Yeshaya 24:17 - Mukanda wa Nzambi Dihungila Dikulukulu ne Dihungila Dihia-dihia 2003

¹⁷ Buowa ne dijimba ne buteyi bidi ku mpala kuetu, wewe muntu wa ha buloba!

MUKANDA WA MYIDI MUKULU

¹⁷ Nuenu bantu badi basomba pa buloba, bowa bukole, dijimba, ne buteyi, bidi binuindila.

Yeshaya 24:17 交叉引用

Amosa 5:19

Didi bu muntu munyeme nyama wa ntambue ne udi usambakena ne nyama wa nkashama! Anyi didi bu muntu mubuele mu nsubu muandi, muteke tshianza tshiandi ku tshimanu tshia nsubu, ne nyoka udi umusuma!

Yezekiyele 14:21

Bua malu â Mukelenge Yehowa udi wamba ne, Bualu nebuhite bukole hanatuma milau yanyi mikole inai ku Yelushalema, muele wa nvita, tshiole, nyama ya luonji ne tshihuhu, bua kubutulamu bantu ne nyama!

Yirmeya 8:3

Yehowa wa misumba udi wamba ne, Nebasungule lufu ku mpala kua muoyo kudi bantu bonso badi bashala ba mu tshisamba etshi tshibi, kudi badi bashala mu miaba yonso inakabihata.

1 Bakalenga 19:17

Hashishe muntu udi uhanduka ku muele wa nvita wa Hazaele, Yehu neamushihe; muntu udi uhanduka ku muele wa nvita wa Yehu, Elisha neamushihe.

Yobe 18:8

Bualu bua makasa andi mene neamubueshe mu bukuondo, nênde ha mutu ha dijimba.

Yeshaya 8:14

Yeye nealue muaba wa tshijila, ne dibue dia kukumaku dikasa, ne mutunda wa dibue wa kubalenduisha kudi ba mu nseke ibidi ya Isalele; neikale bukuondo ne buteyi kudi badi bashikame mu Yelushalema.

Yirmeya 11:11

Nunku Yehowa udi wamba ne, Nembatumine dikenga didibo kabayi mua kudinyema. Nebadie kundi, kadi tshiena mbunvuila.

Muadi 2:22

Wakumbikidila buowa bunnyunguluke nseke yonso, bu mudibo babikila bantu mu dituku didibo badia bidia bia disanka; kakuena muntu wahanduka anyi washala mu dituku dia tshiji tshia Yehowa; bobo banakukuongoluela ne banakukolesha mbadi muena lukuna wanyi mushihe.

Muadi 3:47

Buowa ne dijimba bidi ku mpala kuetu, diyoyo ne kubutuka kabidi.

Yezekiyele 11:8

Yehowa udi wamba ne, Nudi nutshina muele wa nvita; nenvishe muele wa nvita hamʼbidi henu.

Yezekiyele 12:13

Nengande bukuondo ku mpala kuandi, yeye neakuatshibue mu buteyi buanyi; nenye nʼandi ku Babulona, ku buloba bua Bena Kasada; kena ubumona ku mesu, kadi neafuilemu.