Rome 6:22 - Mukanda wa Nzambi Dihungila Dikulukulu ne Dihungila Dihia-dihia 2003

²² Kadi katataka hanuakahikudibua ku bubi, ne hanuakavuishibua bahika ba Nzambi, nudi ne mamuma enu a ku dijidila dienu, kunshikidilu kua malu au mmuoyo wa tshiendelele.

MUKANDA WA MYIDI MUKULU

²² Kadi lelu mbanupikule ku bubi. Nudi nukuatshila Mvidi Mukulu mudimu. Ke munudi bantu ba tshijila, badi benza bidi Mvidi Mukulu musue. Ku ndekelu nenupete muoyi wa tshiendelele.

Rome 6:22 交叉引用

1 Petro 2:16

bu badishikamine, kadi kembu badi bangata budishikaminyi buabo bu tshibuikilu tshia malu mabi; kadi mikale bu bahika ba Nzambi.

Rome 6:18

Hanuakahikudibua ku bubi, nuakavuishibua bahika ba buakane.

Rome 8:2

Bualu bua mukenshi wa Nyuma wa muoyo wa mu Kilisto Yesu wakampikula ku mukenshi wa bubi ne wa lufu.

Yowanane 8:32

nenumanye kabidi bualu bulelela, ne bualu bulelela nebunuhe budishikaminyi.

Ngalate 5:13

Bualu bua nuenu, bana betu, nuakabikidibua bua budishikaminyi; kadi nudimuke ne budishikaminyi buenu kabulu tshia kusankisha nʼatshi mubidi, kadi bualu bua dinanga dienu nukuatshilangane mudimu.

1 Korente 7:22

Bualu bua muntu mubikidibue mu Mukelenge hakadiye muhika udi muena budishikaminyi wa Mukelenge; nunku muntu mubikidibue hakadiye muena budishikaminyi udi muhika wa Kilisto.

1 Petro 1:9

nudi nuangata nshikidilu wa ditabusha dienu, nduhandu lua mioyo yenu.

Ngalate 1:10

Katataka ndi nkeba diakalengele kudi bantu anyi kudi Nzambi? Ndi nkeba mua kusankisha bantu, anyi? Bu meme ntshidi nkeba kusankisha bantu, tshiakadi kuikala muhika wa Kilisto.

Rome 6:14

Bualu bua bubi kabuena bunukokesha; bua kanuena munshi mua mikenshi, nudi munshi mua ngasa.

Yeshaya 54:17

kakuena tshielelu tshia nvita tshidibo batula bua kukuluisha nʼatshi tshidi mua kuikala ne diakalengele; wewe neutuishe ludimi luonso ludibo babandisha bua kukubanda nʼalu mu tshilumbu. Ebu mbuhianyi bua badi bakuatshila Yehowa mudimu, ne eku nkubingishibua kuabo kudi kufuma kundi.

Ngalate 5:22

Kadi mamuma a Nyuma adi dinanga, disanka, ditalala, lutulu, luse, buimpe, bunanukidi bua lulamatu,

Rome 7:4

Nunku, bana betu, nuenu kabidi nuakashihibua ku mikenshi bua mubidi wa Kilisto, bua nuenu kuikala kudi mukuabo, yeye mene wakabishibua ku lufu, bua tuetu tukuamine Nzambi mamuma.

Rome 6:21

Nunku mu tshikondo atshi nuakadi ne mamuma kai mu malu adi anufuisha bundu katataka? Bua kunshikidilu kua malu au ndufu.

Matayi 25:46

Bantu aba nebaye mu dikenga dia tshiendelele, kadi bantu bakane nebaye mu muoyo wa tshiendelele.

Danyele 3:26

Hashishe, Nebukadenesâ wakaya ha buihi ne mushiku wa tshikutu tshia kahia kakole, wakela dî ne, Shadalaka, Meshaka ne Abedenego, nuenu bantu ba Nzambi Mutambe Bunene wa mu diulu, hatukai, luai kunoku. Shadalaka, Meshaka ne Abedenego bakaluhuka munkatshi mua kahia.

Misambu 143:12

Mu luse luebe lujalame ujimishe badi nʼanyi lukuna, ubutule bonso badi batatshisha muoyo wanji; bualu bua ndi muena mudimu webe.

Tite 1:1

Meme Paulo, udi muhika wa Nzambi ne mupostolo wa Yesu Kilisto, bualu bua kuitabushisha bantu bakasungulabo kudi Nzambi, ne bua dimanya dia tshishiki dia bualu bulelela bua mu buimpe bua Nzambi,

Kolose 1:10

ne bua nuenu nuende mu bienzedi bidi biakanangane ne Mukelenge ku dimusankisha dionso, ne bua nuenu nukuame mamuma mu mudimu wonso muimpe, ne bua nuenu nudiundadiunde mu kumanya kuenu kua Nzambi;

Filipe 4:17

Kembua ndi nkeba kuha kuenu, kadi ndi nkeba mamuma adi avulangana ku dibadibua dienu.

