Yeshaya 17:1 - Mukanda wa Nzambi Dihungila Dikulukulu ne Dihungila Dihia-dihia 2003

¹ Dî dia tshijila bualu bua Damaseke. Yehowa wa misumba udi wamba ne, Monai, badi bumusha Damaseke mu muaba wandi wa butumbi bua kikadi musoko munene, neikale tshikulu tshia nsubu mifue.

MUKANDA WA MYIDI MUKULU

¹ Badi bamanyisha malu adi atangila “Damase”. Nkushale amu matuku makese, Damase kakuikala kabidi tshimenga to. Bionsu bidimu nebibutuke.

Yeshaya 17:1 交叉引用

Zekâya 9:1

Dî dia Yehowa didi dihisha buloba bua Hadalaka, ne didi dishindamena Damaseke; bualu bua disu dia Yehowa didi dimona bantu bakuabo bu mudidi dimona bisamba bionso bia Bena Isalele;

Yeshaya 25:2

Bualu bua wakuyisha musoko munene dikolo, wakuvuisha musoko wa ngumbu ya nvita dibutuka, wakuyisha muaba mukole wa bantu ba bende hatuhu bua kawikadi musoko kabidi, ne kabena bawibaka kabidi tshiendelele.

Bienzedi 9:2

Wakamulomba mikanda ya kuya nʼai mu nsunagoga ya mu Damaseke bua kusuika basanganeye mu Nshila eu wa Nzambi, nasha balume nasha bakashi, ne bua kulueye nʼabo ku Yelushalema.

Mika 1:6

Bua malu â nenvuishe Samalea bu mushiki wa mabue mu budimi, bu madimi a kukuna tumuma tua nvinyo. Nembungulushe mabue andi mu tshibanda, nemmueneshe bishimikidi biandi hatoke tô.

Yirmeya 49:2

Nunku Yehowa udi wamba ne, Monai, mu matuku alualua nengunvuishe bantu mbila ya bena nvita badi baluisha bena Laba wa bana ba Amona; musoko eu neulue tshikulu, neboshe misoko yau idi mu ntshiamba ne kahia. Yehowa udi wamba ne, Bena Isalele nebangate buhianyi bua bakadi bangata buhianyi buabo diambedi.

Yeshaya 7:8

Bualu bua Damaseke udi mutu wa Sulia, ne Lesine udi mutu wa Damaseke; ne haleba bidimu makumi asambombo ne bitanu, Efelayima neahandike bihesa, bua kikadi tshisamba tshia bantu kabidi.

Genese 14:15

Abalama wakatahulula bantu bandi, wakatuangana nʼabo butuku, yeye ne bahika bandi bakabatamba bukole, wakabihata to ne ku Hoba, udi ku tshianza tshia bakashi tshia Damaseke.

Mika 3:12

Nunku bua bualu buenu nebabundulule Siona ne lukasu bu mudibo babundulula budimi; Yelushalema neikale bu mishiki ya mabue, ne mukuna wa ntempelo newikale bu mikuna ya muitu.

Yeshaya 37:26

Kuena muanze kunvua bu munakenza bualu ebu kale, ne bu m unaka dia njila kudihangidishilabu mu matuku a kale, anyi? Mpindiu nakuvuisha muanda eu, bua wewe Umanye mua kubutula misoko ya ngumbu bua kuluayi mishiki ya bintu bia tshianana.

Yeshaya 19:1

Di dia tshijila bualu bua Ejipitu. Monai, Yehowa udi wenda mubande ba ditutu didi diya lukasa, ne neafike ku Ejipitu. Mpingu ya mu Ejipitu neyizakale ku mpala kuandi, mitshima ya ba mu Ejipitu neyivingutuke munda muabo.

Yeshaya 15:1

Dî dia tshijila bualu bua Moaba. Bualu bua mu butuku bumue bakubutula Ala wa Moaba, bakuyisha Moaba bu muaba wa hatuhu; bualu bua mu butuku bumue bakubutula Kî wa Moaba, bakuyisha Moaba bu muaba wa hatuhu.

Yeshaya 13:1

Dî dia tshijila bualu bua Babulona diakunvuabo kudi Yeshaya, muana wa Amoza.

Yeshaya 10:9

Kaleno kawena bu Kâkemisha, anyi? Hamata kawena bu Apada, anyi? Samalea kawena bu Damaseke, anyi?

Yeshaya 8:4

Bualu bua diambedi muana eu kayi muanji kumanya mua kudila ne, Tatu wanyi, ne, Baba wanyi, biuma bia Damaseke ne bintu binyengibue mu Samalea nebiumushibue; nebaye nʼabi ku mpala kua mukelenge wa Ashû.

2 Kulondolola 28:23

Bualu bua yeye wakashihela nzambi ya mu Damaseke yakamubutula milambu; yeye wakamba ne, Bualu bua nzambi ya Bena Sulia yakabatatshisha, nunku nenyishihele milambu bua yoyo kukuatshisha meme. Kadi yoyo yakamulenduisha ne Bena Isalele bonso.

2 Kulondolola 28:5

Nunku Yehowa Nzambi wandi wakamufila mu bianza bia mukelenge wa Sulia; bakamubutula, bakaya ne bantu bandi ba bungi mu buhika ku Damaseke. Yeye wakafidibua mu bianza bia mukelenge wa Isalele; bakashiha bantu bandi ba bungi.

2 Bakalenga 16:9

Mukelenge wa Ashû wakamunvuila; mukelenge wa Ashû wakaya kuluangana ne musoko wa Damaseke, wakaunyenga, wakaya ne bantu ku Kî mu buhika; wakashiha Lesinyi kabidi.

Genese 15:2

Abalama wakamba ne, Mukelenge Yehowa, wewe neumpe tshintu kai, bualu bua meme tshiena ne muana, ne muhianyi wa bintu bianyi udi Elieze, muena Damaseke?

1 Kulondolola 18:5

Hakafuma Bena Sulia ku Damaseke bua kukuatshishabo Hadadezê, mukelenge wa Zoba, Davidi wakashiha Bena Sulia binunu makumi abidi ne bibidi.

1 Bakalenga 11:24

Yeye wakadisangisha bantu kudiye, wakalua kapitene kabo, bakabashiha Davidi mu Soha; hashishe, bakaya ku Damaseke, bakashikamamu, ne yeye wakakokesha mu Damaseke.

Dielulula 13:16

Nenusangishe bintu bionso bia musoko mu musesu, nenuoshile Yehowa, Nzambi wenu, musoko ne bintu ebi bionso; musoko eu newikale musasula tshiendelele, kabena bawasaku kabidi.

Yeshaya 7:16

Bualu bua diambedi muana eu kayi muanze kumanya mua kubenga malu mabi ne mua kusungula malu makane, buloba bua bakelenge aba babidi baudi utamba kutshina nebushale dikolo.