Yeshaya 25:1 - Mukanda wa Nzambi Dihungila Dikulukulu ne Dihungila Dihia-dihia 2003

¹ Yehowa, wewe udi Nzambi wanyi; nenkutumbishe, nentumbishe dina diebe; bualu bua wewe wakuenza malu a kukema, malu awakadihangidishila kale kale bua kuenza mu kujalama kuebe tshishiki.

MUKANDA WA MYIDI MUKULU

¹ Maweja-Nangila, wewe ke Mvidi Mukulu wanyi. Ndi musue kutumbisha bunene buebe, kumanyisha bantu lumu luebe. Bualu wewe uvua muenze bia dikema. Biuvua mujadike kale, udi mubikumbaje bionsu bungi buabi.

Yeshaya 25:1 交叉引用

Ekesode 15:2

Yehowa udi bukole buanyi ne musambu wanyi, yeye wakulua luhandu luanyi, Yeye udi Nzambi wanyi, nemmutumbishe, udi Nzambi wa tatuʼanyi, nemmunemeke.

Misambu 118:28

Wewe udi Nzambi wanyi, nenkuele tuasakidila; wewe udi Nzambi wanyi, nenkutumbishe.

Dibadika 23:19

Nzambi kena bu muntu udi wamba mei a mashimi, kena bu muana wa muntu, bua kukudimuneye mutshima. Biambeye dî, kena udishikisha, anyi? Anyi biambeye bualu, kena ubuenza, anyi?

Misambu 98:1

Nuimbile Yehowa musambu muhia-muhia, bualu bua wakuenza malu manene a kukema. Tshianza tshiandi tshia balume ne diboko diandi dia tshijila biakumuhetela luhandu.

Yeshaya 61:10

Nentambe kusanka mu Yehowa, mutshima wanyi neutambe kusanka mu Nzambi wanyi; bualu bua yeye wakunduatshisha bivualu bia luhandu, wakumbuikila ne tshikowelu tshia buakane, bu mudi mubaki wa mukashi udilengesha ne nkata mulengele, ne bu mudi mukashi udi wamba kubuela mu dibaka udilengesha ne bilenga biandi.

Yeshaya 28:29

Lungenyi elu kabidi ludi lufuma kudi Yehowa wa misumba, udi ulesha bantu meji adi abakemesha, ne udi ne lungenyi lutambe buimpe.

Misambu 40:5

Yehowa Nzambi wanyi, wakuvudisha malu a kukema awakuenza ne malu awakuhangidisha bua kutuenzela, kakuena mukuabo utudi bamanye mua kuelekesha nʼebe. Binakeba kualondolola ne bua kuambila bantu malu â, neampite bua kuabala.

Efeze 1:11

Mu Kilisto Yesu mutuakavuishibua buhianyi, hatuakadianjila kusungudibua bu muvueye muhangidishe, nyeye udi wenzesha malu onso bu mudi kudijingulula kua disua diandi;

Misambu 46:10

Imanai talalâ, numanye bienu ne, Meme ndi Nzambi. Nentumbishibue munkatshi mua bisamba bia bantu, nentumbishibue ha buloba.

Didimanyisha 19:11

Nakatangila diulu dibululuke; ne mona, kabalu katoke, ne wakadi ushikama ba nyima haku wakabikidibua ne, Wa Kueyemena ne Mulelela; ne mu buakane buandi udi ulumbuluisha ne udi uluangana nvita.

Yeshaya 46:10

ndi ndianjila kulesha bantu nshikidilu wa bualu ku tshibangidilu tshiabu, ne mu bidimu bia kale mubaleshe malu akadi kâyi manji kuenjibua. Ndi ngamba ne, Bualu bunakadihangidishila bua kuenza nebuenjibue, nengenze malu anakusua kuenza;

Didimanyisha 7:12

bamba ne, Amen, disanka ne butumbi ne meshi ne disakidila ne buneme ne bukokeshi ne bukole bikale kudi Nzambi wetu tô ne tshiendelele; Amen.

Yeshaya 26:13

Yehowa Nzambi wetu, bakelenge bakuabo bakadi kabayi bu wewe bakutukokesha; kadi bua dikuatshisha diebe nkayadi netutumbishe dina diebe.

Misambu 146:2

Nentumbishe Yehowa hantshidi ne muoyo; nengimbile Nzambi wanyi misambu ya kumutumbisha nʼai ntshidiku.

