Muadi 4:20 - Mukanda wa Nzambi Dihungila Dikulukulu ne Dihungila Dihia-dihia 2003

²⁰ Mukelenge muedibue manyi kudi Yehowa, wakakuatshibua mu majimba abo, utuakatekemena bu muhuya wa mûlu etu; uwakamba bualu buandi ne, Muinshi mua mundidimbi wandi netuikale ne muoyo munkatshi mua bisamba bia bantu.

MUKANDA WA MYIDI MUKULU

²⁰ Muntu utuvua batekemene, mukalenga uvua Maweja-Nangila mumane kujidila, nyeye utuvua tuamba ne: “Mu bukalenga buende netuikale ne muaba munkatshi mua bisamba bikuabu”, monayi, nyeye ewu bamukuate mu dijimba dia muluishi!

Muadi 4:20 交叉引用

Yezekiyele 12:13

Nengande bukuondo ku mpala kuandi, yeye neakuatshibue mu buteyi buanyi; nenye nʼandi ku Babulona, ku buloba bua Bena Kasada; kena ubumona ku mesu, kadi neafuilemu.

Yirmeya 39:5

Kadi masalayi a Bena Kasada akabalonda ku nyima, akabihata, akaheta Sedekiya mu mpata wa Yeleko. Hakamukuatau, akalua nʼandi kudi Nebukadenesâ, mukelenge wa Babulona, ku Libela mu buloba hua Hamata; ne yeye wakamulumbuluisha.

2 Samuele 19:21

Kadi Abishai, muana wa Seluya, wakakonka ne, Kabena bashiha Shimei bualu bua yeye wakahenda muntu wakela Yehowa manyi ha mutu, anyi?

Genese 2:7

Yehowa Nzambi wakafuka mulume ne dinfuenkenya dia buloba, wakela muhuya wa muoyo mu diulu diandi, ne mulume wakalua ne muoyo.

Muadi 2:9

Bibi biandi biakubuela mu buloba; yeye wakutshibula biamu biabi bituha bituha; mukelenge wandi ne miloho yandi badi bamuangalaka munkatshi mua bisamba bia bantu, mudi kamuyi mikenji; nansha baprofete kabatshiena bamona bikena kumona bifume kudi Yehowa.

2 Samuele 1:21

Nuenu, mikuna ya Gileboa, mume ne nvula kabinumatshidi, madimi kikadi ne bia kudia. Bualu bua bakimashaku ngabu wa muena bukitu, ngabu wa Shaula mene, bu muntu wakadi kayi ne manyi mela ha mutu.

2 Samuele 1:14

Davidi wakamuebesha ne, Wewe kuakutshina kulenga muntu wakela Yehowa manyi ha mutu bua kumushiha bua tshinyi?

Yezekiyele 17:18

Bualu bua yeye wakahetula mutshihu wandi hakashiheye tshihungidi; wakakuatangana bianza ne mukelenge bua kuditshiha kudiye, kadi wakenza malu â onso; kena mua kuhanduka.

Yirmeya 52:8

Kadi masalayi a Bena Kasada akalonda mukelenge mu nyima, akaheta Sedekiya mu mpata ya Yeleko, ne masalayi andi onso akamulekela, akatangadika.

2 Samuele 18:3

Kadi bantu bakamuambila ne, Kuyi nansha; bualu bua bituanyema, kabena nʼetu bualu; biashihabo tshituha tshia buonso buetu, kabena nʼetu bualu nansha; wewe udi uhita binunu bietu dikumi mushinga mukole; bidi bitamba buimpe bua wewe kudilongolola bua kutukuatshisha ku musoko.

1 Samuele 26:16

Bualu ebu buwakenza kabuena buakane. Bu mudi Yehowa ne muoyo bûdi nʼabu mbua kufua, bualu bua wewe kuakulama mukelenge webe udi muela manyi ha mutu kudi Yehowa. Tangila kudi difuma dia mukelenge ne mulondo wa mai biakadi ku mutu wandi.

1 Samuele 26:9

Davidi wakambila Abishai ne, Kumushihi nansha; udi mua kulenga muntu wakela Yehowa manyi ha mutu ne kubinga nganyi?

