Rome 8:27 - Mukanda wa Nzambi Dihungila Dikulukulu ne Dihungila Dihia-dihia 2003

²⁷ Nzambi, udi ukeba mu mitshima ya bantu, udi mumanye meshi a Nyuma ne, Udi Wakuila basanto bu mudi Nzambi musue.

MUKANDA WA MYIDI MUKULU

²⁷ Mvidi Mukulu udi utangila mu mioyi ya bantu, udi ujingulula bidi Mueyelu wa Tshijila musue kulomba. Bualu Mueyelu udi wakuila bantu ba Mvidi Mukulu mushindu udi Mvidi Mukulu musue.

Rome 8:27 交叉引用

Yirmeya 17:10

Meme Yehowa, ndi ntangila meji a muntu, ndi nteta malu adi mu mutshima bua kufuta muntu yonso bu mudi bienzedi biandi, ne bu mamuma a bienzedi biandi.

Efeze 2:18

bua bualu buandi bubidi buetu tudi ne ha kubuelela kudi Tatu mu Nyuma umue.

Rome 8:34

Udi ubahisha nganyi? NKilisto Yesu mene wakafua, E, bulelela, wakabishibua ku lufu, udi ku tshianza tshikole tshia Nzambi, udi utuakuila kabidi.

Bienzedi 1:24

Bakatendelela Nzambi bambe ne, Wewe, Mukelenge, ngudi mumanye mitshima ya bantu bonso, utuleshe wa babidi aba umue uwakusungula,

1 Kulondolola 28:9

Wewe, muanʼanyi Solomo, Umanye Nzambi wa tatuʼebe, umukuatshile mudimu ne mutshima mutoke ne didikokela kudiye; bualu bua Yehowa udi ukebakeba mitshima ya bantu bonso; udi ujingulula meji onso adibo bela munda muabo; biwamukeba, neumuhete; kadi biwamulekela, yeye neakuhidie tshiendelele.

Nsumuinu 17:3

Luesu ludiku lua kulengesha tshiamu tshia argent, tshikutu tshidiku tshia kulengeshila tshiamu tshia or; kadi Yehowa udi uteta mitshima.

Bienzedi 15:8

Nzambi mumanyi wa mu mitshima, wakabavidila, wakabaha Nyuma Muimpe bu muakutuheye bietu:

Misambu 44:21

Nzambi kena ukeba bualu ebu bua kubusokolola, anyi? Bualu bua yeye udi mumanye meji adi masokoka mu mutshima.

1 Tesalonike 2:4

kadi bu muakatujadikabo kudi Nzambi bila kutekeye lumu luimpe mu bianza bietu, ke mutudi tuamba; kembu mutudi tusankisha bantu, kadi bu mutudi tusankisha Nzambi udi uteta mitshima yetu ne idi mimpe.

Matayi 6:8

Kanuikadi bu bobo; bualu bua Tatu wenu udi mumanye binudi nʼabi bualu diambedi kanui banze kumulomba.

Yirmeya 20:12

Wewe Yehowa wa misumba, udi uteta buakane bua bantu, udi umona mutshima ne meji, witabushe bua meme ntangile kusombuela kuebe kubakuata, bualu bua nakukusokoluela tshilumbu tshianyi.

Yirmeya 11:20

Kadi Yehowa wa misumba udi ne kulumbulula kuakane, udi uteta mutshima ne meji bia muntu, nentangile busombuedi buebe hamʼbidi habo, bualu bua nakuteka bualu buanyi mu bianza biebe.

Didimanyisha 2:23

Nenfuishe bana bandi ne lufu, ne ekelesia yonso neimanye ne meme nyeye udi uteta meshi ne mitshima; ne nempe kudi muntu ne muntu wa munkatshi muenu difutu bu mudi midimu yandi.

Yowanane 14:13

Nengenze malu onso anualomba mu dina dianyi, bua Tatu atumbishibue bua Muana.

Luke 16:15

Yeye wakabambila ne, Nuenu nutu nuadibingisha ku mesu kua bantu, kadi Nzambi udi mumanye mitshima yenu; tshintu tshidi tshitumba ku mesu kua bantu tshidi tshinyanguka ku mesu kua Nzambi.

Misambu 7:9

Bubi bua bantu babi bushike, kadi ujadike bantu bakane; bualu bua Nzambi muakane udi uteta meji abo ne mitshima yabo.

Yakobe 5:16

Nunku nutondelangane mibi yenu, nulombelangane Nzambi, bua nuenu mikoleshibue. Disengelela dia muntu muakane didi ne bukole bua bungi mu kuenza kuadi.

Ebrewu 4:13

Ne kakuena tshintu tshifukibua tshidi katshi tshimueneshibua ku mesu kuandi, kadi bintu bionso bidi butaka ne bibuluka ku mesu kua utudi nʼandi ne bualu.

Rome 8:6

Bualu bua meshi mateka ku malu a mubidi adi lufu, kadi meshi mateka kudi Nyuma adi muoyo ne ditalala.

Misambu 38:9

Mukelenge, malu onso andi musue adi ku mpala kuebe; kuhumuna kuanyi kakuena kusokokibua kûdi.

1 Kulondolola 29:17

Nzambi wanyi, ndi mumanye kabidi ne wewe udi uteta mitshima ya bantu, udi usanka mu butoke bua mutshima. Meme nakudifidila bintu ebi bionso mu butoke bua mutshima wanyi; nakumona bantu bebe bonso badi kunoko badifidila bintu biabo ne disanka.

Yowanane 21:17

Wakamukonka tshiakasatu ne, Simona wa Yona, udi munsue, anyi? Mutshima wa Petelo wakanyingalala bua yeye wakamukonka tshiakasatu ne, Udi munsue, anyi? Wakamuambila ne, Mukelenge, wewe udi mumanye malu onso; udi mumanye ne, Ndi mukusue. Yesu wakamuambila ne, Udishe mikoko yanyi.

Misambu 139:1

Yehowa, wewe wantangila munda muanyi, wakummanya!