Muadi 3:11 - Mukanda wa Nzambi Dihungila Dikulukulu ne Dihungila Dihia-dihia 2003

¹¹ Yeye wakunsesuisha mu nshila wanyi, wakumpanda bihese bihese; wakunshiya nkenga.

MUKANDA WA MYIDI MUKULU

¹¹ Kumpangishaye tshimvua mua kuenza bua kuikala ne muoyi. Kuntekeshaye, kumpuwisha kashidi.

Muadi 3:11 交叉引用

Osheya 6:1

Luai bienu, tuhingane kudi Yehowa; yeye wakatuhanda, kadi neashikishe disama dietu; yeye wakatutaha, kadi neajingile mputa wetu tshilulu.

Muadi 1:13

Ku muaba wandi wa mu diulu yeye wakatuma kahia hanshi, kakabuela mu mifuba yanyi; wakadisha bukuondo bua kukuata makasa anyi; wakashindisha; wakunvuisha muena kanyinganyinga ne muena mutshima mutekete dituku dijima.

Didimanyisha 18:19

Bakela luhuishi ha mutu habo, ne bakela mbila, bikale ne binsonshi ne badila muadi, bamba ne, Mulau, mulau, musoko munene, muakadi bonso bakadi ne matu abo ha mai manene bavuishibue babanshi bualu bua mushinga wau mukole! Bualu bua mu luhola lumue wakubutudibua.

Matayi 23:38

Nsubu wenu udi mushale hatuhu.

Mika 5:8

Difuka dia Yakoba nedikale munkatshi mua bisamba bia bantu, munkatshi mua bisamba bia bungi, bu nyama wa ntambue munkatshi mua nyama ya muitu, bu muana wa ntambue munkatshi mua bisumbu bia mikoko; yeye mene, biahiteye munkatshi muai, udi widiata, udi wisunsula, ne kakuena muntu wayihandisha.

Danyele 7:23

Yeye wakangambila ne, Nyama eu muinai neikale bukelenge buinai ha buloba budi bushilangana ne makelenge makuabo onso. Nebubutule buloba bujima, nebubudiatakashe mu makasa, nebubusunsule.

Yirmeya 32:43

Bantu nebasumbe madimi mu buloba ebu kabidi bunudi nuamba ne, Budi bushala bikulu, kabuyi ne bantu anyi bimuna, budi bufidibue mu bianza bia Bena Kasada.

Yirmeya 19:8

Nendishe musoko eu bu tshintu tshidi tshikemesha bantu ne tshia kubingila ne tuseku; muntu yonso udi uhitshilaku neabingile ne tuseku bua makenga onso adi aukuata.

Yirmeya 6:8

Wewe Yelushalema, udimuke, bua mutshima wanyi kaumuki kûdi; bua meme tshikuvuishi bu tshikulu, bu buloba budi kabuyi ne bantu.

Yirmeya 5:6

Nunku nyama wa ntambue wa mu ditu neabashihe, tshimungu tshia mu tshihela netshibabutule, nkashama neabalamine mu misoko yabo; muntu yonso wahatukamu neahandibue bihesa bihesa; bualu bua mibi yabo idi ya bungi, ne kundekela kuabo kuakutamba.

Yeshaya 3:26

Ba mu bibuelelu bia ku Siona nebase madilu, nebadie; ne yeye udibo bahaula neashikame hanshi ha buloba.

Misambu 50:22

Telejai matshu enu ku dî edi, nuenu badi bahua Nzambi muoyo, bua meme tshinuhandi bihesa bihesa, kakuena wa mua kunuhandisha!

Yobe 16:7

Kadi mpindiu yeye wakuntekesha, wewe wakubutula bonso banakadi nʼabo.

Misambu 143:4

Nunku muoyo wanyi udi uhanga munda muanyi, mutshima wanyi udi mukuatshike buowa munda muanji.

Yirmeya 15:3

Yehowa udi wamba ne, Nembasunguile mishindu inai ya makenga, muele wa nvita bua kubashiha, mbua bua kubahanda, nyunyu ya mulu ne nyama ya ha buloba bua kubadia ne bua kubashiha.

Muadi 3:10

Yeye udi bu nkashama kundi udi ungalamina, bu nyama wa ntambue ungalamina mu tshisuku.