Muadi 2:15 - Mukanda wa Nzambi Dihungila Dikulukulu ne Dihungila Dihia-dihia 2003

¹⁵ Bantu bonso badi bahita mu nshila badi bakututshila bikashi; badi bakubingila, badi bakuha mitu yabo kudi muana mukashi wa Yelushalema, bamba ne, Kemmusoko wakadibo babikila ne, Mulengele tshishiki, disanka dia ba ha buloba bonso, anyi?

MUKANDA WA MYIDI MUKULU

¹⁵ Bantu bonsu badi bapitshila muaba ewu, badi bakuma bikashi bua dibutuka diebe. Badi bela bibingu, bakupa mitu, bakuseka wewe, Yerushalayime, bebejangana ne: “Etshi ke tshimenga tshivuabu babikila ne: Mulengele be, kabidi ne: Disanka dia buloba bujima, anyi?”

Muadi 2:15 交叉引用

Yirmeya 18:16

Bua malu â badi bavuisha buloba buabo bu tshintu tshia kukuatshisha bakuabo buowa, tshia kuelabo tshibingu tshiendelele; muntu yonso udi uhitaku neakeme, neakuhe mutu.

Misambu 48:2

Mukuna wa Siona udi mulengele mu kubanda kuau mulu, ku nseke ya ku nôde, disanka dia ba ha buloba bonso, musoko wa Mukelenge munene.

Yezekiyele 25:6

Bualu bua Mukelenge Yehowa udi wamba ne, Bualu bua nuakututa bikashi, nuakutua mikumu hanshi ne nuakusanka ne lukuna luonso lua mu mitshima yenu bua malu akukuata buloba bua Isalele,

Yirmeya 19:8

Nendishe musoko eu bu tshintu tshidi tshikemesha bantu ne tshia kubingila ne tuseku; muntu yonso udi uhitshilaku neabingile ne tuseku bua makenga onso adi aukuata.

Misambu 50:2

Mu muaba wandi wa mu Siona, udi mulengele tshishiki, Nzambi udi utema biandi.

Sefanya 2:15

Musoko eu wakadi bantu basankila bikole, bashikame kabayi ne ntatu, wakadi udiamba ne, Meme ndiku, kakuena musoko mukuabo, anu meme. Monai, mudiu mulue tshihela tshia hatuhu, muaba wa nyama ya mu mpata kulala! Muntu yonso udi uhitshilaku nêle tshibingu, uhoha ne tshianza.

Yeshaya 64:11

Nsubu wetu wa tshijila mulengele, kuakadi batatu betu bakutu-mbishilamu wakulua ne kahia, miaba yetu yonso yakadi itusankisha yakulua bikulu.

Yeshaya 37:22

edi ndi didi Yehowa muambe bua bualu buandi ne, Muana mukashi wa Siona utshidi kamama udi kulengulula, udi ukubuidia; muana mukashi wa Yelushalema udi ukuha mutu wandi ku nyima kuebe.

Misambu 22:7

Bonso badi bantangila badi banseka, badi banfunkuna mishiku, badi bakuha mitu, bamba ne,

Marke 15:29

Bahitshi ba mu nshila bakamuhenda, bakakuha mitu yabo, bakamba ne, Ka kia! Wewe muhudi wa ntempelo ne mumuibaki wa matuku asatu,

Matayi 27:39

Bahitshi ba mu nshila bakamuhenda, bakakuha mitu yabo,

Nahume 3:19

Kakuena diondaha dia mputa webe, mputa webe wa lubangu kena ûma. Bonso badi bunvua lumu luebe nebakubingile bibingu, nganyi mene udi bubi buebe kabuyi buanze kufika kudiye ku musangu ne ku musangu?

Mika 6:16

Bualu bua nudi nutumikila mikenji ya Omeli, nudi nulonda bienzedi bia mu nsubu wa Ahaba, nudi nuenda bu mudi lungenyi luabo, meme nenyishe musoko wenu tshikulu, ne bantu badimu nebedibue tshibingu, ne nuenu nenuhendibue ne bihendu bidibo bahenda nʼabi bantu banyi.

Muadi 2:16

Bena lukuna bebe bonso bakubutula mukana muabo bua kukuhenda; badi bakubingila basumakana menu, bamba ne, Tuakumumina; bulelela, edi ndituku dituakutekemena; tuakudiheta, tuakudimona ne mesu.

Muadi 2:6

Wakusasula tshitendelelu tshiandi ku bukole, tshitandatanda tshia mu budimi; wakubutula tshisangishilu tshiandi. Yehowa wakuenzesha bantu tshihua muoyo bua masangisha abo masungula bua kudia bidia ne bua dituku dia Lumingu, mu Siona; bua tshiji tshiandi tshikole wakuhetula mukelenge ne muakuidi.

Muadi 1:8

Yelushalema wakenzela Nzambi bibi, nunku wakalua bu tshintu tshidi ne manyanu; bonso bakadi bamutumbisha diambedi hadi bamuhetula mpindiu, bualu bua badi bamone butaka buandi; e, yeye udi utua mikemu, udi ukoma nyima wandi.

Yirmeya 51:37

Babulona neikale anu mishiki ya nsubu minyanguke, muaba udi mibuabua nushikame, tshintu tshidi tshikemesha bantu ne tshidibo babangila, kakuyi muntu wushikamamu.

