Rome 8:20 - Mukanda wa Nzambi Dihungila Dikulukulu ne Dihungila Dihia-dihia 2003

²⁰ Bualu bua bifukibua biakatekibua ku nyima kua malu a hatuhu, kembualu bua kudisunguila kuabi, kadi bua Nzambi, wakabiteka muiku mu ditekemena edi ne,

MUKANDA WA MYIDI MUKULU

²⁰ Bualu bifukibua mbibuele ku bumfumu bua bidi kabiyi mua kubilengelela. Bifukibua kabivua binanga bua bienzeke nanku. Kadi Mvidi Mukulu mmubiteke nanku. Kadi ditekemena ditshidiku:

Rome 8:20 交叉引用

Genese 5:29

wakamuidika dina ne, Noa, wakamba ne, Yeye neatusambe mu mudimu wa bianza bietu, bualu bua buloba buakedibua mulau kudi Yehowa.

Rome 8:22

Bualu bua tudi bamanye ne. Bifukibua bionso bidi bitua mikemu hohamue ne bidi bidinyenga hohamue tô ne katataka.

Yirmeya 12:4

Buloba nebuase muadi, ne midioko ya buloba buonso neyifubidile musangu bule bishi? Bua bubi bua bantu badi bashikamemu nyama ne nyunyu yakûmushibua ha buloba; bualu bua bantu aba badi bamba ne, Nzambi kena umona kunshikidilu kua malu etu.

Osheya 4:3

Bua mianda yaya buloba budi buasa muadi, ne bantu bonso badi bashikamemu badi batekete, ne nyama ya mu mpata ne nyunyu ya mu diulu bidi bitekete muomumue; minyinyi ya mu mai kabidi idi ifua.

Muambi 1:2

Muambi udi Wamba ne, Malu a hatuhu, malu a hatuhu! Malu onso adi hatuhu.

Genese 6:13

Nzambi wakambila Noa ne, Kunshikidilu kua bantu bonso kuakufika ku mpala kuanyi bualu bua buloba budi bûle tente ne mayoyo bualu buabo, mona, nembajimishe ne buloba hamue.

Yowele 1:18

Monai mudi bimuna bitua mikemu! Bisumbu bia ngombe bidi biendakana eku ne eku, bualu bua kabiena ne mashinde; e, bisumbu bia mikoko kabidi bidi bikenga.

Yirmeya 12:11

Bakuluvuisha bu muaba wa hatuhu, buloba budi bushala butuhu budi budila kundi; buloba buonso buakuvuishibua butuhu, bualu bua kakuena muntu udi uteka bualu ebu mu mutshima wandi.

Misambu 39:5

Mona, wakunvuisha matuku anyi bu ntanta ya tshianza mu tshidikishilu tshiau, ne hidimu bia muoyo wanyi bu tshintu tshia hatuhu ku mesu kuebe. Bulelela, muntu yonso hadiye wimana mujalame udi anu bu muhuya.

Rome 8:24

Bua tuakasungidibua mu ditekemena; kadi ditekemena didibo bamona ku mesu kanditekemena; bualu bua muntu kai udi utekemena bidiye umona ku mesu?