1 Samuele 24:10

Mona, lelu mesu ebe adi amona bu mutu Yehowa mukufile mu tshianza tshianyi mu lubuebue; bakuabo bakungambila ne, Umushihe. Kadi nakamba ne, Tshiena ndenga mukelenge wanyi tshianza, bualu bua yeye udi muedibue manyi kudi Yehowa.

1 Samuele 24:6

Davidi wakambila bantu bandi ne, Yehowa ampidishe tshienzedi mukelenge wanyi, wakela Yehowa manyi ha mutu, bualu ebu, tshiolodi tshianza tshianyi kudiye, bualu bua yeye udi muntu muedibue manyi kudi Yehowa.

1 Samuele 16:6

Hakaluabo, yeye wakatangila Eliaba, wakamba ne, Bulelela, udi Yehowa musungule udi ku mpala kuandi.

1 Samuele 12:5

Wakabambila ne, Yehowa udi mumanyi wa bualu kunudi, ne wandi wakedibua manyi udi mumanyi wa bualu dituku edi ne kanuakasangana tshintu tshia bende mu tshianza tshianyi. Bakamba ne, Yeye udi mumanyi.

1 Samuele 12:3

Ndiku: numpishe ku mesu kua Yehowa ne ku mesu kua wandi wakedibua manyi: Meme nakunyenga ngombe wa nganyi? Nakunyenga nyama wa mpunda wa nganyi? Nakuiba bintu bia nganyi? Nakukengesha muntu kai tshianana? Nakuitabusha bintu bia mbueshilu kudi nganyi bua meme kubuikila mesu anyi kudiye? Nungambile, ne meme nemuhingishilebi.

Genese 44:30

Nunku hanaya kudi muntu webe, tatu wanyi, ne nsongalume eu kayi nʼetu, bualu bua muoyo wandi udi musuikakana ne muoyo wa nsongalume eu,

2 Kulondolola 35:25

Yelemiya wakashila Yoshiya madilu kabidi; bimbi ba misambu ne balume ne bakashi hadi batela dina dia Yoshiya mu miadi yabo tô ne ku dituku edi, bakayijadika bu tshilele mu Isalele, ne monai, mei au adi mafunda mu mukanda wa miadi.

Yirmeya 52:9

Nunku bakakuata mukelenge, bakaya nʼandi kudi mukelenge wa Babulona ku Libela mu buloba bua Hamata, ne yeye wakamulumbu luisha.

Danyele 4:12

Mabeshi au akadi malengele, mamuma au akadi a bungi be, akadi makumbane bia kudia bia bantu bonso. Nyama ya mu mpata yakalala mu dileshi diau, nyunyu ya mulu yakikila ha matamba au ne bonso bakadi ne muoyo bakadia bia kudia kudiu.

Balombodi 9:15

Mutshi wa meba wakambila mitshi yonso ne, Binuasua kungela manyi ha mutu bua meme kuikala mukelenge ku mutu kuenu bulelela, hashishe nulue nushikame mu diledi dianyi, kadi binuahidia, kahia kahatuke ku mutshi wa meba bua kuosha mitshi ya cédres ya mu Lebanona.

Yeshaya 32:2

Muntu neikale bu tshisokomenu ku tshihehele, ne tshinyemenu tshia ku tshihuhu, neikale bu misulu ya mai mu muaba mûme, bu dileshi dia dibue dinene mu buloba budi butondesha bantu.

Yezekiyele 31:17

Ba mu bisamba bia bantu nebahueke nʼau mu Muaba wa Bafue, kudi bantu badi bashihibue ku muele wa nvita; bantu aba bakadi bakuatshishi bau kabidi, bakadi bashikame mu dileshi diau munkatshi mua bisamba bikuabo, nebahuekemu kabidi.

Osheya 13:10

Mukelenge wenu udi kudi kunyi bua kunuhandisheye mu misoko yenu yonso? Balumbuluishi benu badi kudi kunyi, bawakuamba ne, Utuhe mukelenge ne bakokeshi?