Yirmeya 29:18

Nembihate ne muele wa nvita, tshiole ne tshihuhu, ne nembafile bua kuikalabo bu tshidi tshikuatshisha buowa munkatshi mua makelenge onso a ha buloba, nebikale bu tshintu tshiela mulau, tshidi tshibakemesha, tshidibo babingila ne tshidibo bahenda kudi ba munkatshi mua bisamba bionso bia bantu kunabatuma.

Yirmeya 25:18

ba mu Yelushalema ne misoko ya mu Yuda ne bakelenge babo ne baminyampala babo, bua kubabutula kabutu, bua kubavuisha bu tshintu tshidi tshikemesha bantu, tshidibo babingila, tshidibo bela mulau, bu mudibo lelu eu.

Yirmeya 25:9

monai, nentume dî bua kuangata ba mu meku onso a ku luseke lua ku nôde, mmudi Yehowa wamba; nembikile Nebukadenesâ, mukelenge wa Babulona, muntu wanyi; nendue nʼabo bua kuluisha bena buloba ebu ne bonso badi bashikamemu, ne bua kuluisha ba mu bisamba bidi binunyunguluke. Nembutule ba mu buloba ebu, nembavuishe bu tshintu tshidi tshikemesha bantu, tshidibo babingila, bu bikulu tshiendelele.

2 Kulondolola 7:21

Nsubu eu udi munene, muntu yonso wahitaku neakeme, wamba ne, Yehowa wakenzela buloba ebu ne nsubu eu nunku bishi?

2 Bakalenga 19:21

Edi ndî diakamba Yehowa bualu buandi: Mukashi utshidi kamama wa mu Siona wakakulengulula, wakakuseka; muana mukashi wa Yelushalema wakakukuila mutu.

Misambu 64:8

Ka nebabalenduishe, bualu bua ndimi yabo yakubahisha. Bantu bonso badi babatangila nebabakuhile mitu yabo.

Misambu 109:25

Nakulua tshintu tshidibo badiula; hantangilabo, badi bakuha mitu yabo.

Yeshaya 28:21

Bua Yehowa neajuke bu muakajukeye ha mukuna wa Pelazima, neikale ne tshiji bu muakadiye nʼatshi mu luhongo lua Gibeona; bua kuenza mudimu wandi, mudimu udi ukemesha bantu, bua kumana tshienzedi tshiandi, tshienzedi tshiandi tshidiye kayi muanze kuenza diambedi.

Yirmeya 48:27

Kuena museke Isalele, anyi? Bakumusangana munkatshi mua bibi, anyi? Bua misangu yonso hawatela dina diandi, wewe udi ukuha mutu webe.

Muadi 1:21

Bakunvua mundi ntua mikemu, kakuyi munsambi; bonso badi nʼanyi lukuna bakunvua lumu lua dikenga dianyi; badi basanka bualu bua wewe wakungenzela nunku. Uvuishe dituku diwakuamba bua bobo bikale bu mundi emu.

Yezekiyele 16:14

Mukelenge Yehowa udi wamba ne, Lumu lua bulengele buebe luakamuangalaka munkatshi mua bisamba bia bantu; bulengele buebe buakadi buimpe tshishiki bualu bua butumbi bunakateka hamʼbidi hebe.

Misambu 48:3

Nzambi wakudimanyisha mu mbalasa yau bu tshinyemenu tshile.

Yirmeya 26:6

nunku nenvuishe nsubu eu bu Shilo, ne musoko eu newikale wa mulau kudi bisamba bionso bia ha buloba.

Yezekiyele 5:15

Newikale tshintu tshidibo bahenda ne tshidibo bahetula, tshidi tshibadimusha ne tshidi tshihatuisha mikemu, kudi bisamba bidi biunyunguluka, hananulumbuluisha mu difikʼa munda dianyi ne mu tshiji tshianyi tshikole, ne mu dikengesha didi dihita hukole; meme Yehowa nguakuamba nunku.

Yezekiyele 16:13

Nunku wewe wakalengeshibua ne biamu bia or ne bia argent, ne bivualu biebe biakadi bia tshilulu tshia lin tshinefuke, tshia soie ne tshia malenda mimpe. Wakadia bukula bubotesha bimpe, buitshi ne manyi; wakadi ne bulengele bua mubidi buhite be, ne wakadi ne diakalengele bu dia mukelenge mukashi!

Yezekiyele 23:32

Mukelenge Yehowa udi wamba ne, Newikale ne bua kunua luhanza lua mukuluʼebe wa bakashi, ludi lua ndondo ne ludi lunene; newikale bu tshintu tshidibo bahetula ne tshidibo baseka, bualu bua ludi tente.

Danyele 9:16

Mukelenge, bu mudi bienzedi biebe bionso biakane udi nkusengelela ne, Tshifikʼa munda tshiebe ne tshiji tshiebe tshikole biumuke ku musoko webe Yelushalema, mukuna webe wa tshijila. Bualu bua mitu yetu ne bua malu mabi a batatuʼetu, Yelushalema ne bantu bebe biakulua tshihendu kudi bantu bonso badi batunyunguluke.