Rome 3:28 - Mukanda wa Nzambi Dihungila Dikulukulu ne Dihungila Dihia-dihia 2003

²⁸ Nunku tudi tuamba ne, Muntu udi ubingishibua ku ditabusha, kenku kuenza kua mikenshi.

MUKANDA WA MYIDI MUKULU

²⁸ Bualu tudi tuitaba ne: Mvidi Mukulu udi ubingisha muntu bualu bua ditaba diende, ki mbua padiye ukumbaja mikenji nansha.

Rome 3:28 交叉引用

Tite 3:7

bua hatuabingishibua bua ngasa wandi, tuetu tumanye mua kuvuishibua bahianyi bu mudi ditekemena dia muoyo wa tshiendelele.

Ngalate 2:16

kadi ludi bamanye ne kakuena muntu wabingishibua bua kuenza kua mikenshi kadi anu ku ditabusha dia mu Yesu Kilisto; tuetu kabidi tuakitabusha Kilisto Yesu bua kubingishibua ku ditabusha dia mu Kilisto, kenku kuenza kua mikenshi, bualu bua kakuena muntu wabingishibua ku kuenza kua mikenshi.

Ngalate 3:24

Nunku mikenshi yakalua ndeshi wetu wa kutufikisha kudi Kilisto, bua tuetu tubingishibue ku ditabusha.

Ngalate 3:8

Bualu bua Mukanda wa Nzambi wakadianjila kumona ne, Nzambi neabingishe bantu ba bisamba bia bende ku ditabusha, wakadianjila kuambila Abalahama lumu luimpe ne, Bisamba bionso nebivudishibue disanka bua bualu buebe.

Yakobe 2:24

Nudi nutangila ne, Muntu udi ubingishibua ku kuenza kuandi, kena ubingishibua anu ku ditabusha.

Rome 3:26

Wakenza nunka bua kulesha buakane buandi mu tshikondo etshi, bua yeye kuikala muakane ne mubingishi wa muntu yonso udi witabusha Yesu.

Filipe 3:9

ne bua kunsanganabo munda muandi, tshi ne buakane buanyi budi bufume ku mikenshi, kadi ngikale ne buobu abu budi bua ditabusha dia mu Kilisto, buakane mene budi bufuma kudi Nzambi hangitabusha.

Rome 8:3

Bualu bua malu akadi mikenshi kayi ne kukole bua kuenza bua yakadi mitekete bua mibidi ya bantu, Nzambi, hakatumeye Muana wandi mene ne mubidi mufuane wa malu mabi, ne bua bualu bua bubi, wakahisha bubi mu mubidi;

Rome 4:5

Kudi muntu udi kai wenza mudimu wa mikenshi, kadi udi witabusha Nzambi udi ubingisha badi kabai benza malu andi, ditabusha diandi didi dibadibua bu buakane.

Efeze 2:9

kadiena difuma ku midimu, bua muntu kaditumbishi,

1 Korente 6:11

Bakuabo benu bakadi nunku; kadi nuakuvuibua, nuakajidibua, nuakabingishibua mu dina dia Mukelenge Yesu Kilisto, ne mu Nyuma wa Nzambi wetu.

Rome 5:1

Nunku bualu bua tuakabingishibua ku ditabusha, tuikale ne ditalala ne Nzambi bua Mukelenge wetu Yesu Kilisto.

Yowanane 6:40

Tatu wanyi udi musue muntu yonso udi utangila Muana, udi umuitabusha, ikale ne muoyo wa tshiendelele; ne meme nemubishe dituku dia kunshikidilu.

Yowanane 5:24

Bulelela, bulelela, ndi nuambila ne, Unvua dî dianyi, witabusha wakuntuma, udi ne muoyo wa tshiendelele, kena ulua ku tshilumbu, wakumuka mu lufu, wakubuela mu muoyo.

Yakobe 2:18

Bulelela, mukuabo neambe ne, Wewe udi ne ditabusha, ne meme ndi ne kuenza; undeshe ditabusha diebe ditahuluka ku kuenza ne meme nenkuleshe ditabusha dianyi ku kuenza kuanyi.

Yakobe 2:20

Kadi wewe, muntu wa hatuhu, udi musue kumanya ne, Ditabusha ditahuluka ku kuenza didi diatuka, anyi?