Muadi 3:25 - Mukanda wa Nzambi Dihungila Dikulukulu ne Dihungila Dihia-dihia 2003

²⁵ Yehowa udi ne luse kudi badi bamuindila, kudi muetu udi umukeba.

MUKANDA WA MYIDI MUKULU

²⁵ Maweja-Nangila udi muimpe, usankisha muntu yonsu udi umueyemina, uvuluka yonsu udi umukeba.

Muadi 3:25 交叉引用

Yeshaya 40:31

badi bindila Yehowa nebasangashe bukole buabo; nebabande mulu ne mahuahua bu nyunyu ya mukanku, nebanyeme lubilu ne kabena babungila, nebende ne kabena bateketa.

Misambu 37:34

Windile Yehowa, ulamate nshila wandi, yeye neakubandishe bua wewe kuhiana buloba. Habutulabo bantu babi, wewe neumone muanda eu.

Yeshaya 25:9

Mu dituku adi nebambe ne, Monai, eu udi Nzambi wetu utuakutekemena ne, Neatusungile; eu udi Yehowa utuakutekemena; netuikale ne disanka, netusanke mu luhandu luandi.

Muadi 3:26

Bidi bimpe bua muntu atekemene ne indile biandi luhandu lua Yehowa talalâ.

Misambu 27:14

Windile Yehowa; wikale ne bukole, ne mutshima webe wikale ne dikima; e, windile biebe Yehowa!

Misambu 37:7

Shala holâ ku mpala kua Yehowa, umuindile ne lutulu. Kunyingabadi bualu bua muntu udi ututa dikasa dimpe mu nshila muandi, ne bua muntu udi ujadika malu mabi adiye uhangidisha.

Yeshaya 30:18

Nunku Yehowa udi windila bua kunulesha dinanga diandi; ne bua muanda eu neadioshe bua kunulesha luse; bualu bua Yehowa udi Nzambi udi ulumbulula biakane; bonso badi bamuindila badi bavudishibue disanka.

2 Kulondolola 31:21

Malu onso akabangeye mu mudimu wa mu nsubu wa Nzambi ne a mu mikenji ne mei bua kukeba Nzambi wandi, yeye wakaenza ne mutshima wandi wonso, wakadi ne diakalengele.

Yakobe 5:7

Nunku, bana betu, nuikale ne lutulu tô ne halua Mukelenge. Monai tshidime udi windila mamuma a mushinga mukole a ha buloba, muikale ne lutulu bua bualu buau tô ne halokelau nvula ya diambedi ne yalua ku nyima.

Osheya 10:12

Nudikunyine buakane, nuhuole luse lujalame; nudime buloba buenu bukadi bubande; bualu bua etshi ntshikondo tshia kukeba Yehowa, tô ne halueye kunulokeshila buakane bu nvula.

Yeshaya 64:4

Bua ku bikondo bia kale kakuena muntu wakumana anyi wakujingulula ku matshu, kakuena disu diakumona Nzambi udi muomumue nʼebe, udi ukuatshila badi bamuindila mudimu.

2 Kulondolola 15:2

wakaya kusangakena ne Asa, wakamuambila ne, Unvuai, Asa ne Bena Yuda ne Bena Benyamina; Yehowa udi nʼenu, hantshidi nʼandi; binuamukeba, nenumuhete; kadi binuamulekela, yeye neanulekele.

Yeshaya 55:6

Yehowa udi wamba ne, Keba Yehowa haudi mumanye mua kumusangana; umubikidile hatshidiye ha buihi.

Misambu 61:5

Bualu bua wewe, Nzambi, wakunvua mitshihu yanyi, wakumpa buhianyi bua badi banemeka dina diebe.

Misambu 39:7

Mpindiu, Mukelenge, ndi ngindila tshinyi? Ditekemena dianyi didi anu kûdi.

Misambu 27:8

Wewe wakuamba ne, Ukebe mpala wanyi. Mutshima wanyi wakukuambila ne, Yehowa, nenkebe mpala webe.

Misambu 25:8

Yehowa udi muimpe ne muakane; nunku udi uyisha bantu babi nshila wa bobo kuendela.

1 Kulondolola 28:9

Wewe, muanʼanyi Solomo, Umanye Nzambi wa tatuʼebe, umukuatshile mudimu ne mutshima mutoke ne didikokela kudiye; bualu bua Yehowa udi ukebakeba mitshima ya bantu bonso; udi ujingulula meji onso adibo bela munda muabo; biwamukeba, neumuhete; kadi biwamulekela, yeye neakuhidie tshiendelele.

Misambu 119:2

Disanka didi kudi badi banemeka mei andi, badi bamukeba ne mitshima yabo mijima.

Genese 49:18

Yehowa, nakuindila luhandu luebe.

1 Tesalonike 1:10

ne bua kuindila Muana wandi ulualua mu diulu; wakabisheye munkatshi mua bafue, Yesu mene, udi utuhandisha ku tshishi tshilualua.

Misambu 22:26

Badi ne mitshima mihuekele nebadie, nebûkute; badi bakeba Yehowa nebamutumbishe. Mitshima yenu ikale ne muoyo tshiendelele!

Sefanya 3:8

Nunku Yehowa udi wamba ne, Nungindile, tô ne ku dituku dindi mbika bua kunyenga bintu; hualu bua nakuhangidisha bua kusangisha bisamba bia bantu, bua kukungisha makelenge, bua meme kuhumuna tshiji tshianyi hamʼbidi habo, kahia konso ka tshiji tshianyi mene; bualu bua buloba buonso nebulue mu kahia ka lukunukunu luanyi.

Yeshaya 26:9

Nakukujinga mu mutshima wanyi butuku; e, ndi nkukeba ne mutshima wanyi wonso. Bualu bua, hikala kulumbulula kuebe ha buloba, badi bashikame ha buloba badi bayila buakane.

Misambu 105:3

Nutumbile mu dina diandi dia tshijila; mitshima ya badi bakeba Yehowa isanke.

Misambu 61:1

Wewe Nzambi, unvua muadi wanyi, teleja matshu ku kulomba kuanyi.

Misambu 69:32

Bantu bahuekele bakatangila bualu ebu, bakasanka. Nuenu badi bakeba Nzambi, mitshima yenu ikale ne muoyo kabidi.

2 Kulondolola 30:19

wakudimuna mutshima wandi bua kukebeye Nzambi, Yehowa, Nzambi wa bankambua bandi, bikaleye kayi mudilengeshe bu mudi mukenji wa mu muaba wa tshijila wamba.

2 Kulondolola 19:3

Kadi malu mimpe makuabo adi munda muebe bualu bua wewe wakumusha mpingu ya Bashela ku buloba, wakajadika mutshima webe bua kukeba Yehowa.

Ezela 8:22

Bualu bua bundu buakadi bunkuata bua kulomba mukelenge masalayi ne badi benda ha tubalu bua kutusungilabo kudi bena lukuna bakadi mu nshila; bualu bua tuetu tuakadianjila kuambila mukelenge ne, Tshianza tshia Nzambi wetu tshidi kudi bonso badi bamukeba bua kubenzela bimpe; kadi bukole ne tshiji tshiandi bidi kudi bonso badi bamubenga.

Misambu 71:14

Kadi meme hanyi nengikale ne ditekemena misangu yonso, nennanukile kukutumbisha musangu ne musangu.