Muambi 12:4 - Mukanda wa Nzambi Dihungila Dikulukulu ne Dihungila Dihia-dihia 2003

⁴ ne bibi bionso bia ku misesu bidi binshila; tshiona tshia dihela dia manvua tshidi tshitekete; muntu neajuke anu bua muadi wa nyunyu; bana ba bakashi bonso, bimbi ba misambu, nebahungile;

MUKANDA WA MYIDI MUKULU

⁴ Matshi ebe kaakumvua kabidi mutoyi wa mu njila, nansha muadi wa tshiamu tshidi tshipelesha bukula, nansha muadi wa nyunyi, nansha misambu idi bantu bimba.

Muambi 12:4 交叉引用

Yirmeya 25:10

Nembumushile dî dia tuseku, dî dia disanka, dî dia mubaki wa mukashi ne dia mukashi muena dibaka, ne tshiona tshia mabue a mpelu ya blé ne dinkenke dia muinda.

2 Samuele 19:35

Lelu eu bidimu bianyi bidi makumi muanda mukulu; ndi mumanye mua kujingulula ne bidi bimpe ne bidi bibi, anyi? Muntu webe udi mumanye mua kulabula bintu bidiye udia ne bidiye unua, anyi? Ntshidi kabidi mua kunvua mei a balume anyi bakashi himbabo misambu, anyi? Muntu webe udi ne bua kuikala bujitu kudi mukelenge wandi bua tshinyi?

Didimanyisha 18:22

Kabena bunvua dî dia bimbi ba nkombe ne dia bena misambu ne dia bedi ba nshiba ne ba mpungi munkatshi muebe kabidi tshiendelele; kabena basangana nsende, nasha wa mushindu wonso, munkatshi muebe kabidi tshiendelele; kabena bunvua tshiona tshia mpelu munkatshi muebe kabidi tshiendelele,

Yeshaya 47:2

Angata mpelu ya mabue, hela nʼai bukula; umushe tshilulu tshidi tshikudika ku mpala, uvule tshilulu tshiebe tshile hamʼbidi hebe, uvule tshilulu tshia ku mikolo yebe, uhitshile mu misulu.

Yobe 41:14

Muntu kai udi mua kubuela mu mbanga yandi? Muntu kai udi mua kubulula mukana muandi? Kunyunguluka kua menu andi kudi buowa bukole.