Filipe 1:11

ne bua nuenu nûshibue tente ne mamuma a buakane adi afuma kudi Yesu Kilisto bua butumbi ne kutumbishibua bia Nzambi.

Efeze 5:9

(mamuma a munya adi malu mimpe onso ne malu makane ne malu malelela),

2 Korente 3:17

Mukelenge udi Nyuma, ne hadi Nyuma wa Mukelenge hadi budishikaminyi.

Rome 7:25

Ndi nsakidila Nzambi bua Yesu Kilisto Mukelenge wetu! Nunku meme hanyi ku meshi anyi ndi nkuatshila mikenshi ya Nzambi mudimu, kadi ku mubidi wanyi adi nkuatshila mukenshi wa bubi mudima.

Yowanane 15:16

Nuenu kanuakunsungula, nakunusungula, nakunujadika bua nuenu kuya kukuama mamuma ne bua mamuma enu ikale tshiendelele, bua tshintu tshionso tshinualomba Tatu mu dina dianyi yeye anuhetshi.

Yowanane 15:2

Ditamba dianyi dionso didi kadî dikuama mamuma, yeye neadiumushe, kadi ditamba dionso didi dikuama mamuma yeye neadilengeshe bua kukuamadi mamuma makuabo.

Yowanane 4:36

Udi unowa udi wangata difutu, udi usangisha bintu bia ku muoyo wa tshiendelele; bua mukunyi ne munowi basanke hohamue.

Matayi 19:29

Muntu yonso wakushia nsubu yandi, anyi bana babo balume anyi bana babo bakashi, anyi tatuʼandi, anyi baba wandi, anyi bana bandi, anyi madimi andi, bualu bua dina dianyi yeye neahete masanka misangu lukama matambe a diambedi, neahiane muoyo wa tshiendelele kabidi.

Matayi 13:43

Dituku diadia bantu bakane nebakenke bu diba mu bukelenge bua Tatu wabo. Udi ne matshu unvue biandi.

Matayi 13:40

Bu mudi bantu basangisha luhela bua kuluosha, bualu nebuikale nunku kunshikidilu kua tshikondo etshi.

Misambu 92:14

Nebakuame mamuma tô ne mu bununu buabo, nebikale mitshi miule tente ne mai ne idi mibishi tshiendelele,

Yobe 1:8

Yehowa wakakonka Satana ne, Wakumona muntu wanyi Yobo, anyi? Kakuena muntu mukuabo bu yeye ha buloba; bu mudiye muntu wa mutshima mutoke ne wa malu makane, udi utshina Nzambi ne udi wehuka ku malu mabi.

Dibadika 23:10

Udi mumanye mua kubala bana ba Yakoba nganyi? udi mumanye mua kubala tshituha tshinai tshia Bena Isalele nganyi? Nfue bianyi lufu lua muntu muakane, ne kunshikidilu kuanyi kuikale bu kuandi.

Genese 50:17

Nuenu nuambile Yosefe ne, Ulekelele bana benu mibi yabo ne malu mabi akakuenzelabo Hashishe tuetu tudi tukusengelela ne, Utubuikidile matomboka a bena mudimu ba Nzambi wa tatu webe Yosefe wdkadila hakamuambilabo mei a.

Didimanyisha 7:13

Ne umue wa bakulu wakangandamuna dî ungambila ne, Aba badi baluatshisha ne mayeka matoke badi banganyi ne bakafuma kudi kunyi?

Yakobe 1:1

Yakobo, muhika wa Nzambi ne wa Mukelenge Yesu Kilisto, kudi ba bisamba dikumi ne bibidi badi bena tshimuangi, ndi nuela muoyo.

Danyele 6:20

Hakafikeye ha buihi ne buina buakadi Danyele, mukelenge wakela dî dikole dia kanyinganyinga kudi Danyele, umuebesha ne, Danyele, mutendeledi wa Nzambi udi ne muoyo, Nzambi webe, ûdi utendelela ku dituku ku dituku, wakumanya mua kukusungila mukana mua nyama ya ntambue, anyi?

Misambu 86:2

Ulame muoyo wanyi, bualu bua ndi muntu udi munange Nzambi; wewe Nzambi wanyi, usungile muntu webe udi ukueyemena.

Kolose 4:12

Epafa, udi umue wenu ne muhika wa Kilisto Yesu, udi unutumina muoyo, udi utshinta bikole misangu yonso bua bualu buenu mu mitendelelu yandi, bua nuenu mijalame bakane tshishiki, ne bamanyishibue bimpe mu disua dionso dia Nzambi.

Ebrewu 12:14

Nukebe kuheta ditalala ne bantu bonso, ne kujidibua kudi muntu kai nʼaku kena mumanye mua kutangila Mukelenge.