Misambu 99:5

Tumbishai bienu Yehowa Nzambi wetu; numukukuile ku ditanda diandi dia muinshi mua makasa. Yeye udi wa tshijila!

Didimanyisha 15:3

Badi bimba musambu wa Mose, muhika wa Nzambi, ne musambu wa Muana wa Mukoko, bamba ne, Mukelenge Nzambi wa Bukole Buonso, midimu yebe idi minene ne ya dikema. Wewe, Mukelenge wa bikondo, nshila yebe idi miakane ne ya bulelela.

Misambu 78:4

Katuena tusokokela bana babo baledibue malu â; netuambile ba mu tshikondo tshialua malu a butumbi bua Yehowa, netubambile bua bukole buandi ne bua bienzedi biandi bia kukema biakuenzeye.

Misambu 145:1

Nenkutumbishe, Nzambi wanyi, Mukelenge wanyi. Nenvudishile dina diebe disanka tô ne tshiendelele.

Misambu 111:4

Wakayuluisha bantu bua midimu yandi ya kukema. Yehowa udi ne dinanga, udi ufuila bantu luse.

Misambu 89:1

Nengimbe bua luse lujalame lua Yehowa kashidi; mukana muanyi nemumanyishe bantu tô ne ku bikondo bionso mudi lulamatu luebe lua bushuwa.

Yeshaya 7:13

Yeshaya wakamba ne, Unvuai bienu, nuenu ba mu tshiota tshia Davidi. Budi bualu buhite butekete bua nuenu kuhangisha bantu, bua nudi basue malu enu atondeshe Nzambi wanyi kabidi, anyi?

Yeshaya 11:5

Buakane nebuikale mukaba wa mu tshimono tshiandi, kujalama kuandi kulelela nekuikale mukaba wa ku tshifuka tshiandi.

Yeshaya 12:1

Mu dituku adi newambe biebe ne, Nenkusakidile wewe, Yehowa; bualu bua wakankuatshila tshiji diambedi, kadi tshiji tshiebe tshiakukudimuka kundi, wakunsamba.

Yeshaya 26:8

Bulelela, Yehowa, mu nshila wa kulumbulula kuebe, tuakukuindila; mitshima yetu idi ijinga dina diebe, idi ijinga tshivulukidi tshiebe.

Yeshaya 40:27

Bualu kai, wewe Yakoba, udi wamba, ne wewe Isalele udi wamba muomumue ne, Nshila wanyi udi musokoka ku mesu kua Yehowa, Nzambi wanyi wakuhua muoyo bua kulumbulula kuakane kudiye ne bualu bua kundesha?

Yeshaya 49:4

Kadi meme nakuamba ne, Nakuenza mudimu wanyi tshianana, nakujimisha bukole buanyi hatuhu tshiyi muhete tshintu; kadi bulelela, kulumbulula kuakane kundi nʼaku bualu kudi kufuma kudi Yehowa, ne ditutu dianyi didi kudi Nzambi wanyi.

Yeshaya 49:5

Yehowa wakunfuka munda mua mamu wanyi bua meme kuikala muntu wandi, bua kualukisha Yakoba kudiye kabidi, ne bua Isalele asangishibue kudiye; bua ndi ne butumbi ku mesu kua Yehowa, ne Nzambi wanyi wakulua bukole buanyi,

Yowele 2:26

Nenudie bintu bikumbane, nenukute; nenutumbishe dina dia Yehowa Nzambi wenu, wakunuenzela malu a kukema; ne bantu banyi kabena bafuishibua bundu kabidi kashidi.

Misambu 31:15

Bikondo bianyi bidi mu bianza biebe; umpandishe mu bianza bia badi nʼanyi lukuna, kudi badi bankengesha.

Misambu 40:6

Wewe kuena unanga mulambu wa nyama mushiha ne mulambu wa bia kudia; wewe wakujikula matshu anyi. Kuakulomba mulambu wa kuosha ha tshioshelu ne mulambu wa kubuikila nʼau mibi.

Misambu 75:2

Hanafika ku tshikondo tshinakusungula, meme muine nendumbuluishe bantu ne kulumbulula kuakane.

Yeshaya 46:11

ndi mbikila nyunyu ku luseke lua esete udi mushihianganyi, ndi mbikila muntu udi wenza di dianyi mufume ku buloba budi kule. Bulelela, nakuamba dî dianyi, nendimane; nakadihangidishila bualu, nembuenze.