tuakukuindila; wikale diboko dietu dia bukole ku dinda ne ku dinda, ne luhandu luetu mu tshikondo tshia dikenga.

Yeshaya 35:1

Tshihela ne buloba bûme nebikale ne disanka; tshihela tshia lusenga netshisanke; netshimeneshe bintu bu mudi tshilongo tshia nsungubidi tshienza,

Yeshaya 37:20

Nunku, ndi nkusengelela, Yehowa Nzambi wetu, utusungile mu tshianza tshiandi, bua ba mu makelenge onso a ha buloba bamanye ne wewe Yehowa udi Nzambi nkayebe.

Yeshaya 41:16

Neuyibehuishe, ne luhehele neluyihehule, ne nvunde neayimuangalashe; ne wewe neusanke mu Yehowa, neutumbile mu Wa Tshijila wa Isalele.

Yeshaya 49:23

Bakelenge nebikale batatu bebe balami, ne bakelenge babo bakashi nebikale bamamu bebe bandeshi. Nebatue mpala yabo hanshi ku mpala kuebe, nebalake luhuishi lua ku makasa ebe. Ka wewe neummanye meme ne, Ndi Yehowa mene; badi bangeyemena kabena bafuishibua bundu.

Yeshaya 51:3

Bualu bua Yehowa wakusamba Siona, wakusamba miaba yau yonso yakadi bikulu, wakuvuisha tshihela tshiau bu budimi bua Edene ne tshihela tshiau tshia lusenga bu budimi bua Yehowa. Disanka ne disankidila nebikalemu, ne kusakidila ne dî dia kuimba kua misambu.

Yeshaya 52:10

Yehowa wakuvula tshilulu ha diboko diandi dia tshijila ku mesu kua bisamba bionso bia bantu; ne bonso ba kunfudilu kua buloba bakumona luhandu lua Nzambi wetu.

Yeshaya 61:10

Nentambe kusanka mu Yehowa, mutshima wanyi neutambe kusanka mu Nzambi wanyi; bualu bua yeye wakunduatshisha bivualu bia luhandu, wakumbuikila ne tshikowelu tshia buakane, bu mudi mubaki wa mukashi udilengesha ne nkata mulengele, ne bu mudi mukashi udi wamba kubuela mu dibaka udilengesha ne bilenga biandi.

Yeshaya 64:4

Bua ku bikondo bia kale kakuena muntu wakumana anyi wakujingulula ku matshu, kakuena disu diakumona Nzambi udi muomumue nʼebe, udi ukuatshila badi bamuindila mudimu.

Yeshaya 65:18

Kadi nuikale bienu ne disanka, nusanke tshiendelele, mu muanda eu undi nfuka; bua monai, ndi nfuka Yelushalema bua kuikaleye disanka, ne ndi nfuka bantu bandi bua kuikalabo disanka.

Misambu 33:20

Muoyo wetu udi windila Yehowa; yeye udi dikuatshisha dietu ne ngabu wetu.

Misambu 33:21

Bua mitshima yetu idi isanka kudiye, bualu bua tudi tueyemena dina diandi dia tshijila.

Misambu 40:17

Ahu meme hanyi ndi muhele ne mukengi, kadi Mukelenge udi wela meji a bualu buanyi. Wewe udi mukuatshishi wanyi ne musungidi wanyi; kujanguluki, Nzambi wanyi.

Abakuke 3:18

kadi meme hanyi nensanke mu Yehowa, nentumbile mu Nzambi wa luhandu luanyi.

Zekâya 10:7

Bena Efelayima nehikale bu bena bukitu; mitshima yabo neyisanke bu mudibo banue nvinyo. Bana babo nebamone muanda eu, nebasanke; mitshima yabo neyikale ne disanka mu Yehowa.