Yeshaya 24:20 - Mukanda wa Nzambi Dihungila Dikulukulu ne Dihungila Dihia-dihia 2003

²⁰ Buloba nebuende bulenduke bu muntu mukuatshike maluvu, nebutenkakane eku ne eku bu tshihoyi. Kutomboka kudimu nekubunemeshile bujitu, nebudishinde hanshi, kabuena bujuka kabidi.

MUKANDA WA MYIDI MUKULU

²⁰ Buloba nebulenduke bu muntu mukuatshike maluvu, nebutenkakane eku ne eku bu kazubu ka bisosa. Nebudishinde panshi, bualu mibi yabu mipite bujitu. Kabuena bujuuka kabidi to.

Yeshaya 24:20 交叉引用

Yeshaya 19:14

Yehowa wakusonsola nyuma wa tshibondakasha munkatshi muabo; ne bakuhambuisha Bena Ejipitu mu mudimu wabo wonso, bu mudi muntu mukuatshike maluvu wenda ututubila mu nshila uluka bilushi biandi.

Amosa 8:14

Badi baditshiha ku bubi bua Samalea, bamba ne, Wewe Dana, bu mudi nzambi webe ne muoyo! Bu mudi nshila wa ku Bê-sheba mutshikaleku, bobo aba nebahone hanshi, kabena bajuka kabidi tshiendelele!

Danyele 11:19

Hashishe, yeye neatangishe mpala wandi ku misoko ya mu buloba buandi idi nuasa ne ngumbu ya nvita, kadi nealenduke, neadishinde hanshi, kabena bamusangana kabidi.

Yeshaya 29:9

Hampakanai! Tuai mikemu! Nudifofomeshe mesu! Nuikale bafofo! Badi bakuatshike, kadi kabayi banua nvinyo; badi butenkakana, kadi kabayi banua maluvu makole.

Didimanyisha 18:21

Muanjelo mukuabo mukole wakambula dibue bu dibue dinene dia kubela nʼadi, wakadiela mu mai manene, wamba ne, Nunku Babulona, musoko mimene, newedibue hanshi ne dihona dinene, ne kawena usanganyibua kabidi tshiendelele.

Muadi 1:14

Mibi yanyi yakusuikibua bu mutshi wa tshikokedi; tshianza tshiandi tshiakuyisuika ha nshingu hanyi; yeye wakutekesha hukole buanyi. Mukelenge wakunfila mu bianza bia bantu bandi tshiyi mumanye mua kuluisha.

Yirmeya 25:27

Wewe ubambile ne, Yehowa wa misumba, Nzambi wa Isalele, udi wamba ne, Nuai bienu, nukuatshike maluvu au, nuluke, nudishinde, kanujuki kabidi, bualu bua muele wa nvita undi ntuma munkatshi muenu.

Yirmeya 8:4

Newikale ne bualu bua kubambila kabidi ne, Yehowa udi wamba ne, Biadishinda bantu hanshi, kabena bajuka kabidi, anyi? biahambuka muntu mu nshila, kena uhingana mu nshila muimpe kabidi, anyi?

Yeshaya 43:27

Tatu webe wa kumudilu wakenza bibi, bambidi bebe bakutombokela.

Yeshaya 38:12

Bakûmusha nsubu wanyi, bakuntudileye bu mudibo batula nsubu wa ntenta wa mulami wa mikoko bua kuya nʼandi; nakuvunga muoyo wanyi bu mudi mukumi wa bilulu uvunga tshilamba tshiakukumeye; yeye neankose bua kungumusha mu mbungu; ku munya tô ne ku butuku wewe udi unfikisha ku ndekelu wa muoyo wanyi.

Yeshaya 1:28

Kadi kubutuka nekuhone hamʼbidi ha bantombokedi ne bantu babi diatshimue, ne bantu badi balekela kulonda Yehowa nebabutudibue.

Yeshaya 1:8

Badi bashiya muana mukashi wa Siona bu tshisambusambu tshia mu budimi bua tumuma tua nvinyo, bu tshitandatanda tshia mu tshibidi tshia tumuma tua tunsalala, bu musoko udibo batshintshimika.

Misambu 107:27

Bakatenkakana eku ne eku, bakadi balendukalenduka bu muntu mukuatshike maluvu, meji abo onso akabuelakana.

Misambu 38:4

Bualu bua malu mabi anyi akûla, akuhita ha mutu hanyi. Bu bujitu bunene, adi atamba kunnemena bujitu.

Yobe 12:25

Badi benda babubuta mu mîdima kabayi ne muinda, udi ubendesha bu bakuatshila ba maluvu.

Yeshaya 24:1

Monai, Yehowa udi wamba kuvuisha buloba butuhu, udi wamba kubuvuisha bu tshihela tshia lusenga, udi wamba kubukudimuna ubutua mutu wabu muinshi, ne kumuangalasha bantu babu kuonso.

Yeshaya 28:7

Kadi bantu aba mene badi batshinkakana ne nvinyo, badi batenkakana bualu bua maluvu makole; muakuidi ne muprofete badi batshinkakana bualu bua maluvu makole, badi baboteshibua bualu bua nvinyo, badi batenkakana bualu bua maluvu makole; badi batuhakana mu dijingulula dia bikena kumona, badi balenduka hakosabo bilumbu.

Yeshaya 66:24

Nebaluhuke, nebatangile bitalu bia bantu bakuntombokela; bualu bua tshikusu tshiabo katshiena tshilua, kahia kabo kakena kajima, ne bobo nebikale bintu bidi bantu bonso bahetula.

Nahume 1:5

Mikuna minene idi ikanka ku mpala kuandi, mikuna mikese idi ivingutuka Buloba budi bubutuka ku mpala kuandi, buloba bujima ne bonso badi bashikamemu.

Genese 41:31

kabena bamanye bintu bia bungi mu buloba bualu bua tshiole tshilualua, netshitambe bukole.

Yirmeya 4:24

Nakamona mikuna mile; mona, yoyo yakazakala, ne mikuna mihi yakanyungakana.

Yirmeya 51:29

Buloba budi buzakala, budi ne dikenga, bualu bua malu adi Yehowa muhangidishe bua kuenzela Babulona adi majalame, bua kuvuisheye buloba bua Babulona bu tshikisu, kakuyi muntu mushikamemu to.