Yeshaya 14:25 - Mukanda wa Nzambi Dihungila Dikulukulu ne Dihungila Dihia-dihia 2003

²⁵ mbua kutshibula Muena Ashû bituha mu buloba buandi, nemmudiate muinshi mua makasa anyi ha mutu ba mikuna yanyi; hashishe, mutshi wandi wa tshikokedi neûmushibue ba nshingu ya bantu banyi, ne bujitu buandi nebûmuke ha maha abo.

MUKANDA WA MYIDI MUKULU

²⁵ Nenyangakaje bukole bua bena Ashure, mu buloba buanyi meme. Nembudiatakaje pa mikuna yanyi. Nenjikije tshinyangu, tshidibu banyanga natshi bantu banyi. Nengumushe bujitu bunene, budibu babambuishe.”

Yeshaya 14:25 交叉引用

Yeshaya 9:4

Bualu bua wewe wakutshibula mutshi wa tshikokedi wakadi bujitu buabo, ne mulangala wakadi ututa diaha diandi, ne tshibonge tshia mukengeshi wandi, bu muwakenza mu dituku diakahitabo Bena Midiyana bukole.

Nahume 1:13

Mpindiu nentshibule mutshi wandi wa tshikokedi udi ha nshingu hebe, nenkose mionshi yebe bituha.

Yeshaya 14:5

Yehowa wakutshibula mulangala wa bantu babi, dikombo mene dia bakokeshi,

Yezekiyele 39:4

Wewe neuhone ha mikuna ya mu Isalele, wewe ne bisumbu biebe bionso bia masalayi, ne bantu bonso badi nʼebe; nenkufile kudi nyunyu ya mishindu yonso idi idia munyinyi, ne kudi nyama ya mu mpata bu bia kudia biai.

Yeshaya 10:12

Kadi halua Mukelenge kushikisha mudimu wandi wonso udiye wenzela mukuna wa Siona ne musoko wa Yelushalema, yeye neakengeshe bienzedi bia mu mutshima wa diambu wa mukelenge wa Ashû, neuhuekeshe butumbi bua kudilesha kuandi.

Yeshaya 33:1

Mulau wikale kûdi, wewe udi ubutula, ne kabakubutula; udi mutungidianganyi wa tshitungu kadi kabena banze kukutungila wewe tshitungu. Hawamana kulekela kubutula bakuabo, nebakubutule wewe; hawamana kutungila bantu bakuabo tshitungu, nebakutungile wewe tshitungu.

Yeshaya 52:2

Umuke mu dinfuenkenya, uditutule hamʼbidi hebe; juka, shikama mu nkuasa wa bukelenge, wewe Yelushalema; udisululuile nkanu idi ha nshingu hebe, wewe muana mukashi muhika wa Siona.

Mika 5:6

Nebabutule buloba bua Ashû ne muele wa nvita, ne buloba bua Nimeloda tô ne ku bibuelelu biabu. Yeye neatuhandishe kudi Muena Ashû halueye mu buloha buetu, hadiateye ku mikalu yetu.

2 Kulondolola 32:21

Yehowa wakatuma muanjelo wandi, nguakashiha bena bukitu ne tupitene ne bakadi ku mutu kua Bena Ashû mu tshitudilu tshia mukelenge wa Ashû. Nunku yeye wakahingana ku buloba buandi ne bundu ku mesu. Hakabueleye ku nsubu wa nzambi wandi, bana bandi mene bakahatuka munda muandi, bakamushiha ne muele wa nvita.

Yezekiyele 32:22

Ashû udiku ne bantu bandi bonso, nkita yabo idi minyunguluke lukita luandi, buonso buabo badi bashihibue, bashihibue ku muele wa nvita.

Mika 5:5

Yeye eu neikale ditalala dietu. Halua Muena Ashû mu buloba buetu, hadiateye mu nsubu ya bakelenge betu, hashishe, nembishe balami ba mikoko muanda mutekete ne bakokeshi muanda mukulu munkatshi mua bantu bua kumuihata.

Zekâya 10:11

Yehowa neahite mu mai manene a ntatu, neatute mavuala a mai manene, ndondo yonso ya musulu wa Nile neyikame. Nebahuekeshe kudibandisha kua Ashû, ne dikombo dia bukelenge dia Ejipitu nediumukemu.