Yeshaya 23:17 - Mukanda wa Nzambi Dihungila Dikulukulu ne Dihungila Dihia-dihia 2003

¹⁷ Hashika bidimu makumi muanda mutekete, Yehowa nealue kabidi bua kumona musoko wa Tulo, ne wowo neuhingane kabidi ku difutu diau dia bundumba, newende masandi ne makelenge onso a ba ha buloba adi hanshi ha buloba.

MUKANDA WA MYIDI MUKULU

¹⁷ Padi bidimu makumi muanda mutekete bipite, Maweja-Nangila neambuluishe tshimenga tshia Tire. Netshituadije kabidi kupeta makuta ku buendenda ne makalenga mashilangane onsu a pa buloba.

Yeshaya 23:17 交叉引用

Nahume 3:4

Malu â akulua bua masandi mavule a mukashi wa masandi, muimpe kumona, muena buloshi, udi uhana bisamba bia bantu ku malu andi a masandi, ne biota biabo ku muhongo wandi.

Didimanyisha 19:2

bualu bua dilumbulula diandi didi dilelela ne diakane; bualu bua wakulumbuluisha mukashi wa masandi mimene, yeye wakanyanga buloba ne masandi andi, ne wakasombuela mashi a bahika bandi mualombe ku tshianza tshiandi.

1 Petro 5:2

Nulame tshisumbu tshia mikoko ya Nzambi tshidi munkatshi muenu, nubalame, kanui benzeshibue ku bukole, kadi ne mitshima ya disanka bu mu disua dia Nzambi; kambualu bua kukeba biuma, kadi nuikale ne mutshima mulongolola bimpe;

1 Timote 3:8

Muomumue balami ba bintu bikale ne kanemu; kabikadi ne mei abidi; kabadidi ku maluvu a bungi; kabakumi mitshima yabo ku biuma bidi bifume ku nshila mibi;

1 Timote 3:3

Kikadi ne diyoyo bua malulu; kikadi mukumianganyi ne bakuabo; kadi ikale muena buhele; kasu biandi mayoyo; kateki mutshima wandi ku biuma.

Bienzedi 15:14

Simona wakalonda bu muakadianjila Nzambi kumueneka kudi bisamba bia bende bua kusungula munkatshi muabo bantu bua kuikalabo ne dina diandi.

Sefanya 2:7

Buloba budi ku muelelu wa mai manene nebuikale bua difuka dia Bena Yuda. Nebadishilemu mikoko yabo. Butuku nebalale mu nsubu ya mu Ashekelona. Bualu bua Yehowa Nzambi wabo neahingane kudibo, neabumushe mu buhika bua kubaha diakalengele.

Mika 3:11

Badi ha mutu ha musoko budi balumbulula bilumbu anu bua mbueshilu, bakuidi badi bayisha anu bua difutu, ne baprofete badi bajingulula bantu malu anu bua kuheta argent. Kadi badi beyemena Yehowa, ne badi bamba ne, Yehowa kena munkatshi muetu, anyi? Bualu bubi kabuena mua kutukuata.

Mika 1:7

Nebatshibule mpingu yabo yonso misonga bituha, neboshe bintu biabo bionso biakafilabo kudi mpingu mu kahia, ne nembutule mpingu yabo yonso yakafulabo. Bualu bua bakabiheta ku difutu dia mukashi wa masandi, nebihingane kudi mukashi wa masandi bu difutu diandi.

Yezekiyele 22:13

Tangila, bua malu â nakukatshila bua bintu biwakunyenga ku mashimi ebe, ne bua mashi awakumatshisha munkatshi muenu.

Yezekiyele 16:31

bualu bua udi wasa tshibumba tshiebe ku mbangilu ya nshila yonso, ne udi udienzela tshibumba tshile mu misesu yonso, ne kuena bu mukashi wa ndumba bualu bua wewe udi uhetula difutu dia masandi.

Yezekiyele 16:26

Wakuenda masandi ne Bena Ejipitu, bena mutumba nʼebe badi ne mibidi ya mafuta, wakuvudisha masandi ebe bua kunkuatshisha tshiji.

Yirmeya 29:10

Bualu bua Yehowa udi wamba ne, Hakumbanyina Babulona bidimu makumi muanda mutekete, nendue kunudi, nenshikishe dî dianyi dimpe dinakunuambila, nennuhingashe mu muabu eu.

Dielulula 23:18

Kanulu ne difutu dia mukashi wa masandi anji dia muntu udi bu mbua, mu nsubu wa Yehowa, Nzambi wenu, bua kushikisha diditshiha dienu; bualu bua bubidi buabo badi bu tshintu tshibi ku mesu kua Yehowa, Nzambi wenu.

Yeshaya 23:15

Mu dituku adi nebahue Tulo muoyo bidimu makumi muanda mutekete, bu mudi bantu babala matuku a mukelenge umue. Hashika bidimu makumi muanda mutekete, nebenzele Tulo bu mudi mei a musambu wa mukashi wa ndumba amba ne,

Yeshaya 23:16

Angata lunzenze, endakana mu musoko, wewe mukashi wa ndumba udibo bahue muoyo. Imba lunzenze luebe bimpe, imba misambu ya bungi, bua bantu bakuvuluke kabidi!

Yezekiyele 16:25

Wakuasa tshibunda tshile ku mbangilu wa nshila yonso, wakuvuisha bulengele buebe bu tshintu tshia bundu, wakufila mubidi webe kudi muntu yonso wakadi uhita mu nshila ne wakuvudisha masandi ebe.

Yirmeya 25:11

Buloba ebu bujima nebushale bu tshikulu, ne bu tshintu tshidi tshikemesha bantu; ba mu bisamba ebi nebakuatshile mukelenge wa Babulona mudimu bidimu makumi muanda mutekete.