Muambi 3:17 - Mukanda wa Nzambi Dihungila Dikulukulu ne Dihungila Dihia-dihia 2003

¹⁷ Nakamba mu mutshima wanyi ne, Nzambi nealumbuluishe bantu bakane ne bantu babi; bualu bua malu onso ne midimu yonso bidi ne tshikondo tshiabi.

MUKANDA WA MYIDI MUKULU

¹⁷ Mvua muele meji mu muoyi wanyi ne: Mvidi Mukulu nealumbuluishe muntu muimpe bu mudiye ulumbuluisha muntu mubi, bualu tshintu tshionsu tshidi tshienzeka tshikondu tshiatshi, kabidi malu onsu atudi tuenza Mvidi Mukulu mmuamone.

Muambi 3:17 交叉引用

2 Korente 5:10

Bualu bua butudi nʼabu mbua kumueneshibua buonso buetu ku mpala kua tshilumbuluidi tshia Kilisto, bua muntu ne muntu kuangateye bintu bia mu mubidi wandi bu muakenzenzeye, nasha malu mimpe nasha malu mabi.

Muambi 12:14

Bualu bua Nzambi nealumbulule mudimu wonso ne bualu buonso busokoka, nansha buimpe nansha bubi.

Matayi 16:27

Muana wa muntu nealue mu butumbi bua Tatu wandi ne banjelo bandi; dituku adi neafute muntu yonso bu muakenzenzeye.

Muambi 3:1

Bualu bua tshintu tshionso tshidi ne tshikondo tshiatshi, ne bualu buonso budi ne diba diabu muinshi mua diulu kabidi:

Muambi 11:9

Wewe nsongalume, usanke mu bunsongalume buebe, mutshima webe akusankishe mu matuku a bunsongalume buebe; wende mu nshila yonso idi mutshima webe musue ne idi mimpe ku mesu kuebe; kadi Umanye biebe ne, Nzambi neakulumbuluishe bua malu au onso.

Misambu 98:9

ku mpala kua Yehowa; bualu bua udi ulua kulumbuluisheye ba ha buloba. Nealumbuluishe ba ha buloba ne buakane, nealumbuluishe bantu ne kulumbulula kuakane.

Genese 18:25

Bualu ebu kabuikadi kudi bua wewe kuenza nunku bua kushiha bantu bakane ne bantu babi hohamue, biwenza nunku bantu bakane nebikale muomumue ne bantu babi, bualu ebu kabuikadi kûdi, Mulumbuluishi wa buloba buonso katu wenza bimpe, anyi?

Didimanyisha 20:2

Yeye wakakuata dragon, nyoka au wa kale, udi diabolo ne Satana, wakamusuika bidimu tshinunu,

Didimanyisha 11:18

Ne ba mu bisamba bakadi ne tshishi, ne tshishi tshiebe tshiakalua, ne tshikondo tshia kulumbuluisha bafue tshiakalua, ne tshikondo tshia kufila bukenshi kudi bahika bebe, baprofete, ne kudi basanto, ne kudi badi batshina dina diebe, bakese ne banene; ne tshia kubutula badi babutula buloba.

1 Korente 4:5

Nunku nulekele kulumbulula malu ku mpala kua tshikondo atshi, tô ne halua Mukelenge, neasokolole biandi malu masokoka a midima hatoke, neamueneshe biandi meshi a mu mitshima; hashishe butumbi bua kudi Nzambi nebuikale kudi muntu ne muntu.

Bienzedi 17:31

bua yeye wakasungula dituku didiye ulumbuluisha ba ba buloba mu buakane kudi muntu wakasunguleye. Yeye kabidi wakaha bantu bonso ditabusha dia bualu ebu, bua yeye wakamubisha ku lufu.

Bienzedi 1:7

Yeye wakabambila ne, Kumanya kua bikondo ne bidimu biakusungula Tatu mu bukokeshi buandi kambualu buenu.

Yowanane 5:22

Tatu kena ulumbuluisha muntu, kadi yeye wakuha Muana bulumbuluishi buonso,

Danyele 12:9

Yeye wakamba ne, Danyele, ya biebe; bualu bua mei â adi masokoka ne adi mateka tshimanyishilu tô ne halua tshikondo tshia kunshikidilu.

Danyele 12:4

Kadi wewe, Danyele, lama mei a, uteke tshimanyishilu ku mukanda eu, bishale nunku tô ne ku tshikondo tshia kunshikidilu. Ba bungi nebatambakane, lungenyi neluvulangane.

Danyele 11:40

Mu matuku a kunshikidilu mukelenge wa ku Sude neamubunde; mukelenge wa ku nôde nealue kumuluisha bu nvunde, muikale ne makalu a nvita ne badi benda ha nyima ha tubalu tua nvita ne mu matu a bungi; neabuele mu matunga a bungi, uhita bu mudi musulu wa mai uhasalala.

Muambi 8:6

Bualu buonso budi ne tshikondo tshiabu ne ngenzelu wabu; dikenga dia muntu didi dimunemena bujitu;

Muambi 2:1

Nakambila mutshima wanyi ne, Tuye bietu, nenkutete ne masanka; nunku usanke biebe. Monai, buakadi hatuhu kabidi.

Muambi 1:16

Nakamba mu mutshima wanyi ne, Nakuheta lungenyi lua bungi, muhite bonso bakadi ku mpala kuanyi mu Yelushalema; bulelela, mutshima wanyi wakajingulula meji a bungi ne lungenyi lua bungi.

1 Tesalonike 5:1

Kadi bana betu, bua bikondo ne bidimu kanuena ne bualu bua muanda wabi ufundibue kunudi.

Misambu 96:13

ku mpala kua Yehowa, bualu bua yeye udi ulua, bua udi ulua bua kulumbuluisheye ba ha buloba. Nealumbuluishe ba ha buloba bu mudi buakane buandi, nealumbuluishe bukua bantu bu mudi lulamatu luandi lua bushuwa.