Rome 7:24 - Mukanda wa Nzambi Dihungila Dikulukulu ne Dihungila Dihia-dihia 2003

²⁴ Ka meme muena majia! Wansulula ku mubidi wa lufu elu, nganyi?

MUKANDA WA MYIDI MUKULU

²⁴ Ndi muena dikasa dibi. Udi mua kunsulula ku mubidi ewu udi umfikisha ku lufu nnganyi?

Rome 7:24 交叉引用

Rome 6:6

Tudi bamanye bualu ebu ne, Muoyo wetu mukulukulu wakashihibua nʼandi ku mutshi mutshiamakane, bua mubidi wetu wa bubi kujimishibua; bua tuetu katuikadi mu buhika bua bubi kabidi.

2 Timote 4:18

Mukelenge neampandishe ku midimu yabo yonso idi mibi, neansungile tô ne ku bukelenge buandi bua mu diulu; butumbi buikale kudiye ku bikondo ne ku bikondo. Amen.

Tite 2:14

Yeye wakadifila bua bualu buetu, bua kutuhikula ku malu mabi onso, ne bua kudilengeshila bantu badi mua kuikala bandi bine, bikala ne lukunukunu lua kuenza midimu mimpe.

Rome 8:2

Bualu bua mukenshi wa Nyuma wa muoyo wa mu Kilisto Yesu wakampikula ku mukenshi wa bubi ne wa lufu.

Misambu 102:20

bua kunvueye kutua kua mikemu kua bena lukanu, bua kusululeye bantu badi bamane kuhisha bua kufua,

Didimanyisha 21:4

Yeye neakuhule tshinsonshi tshionso ku mesu kuabo; ne lufu kaluena luikalaku kabidi; madilu kêna ikalaku kabidi, nasha muadi, nasha kanyinganyinga kabidi; malu a kumudilu akumuka.

Ebrewu 2:15

ne bua yeye ahikule bonso aba bakadi bakuatshibue mu buhika matuku onso a muoyo wabo bua ditshina diabo dia lufu.

Rome 8:26

Muomumue kabidi, Nyuma Muimpe kabidi udi ukuatshishangana nʼetu mu butekete buetu; bua katuena bamanye mua kulomba Nzambi bu mutudi nʼabu mbua kumulomba, kadi Nyuma muine udi utuakuila ne mikemu idi kayi mua kuambibua.

Rome 8:13

Bua binualonda malu a mubidi, nudi ne bualu bua kufua; kadi binuafuisha bienzedi bia mubidi kudi Nyuma, nenuikale ne muoyo.

Luke 4:18

Nyuma wa Nzambi udi hamʼbidi hanyi, Bualu bua yeye wakangela manyi ha mutu ne, Ambila bantu bahele lumu luimpe; Yeye wakuntuma ne, Ambila bena lukanu bualu bua dikohoka diabo, Ne bafofo bualu bua kutabasha kua mesu abo, Uhe badi batata budishikaminyi,

Misambu 72:12

Bualu bua neahandishe mukengedi wa bintu hadileye kudiye, neabandishe muntu muhele udi kayi ne mukuatshishi.

Kolose 2:11

unuakatengudibua munda muandi kabidi ne ditengula didi kadî dienjibua ne bianza mu diumusha dia malu a mubidi wa ha buloba, mu ditengula dia mu Kilisto.

Matayi 5:6

Badi ne nsala ne nyota ya buakane badi ne disanka bua bobo nebûkute.

Mika 7:19

Yeye neatufuile luse kabidi, neadiate malu mabi etu munda mua makasa andi. Wewe newele malu mabi abo onso mu ndondo wa mai manene.

Misambu 119:20

Muoyo wanyi udi muhandike bua dijinga dindi nʼadi ku kulumbulula kuebe kuakane misangu yonso.

Misambu 71:11

Badi bamba ne, Nzambi wakunulekela; numuihate, numukuate, bualu bua kakuena muntu wa kumuhandisha.

Misambu 6:6

Kutua kuanyi kua mikemu kudi kuntonda; butuku buonso ndi mpumuna binsonshi bu mai mu bulalu buanyi, ne mu kudila kuanyi ndi mbolesha bulalu buanyi.

1 Bakalenga 8:38

biakutendelela anyi biakutendekena muntu umue anyi Bena Isalele bonso, biamanya muntu yonso dikenga dia mutshima wandi, ne biolololeye bianza biandi ku nsubu eu;

Matayi 5:4

Badi badila badi ne disanka, bua bobo nebasambibue.

Yezekiyele 9:4

Yehowa mene wakamuambila ne, Hitshila mu musoko, munkatshi mua misesu ya Yelushalema mene, funda tshimanyinu ha mpala ha bantu badi bahumuna muoyo ne badi badila bualu bua malu a bundu adi bakuabo benza munkatshi muau.

Misambu 119:176

Nakuhambuka bu mukoko mujimine; ukebe muena mudimu webe, bualu bua tshiena mpua mikenji yebe muoyo.

Misambu 119:143

Dikenga ne kanyinganyinga biakunkuata, kadi mikenji yebe idi disanka dianyi.

Misambu 119:131

Nakubuela mukana muanyi bu tshibalubalu, nakuhuyakana, bualu bua nakujinga mikenji yebe.

Misambu 88:5

Udibo bashiya hatuhu munkatshi mua bafue, bu bantu bashihibue badi balala mu nkita, baudi kuyi uvuluka kabidi, kadi badi bumushibue ku tshianza tshiebe.

Misambu 38:2

Bualu bua mikete yebe yakubuela munda muanyi; tshianza tshiebe tshiakuhueka hamʼbidi hanyi bikole.

Rome 8:23

Kambiobio nkayabi bidi bienza nunku, hadi tuetu kabidi badi ne mamuma a kumudilu a Nyuma Muimpe, tuetu bine tudi tufua mikemu munda muetu, hatudi tuindila buhianyi buetu bua bana, mbuhikudibu bua mibidi yetu mene.