Sefanya 2:2 - Mukanda wa Nzambi Dihungila Dikulukulu ne Dihungila Dihia-dihia 2003

² diambedi mukenji kauyi muanze kukola, diambedi dituku kadiyi dianze kuhita luhilu bu mudi bisote bihehuka, diambedi tshiji tshikole tshia Yehowa katshiyi tshianze kufika kunudi; diambedi dituku dia tshiji tshia Yehowa kadiyi dianze kufika kunudi.

MUKANDA WA MYIDI MUKULU

² kanuyi banji kutangalaka, mudi bisote bitangalaka dituku dimue. Nukudimune mioyi yenu, tshiji tshia Maweja-Nangila tshikuata kapia katshiyi tshianji kufika kunudi, dituku didiye ulumbuluisha bantu kadiyi dianji kusemena pabuipi.

Sefanya 2:2 交叉引用

Nahume 1:6

Udi mua kuimana ku mpala kua tshiji tshiandi nganyi? Udi mua kukolela njiya yandi nganyi? Tshiji tshiandi tshikole tshidi tshitema bu kahia, ne yeye udi uhanda mabue.

Osheya 13:3

Bua muanda eu nebikale bu ditutu dia lunkelu, ne bu mume udi ukama lukasa, bu bisote bidi nvunde uhehula ku tshishihuidi, anyi bu muishi wa kahia udi uhatuka mu dididishi.

Muadi 4:11

Yehowa wakabakengesha tô ne hakashika tshiji tshiandi, wakahumuna tshiji tshiandi tshitambe bukole; wakatemesha kahia mu Siona, kakosha bishimikidi biandi.

Yeshaya 17:13

Ba mu bisamba bia bantu badi mua kuenda lubilu bu dihueka dia lukasa dia mai a bungi, kadi Yehowa neababele, ne nebanyeme kule, nebihatshibue bu mudi bisote bia ku tshituilu tshia ha mukuna bihehudibua halua luhehele, ne bu mudi luhuishi lunyunguluka ne nvunde.

Misambu 1:4

Bantu babi kabena nunku nansha, kadi badi bu bisote bidi luhehele luhehula.

Sefanya 3:8

Nunku Yehowa udi wamba ne, Nungindile, tô ne ku dituku dindi mbika bua kunyenga bintu; hualu bua nakuhangidisha bua kusangisha bisamba bia bantu, bua kukungisha makelenge, bua meme kuhumuna tshiji tshianyi hamʼbidi habo, kahia konso ka tshiji tshianyi mene; bualu bua buloba buonso nebulue mu kahia ka lukunukunu luanyi.

Sefanya 1:18

Biamu biabo, nansha bia argent, nansha bia or, kabiena mua kubahandisha mu dituku dia njiya ya Yehowa; kadi buloba buonso nebuhie ku kahia ka mukau wandi. Bualu bua neabutule bantu bonso badi bashikame ha buloba ne dibutula didi dikuatshisha bantu buowa.

Yobe 21:18

Misangu ya bungi idibo bu bisonsa ku luhehele, ne bu bisote bidi nvunde uhehula?

Matayi 24:35

Diulu ne buloba nebijimine, kadi mei anyi kêna ajimina.

Yezekiyele 12:25

Bualu bua meme Yehowa nengambe dî dianyi, ne dî dindi ngamba nedijadikibue, kadiena dijanguluka kabidi. Bua mu matuku enu, nuenu ba mu diku dia bantombokedi, nengambe dî dianyi, nendimane; â mmei adi Mukelenge Yehowa wamba.

Yirmeya 23:20

Tshiji tshia Yehowa katshiena tshikudimuka tô ne hashikisheye kuenza malu onso akuhungeye mu mutshima wandi. Mu matuku alualua ku mpala nenujingulule bualu ebu bimpe.

Misambu 50:22

Telejai matshu enu ku dî edi, nuenu badi bahua Nzambi muoyo, bua meme tshinuhandi bihesa bihesa, kakuena wa mua kunuhandisha!

Misambu 2:12

Nuluangane mishiku ne muana wandi wa balume, bua yeye kikadi ne tshiji, ne bua nuenu kanujiminyi mu nshila. Bualu bua tshiji tshiandi tshidi tshitemeshibua lukasa. Disanka didi kudi bonso badi bamueyemena!

Yirmeya 4:4

Nuditengule bua kudijidila kudi Yehowa, numushe misoso ya ku mitshima yenu kabidi, nuenu bantu ba mu Yuda ne badi bashikame mu Yelushalema; bua tshiji tshianyi katshihatuki bu kahia, katshilu bu kahia kadi muntu kayi mua kujima, bualu bua bubi bua bienzedi bienu.