Obadya 1:7 - Mukanda wa Nzambi Dihungila Dikulukulu ne Dihungila Dihia-dihia 2003

⁷ Bonso bakadi bahunga nʼebe tshihungidi bakukuihata tô ne ku butshika bua buloba buebe, bakadi bashikama nʼebe talalâ diambedi bakukutungila tshitungu, bakukuhita bukole, bakadi badia bidia biebe bakukuteya. Wewe kuena ujingulula malu â.

MUKANDA WA MYIDI MUKULU

⁷ Bonsu banuvua batue nabu ndondu, mbanubenge. Badi banuipata mu ditunga dienu. Bavua balunda benu, badi banukuate ku bupika. Banuvua nudia nabu ku mesa, badi banuteya. Badi banuamba ne: ‘mBantu batatakane!’

Obadya 1:7 交叉引用

Misambu 41:9

Mulunda wanyi mene unakadi nʼandi ditalala ne unakeyemena, wakadi udia bidia bianyi wakuntua museba.

Yirmeya 49:7

Bualu bua Edome. Yehowa wa misumba udi wamba ne, Meji kaena mu Temana kabidi, anyi? Lungenyi lua bena meji babo luakufua, anyi? Meji abo onso akujimina, anyi.

Yirmeya 30:14

Bakunangi bebe bonso bakukuhua muoyo, kabena bakukeba kabidi; bualu bua nakukutaha mputa bu wa muena lukuna, nakukukengesha ne dikengesha dia muena lukuna udi kayi ne luse, bualu bua mibi yebe yakadi ya bungi, ne malu mabi ebe akuvulangana.

Yowanane 13:18

Tshiena nuamba buonso buenu; ndi mumanye banakusungula, kadi bualu ebu buakulua bua kushikisha dî diakafundabo ne, Utu wadia bidia bianyi wakuntua museba.

Osheya 13:13

Didinyenga didi dikuata mukashi udi wamba kulela nedibakuate mene, kadi bobo mbana ba balume badi kabayi ne meji: bualu bua tshikondo etshi kantshikondo tshia kujanguluka mu difu.

Muadi 1:19

Nakubikila banangi banyi, kadi bakundinga; bakuidi banyi ne bakulu banyi bakuhuola muoyo mu musoko, hakadibo bakeba bia kudia bua kukankamisha nʼabi mioyo yabo.

Yirmeya 38:22

Mona, nebahatule bakashi bonso badi bashala mu nsubu wa mukelenge wa Yuda, nebaye nʼabo kudi baminyampala ba mukelenge wa Babulona; bakashi aba nebambe ne, Balunda bebe baudi unanga bakundinga, bakukuhita bukole; mpindiu hamba makasa ebe kubuela mu bitotshi, badi bakukoma nyima.

Yirmeya 20:10

Bualu bua nakunvua kusonguela kua bantu ba bungi, buowa ku nseke yonso ne, Numunyoke, ne tuetu netumunyoke, mbu mudibo bamba kudi balunda banyi badi bansue, badi bakeba kumona kudishinda kuanyi; bumue yeye neitabushishibue, nênzeshibue ku bukole, netumuhite bukole, netudisombuele kudiye.

Yirmeya 4:30

Ne wewe, udibo banyange, newenze tshinyi? Nansha biwadiluatshisha ne bilulu bikunzubile, biwadilengesha ne bilenga bia or, biwalaba tukula ku mesu ebe, udi udilengesha hatuhu, bakunangi bebe badi bakuhetula, badi bakeba muoyo webe.

Yeshaya 27:11

Huma matamba a mitshi, nebâhule, ne bakashi nebalue, nebatemeshe nʼau kahia; bualu bua badi bantu badi kabayi ne lungenyi; nunku yeye wakabafuka kena ubafuila luse, wakabafuanyikisha kena ubalesha diakalengele.

Misambu 41:10

Kadi wewe, Yehowa, unfuile luse, umbishe kabidi; bua meme kumanya mua kubahingashila difutu diabo.

Osheya 7:11

Bena Efelayima badi bu nyunyu wa nkutshi muhote udi kayi ne lungenyi; badi bela dî diabo ku Ejipitu, badi baya ku Ashû.