Rome 8:35 - Mukanda wa Nzambi Dihungila Dikulukulu ne Dihungila Dihia-dihia 2003

³⁵ Udi mua kutuhandulula ku dinanga dia Kilisto nganyi? Ntatu idi mua kuenza nunka, anyi kanyinganyinga, anyi tshinyangu, anyi tshiole, anyi butaka, anyi njû, anyi muele wa nvita?

MUKANDA WA MYIDI MUKULU

³⁵ Udi mua kutupandulula kudi Kristu udi utunanga nnganyi? Makenga, dipampakana, tshinyangu tshia kudi bantu, nzala, bulanda, njiwu, lufu, bidi mua kutupandulula kudiye anyi?

Rome 8:35 交叉引用

Yowanane 10:28

ndi nyiha muoyo wa tshiendelele; kayena ifua tshiendelele, kakuena mukuabo udi winyenga mu tshianza tshianyi.

Misambu 103:17

Kadi luse lujalame lua Yehowa ludi ku tshibangidilu tô ne kunshikidilu kudi badi bamunemeka. Buakane buandi budi kudi bana ba bana baledibue.

Yowanane 16:33

Nakunuambila malu â bua nuenu nuikale ne ditalala munda muanyi. Ha buloba nudi ne dikenga; kadi nukoleshe mitshima yenu; nakuhita ba ka buloba bukole.

2 Korente 4:17

Bualu bua dikenga dietu dikese dia tshituha tshihi didi ditamba kutuenzeshela bujitu bua butumbi bua tshiendelele musangu ne musangu;

Rome 8:39

kakuena bule, kakuena ndondo, kakuena tshintu tshionso tshikuabo tshifukibua tshidi ne bukole bua kutuhandulula ku dinanga dia Nzambi didi mu Kilisto Yesu Mukelenge wetu.

2 Timote 1:12

Bua muanda eu ndi nkenga makenga â kabidi, kadi bundu kabuena bunkuata ku mesu; bua ndi mumumanye yeye unakuitabusha, ne nakuitabushishibua ne yeye udi ne bukole bua kulama tshintu tshianyi tshiteka tô ne dituku diadia.

1 Korente 4:11

Tô ne ku diba edi tudi ne nsala, tudi ne nyota, tudi ne butaka, tudi tukumibua, katuena ne muaba wa kushindama;

Rome 8:17

Ne bituikala bana, tudi bahianyi kabidi; bahianyi ba Nzambi, ne bahianyi tshiahamue ne Kilisto: bituakenga nʼandi, mbua tuetu tutumbishibue nʼandi.

Yirmeya 31:3

Yehowa wakamueneka kundi kale, wamba ne, Nakukunanga ne dinanga dia tshiendelele, nunku nakunanukila kukulesha luse lujalame.

Yowanane 13:1

Diambedi disanka dia Kuhita kua Yehowa kadi dianze kulua, Yesu wakamanya ne, Diba dianyi dia kumuka ha buloba bua kuya kudi Tatu diakufika, yeye mumane kusua bandi mene bakadi ha buloba, wakabasua tô ne kunshikidilu.

2 Tesalonike 2:16

Mukelenge wetu Yesu Kilisto muine ne Nzambi Tatu wetu, wakatunanga ne wakatuha busambi bua tshiendelele ne ditekemena dimpe bua ngasa,

Bienzedi 14:22

benda bakolesha mioyo ya bayidi, babasengelela ne, Nushale mu ditabusha dienu; bua tuetu kubuela mu bukelenge bua Nzambi, anu hawahitshila mu makenga a bungi.

Didimanyisha 1:5

ne kudi Yesu Kilisto, mumanyishi wa kueyemena, muledibue diambedi wa ku bafue, ne mukokeshi wa bakelenge ba ha buloba. Kudi yeye udi utunanga, ne wakatuvua ku mibi yetu mu mashi andi mene;

Musambu wa Solomo 3:4

Hanakumuka kudibo, nakaya anu tshituha, nakasangana udi mutshima wanyi munange; nakamukuata bikole, tshiakamulekela tô ne hanakalua nʼandi mu nsubu wa mamu wanyi, mu nsubu mene wa wakandela.

Rome 2:9

Dikenga ne kanyinganyinga nebikale kudi muntu yonso udi wenzenza malu mabi, kudi Muena Yuda diambedi ne kudi Muena Gelika kabidi.

Rome 8:37

Nasha; mu malu â onso tudi tutamba kuhita bualu bua bukole bua Yesu wakatunanga.

1 Korente 4:12

tudi tuenza mudimu mukole, tûenza ne bianza bietu; hatuhendabo, tudi tubavuidishila disanka; hatuikala ne makenga, tudi tudikankamika;

2 Korente 4:8

bakatutshintshimika ku nseke yonso, kadi katuena mu muaba mubumbakane; tudi tulubakana, kadi katuena banze kuteketa;

2 Korente 4:9

tuakuihatshibua, kadi katuena tulekedibua ha nkayetu; tuakukumibua hanshi, kadi katuena tushihibua;

2 Korente 12:10

Nunku ndi ne disanka mu matekete ne mu bihendu ne mu malu adi angenzesha ku bukole ne mu makenga ne mu kanyinganyinga bua bualu bua Kilisto; bua hangikala mutekete, mpandi ne bukole.

Efeze 3:19

ne bua kumanya mudi dinanga dia Kilisto didi ditamba lungenyi lua bantu kudimanya, bua nuenu nûla tente ne tshiuwidi tshionso tshia Nzambi.