Muambi 4:5 - Mukanda wa Nzambi Dihungila Dikulukulu ne Dihungila Dihia-dihia 2003

⁵ Muhote udi udikuata bianza, udi udidia mubidi wandi.

MUKANDA WA MYIDI MUKULU

⁵ Bushuwa, mupote udi kayi ukuata mudimu udi udifuisha ne nzala.

Muambi 4:5 交叉引用

Yeshaya 9:20

Mukuabo wakunyenga bintu ku luseke lua tshianza tshia balume ne wakashala ne nzala; bakuabo bakudia bintu ku luseke lua tshianza tshia bakashi, kadi kabakukuta; muntu yonso wakudia munyinyi wa muena mutumba nʼandi.

Nsumuinu 20:4

Muhote kena udima budimi tshikondo tshidi mashika a banga; nunku hakebeye bia kudia mu tshikondo tshia kunowa, kena ne tshintu.

Nsumuinu 13:4

Mufuba udi usamina muoyo, kena ubiheta, kadi muoyo wa muena disuminyina udi ûshibua tente ne diakalengele.

Yobe 13:14

Kakuena bualu; nensume munyinyi wanyi ku menu anyi, nenteke muoyo wanyi mu tshianza tshianyi.

Nsumuinu 12:27

Muntu mufuba kena ukuata tshidiye ulemba, kadi muena disuminyina neahete biuma bia mushinga mukole.

Nsumuinu 11:17

Muena luse udi wenzela muoyo wandi bimpe, kadi muena lukisu udi ukengesha mubidi wandi.

Muambi 10:12

Mei a mukana mua muena meji adi ne kalolo, kadi mishiku ya muhote neyimumine.

Nsumuinu 6:9

Wewe, mufuba, neulale hanshi musangu bule munyi? Neujuke bua kutabala ku tulu tuebe diba kai?