Muambi 12:11 - Mukanda wa Nzambi Dihungila Dikulukulu ne Dihungila Dihia-dihia 2003

¹¹ Mei a bena meji adi bu misongolo; adi masangishibue bu misumadi mikumine bikole kudi mulami umue.

MUKANDA WA MYIDI MUKULU

¹¹ Bualu miaku ya bantu ba meji idi bu misongolu idi balami baludika nayi mikoku, idi bu ndami idi isuikakaja malu adi muntu mumanye. Miaku eyi mmifume kudi Mvidi Mukulu. Yeye udi mulami umuepele buetu bonsu.

Muambi 12:11 交叉引用

Ebrewu 4:12

Bualu bua dî dia Nzambi didi ne muoyo ne bukole, didi dihita muele wonso musakisha nseke ibidi kutua, didi ditubula tô ne ku dihandulula dia muoyo ne nyuma, ne dia manungu ne buongo bua mikuha, didi dijingulula lukasa meshi ne mata adi mutshima musue kuenza.

Bienzedi 2:37

Hakunvuabo dî edi, mitshima yabo yakanyingalala, bakakonka Petelo ne bapostolo bakuabo ne, Bana betu, netuenze tshinyi?

Yezekiyele 34:23

Nenteke mulami umue ha mutu hai, yeye neayidishe, muntu wanyi Davidi mene; yeye neayidishe, yeye neikale mulami wai.

Yirmeya 23:29

Yehowa udi wamba ne, Dî dianyi kadiena bu kahia, anyi? Kadiena bu marteau udi uhanda mabue bihesa bihesa, anyi?

2 Korente 10:4

bualu bua bintu bietu bia nvita kabiena bia mubidi, kadi bidi bikole ku mesu kua Nzambi bia kushimbula nʼabi ngumbu ya nvita;

Yowanane 3:10

Yesu wakamukonka ne, Wewe udi muyishi wa Isalele, kuena mumanye malu â?

Yeshaya 40:11

Neadishe tshisumbu tshiandi tshia mikoko bu mudi mulami wa mikoko uyidisha, neambule bana ba mikoko mu maboko andi, neabatuale mu tshiadi tshiandi, ne nealom,bole mikoko idi imuamushila bana bitulu bitulu.

Nsumuinu 22:17

Teleja matshu ebe, unvue mei a bena meji, teka mutshima webe ku mei andi nkumanyisha.

Nsumuinu 1:6

bua kujingululeye lusumuinu ne tshifuanyikishi, mei a bena meji ne majimba abo.

Yowanane 10:14

Ndi mulami muimpe wa mikoko; ndi mumanye yanyi, yanyi idi minmanye,

Matayi 3:7

Kadi hakamoneye Bafalese ba bungi ne Basadoke balua kubatijibua, yeye wakabakonka ne, Nuenu bana ba nyoka, wakunudimusha bua kunyema ku mulau ulualua nganyi?

Yeshaya 22:23

Nemmujadike bu mudibo basa tshikudika mu muaba mushindame, ne yeye neikale bu nkuasa wa butumbi kudi ba mu nsubu wa tatuʼandi.

Misambu 80:1

Teleja matshu ebe, wewe Mulami wa mikoko wa Bena Isalele, wewe udi ulombola bana ba Yosefe bu tshisumbu tshia mikoko. Wewe udi mushikika mu nkuasa wa butumbi ha mutu ha bakeluba, uteme biebe.

Misambu 23:1

Yehowa udi mulami wanyi, tshiena nkengela tshintu;

1 Petro 5:4

Ne hamueneshibue Mulami Munene, nenuangate tshifulu tshia butumbi tshidi katshi tshifubidila.

Ebrewu 13:20

Nzambi wa ditalala wakabisha mulami munene wa mikoko munkatshi mua bafue kabidi ku mashi a dihungila dia tshiendelele, Mukelenge wetu Yesu mene,

Ezela 9:8

Katataka mu tshituha tshikese Yehowa, Nzambi wetu, wakutulesha luse luandi bua kutushila difuka dikese dia bantu ne bua kutuha mutshi wa tshikuminu mu muaba wandi wa tshijila, bua Nzambi wetu atabashe mesu etu, bua kutusangasha mu buhika buetu.

Genese 49:24

kadi buta buandi buakuikala bukole, maboko andi ne bianza biandi biakakoleshibua kudi bianza bia Nzambi wa Bukole wa Yakoba. (Mulami wa mikoko wakafumaku, ku dibue dia Isalele).

Muambi 7:5

Kunyua mibelu ya bena meji kudi kuhita kunyua misambu ya bahote buakane.

Muambi 10:12

Mei a mukana mua muena meji adi ne kalolo, kadi mishiku ya muhote neyimumine.

Nsumuinu 10:21

Mishiku ya muntu muakane idi idisha ba bungi, kadi badi bahote badi bafua bua dihanga dia lungenyi.