Muadi 1:9 - Mukanda wa Nzambi Dihungila Dikulukulu ne Dihungila Dihia-dihia 2003

⁹ Bukoya buandi buakadi ku bilulu biandi; kakela meji a kunfudilu kuandi; nunku wakuhueka bikole, kena ne musambi. Wewe Yehowa, mona dikenga dianyi; bualu bua muena lukuna wakuntshimuna!

MUKANDA WA MYIDI MUKULU

⁹ Bubi buende mbumuenekele too ne ku muntumpu wende. Yerushalayime kavua muele meji ku bivua mua kumuenzekela. Eyi! Kabutu nkamukuate. Kakuena muntu nansha umue udi umusamba. Udi wamba ne: “Maweja-Nangila, tangila dikenga dianyi. Mona mudi muluishi wanyi untshimuna.”

Muadi 1:9 交叉引用

Dielulula 32:29

Bu bobo bikale ne lungenyi, bakadi kujingulula bualu ebu, bakadi kuela meji a malu atua kudibo.

Yeshaya 47:7

Wewe wakamba ne, Nengikale mukelenge mukashi tshiendelele, kadi kuakateka malu â mu mutshima webe, ne kuakelangana meji bua kunfudilu kuau.

Muadi 1:17

Siona udi wolola bianza biandi ne kakuena mumusambi; Yehowa wakuela mukenji bualu bua Yakoba ne, Badi bamunyunguluka bikale bamukengeshi. Yelushalema wakulua bu tshintu tshinyanguke munkatshi muabo.

Muambi 4:1

Nakatangila kabidi makenga onso adibo bakengesha nʼau bantu muinshi mua diba; monai binsonshi bia bakadi bakengeshibua kabayi ne musambi! Bakabakengesha bakadi ne bukole, bobo kabakadi ne musambi.

Misambu 25:18

Wele meji a dinyingalala dianyi ne a dikenga dianyi, ne umbuikidile mibi yanyi yonso.

Sefanya 2:10

Mianda ai neyilue kudibo bualu bua kudisua kuabo, bualu bua bakatshimbisha bantu ba Yehowa wa misumba ne bakadibandisha ku mpala kuabo.

Yirmeya 48:26

Numukuatshishe maluvu bualu bua wakudilesha ku mesu kua Yehowa; ba mu Moaba nebabunguluke mu bilushi biabo, nebasekibue.

Yirmeya 2:34

Bualu bukuabo kabidi, badi basangana mashi a mioyo ya bahele badi kabayi ne bilumbu mu bivualu biebe. Kuena mubasangane bahanda nsubu bua kubuelamu, kadi wakubasangana bahidia kuenza malu au onso.

Yeshaya 3:8

Bualu bua Yelushalema wakulenduka, ne Yuda wakuhona; bualu bua mei abo ne bienzedi biabo bidi bihidia Yehowa, bidi bivuisha tshiji ku mesu kua udi ne butumbi.

Misambu 119:153

Umone dikenga dianyi, umpandishemu, bualu bua tshiena mpua mikenji yebe muoyo.

1 Petro 4:17

Bualu bua tshikondo tshia dilumbuluisha kubangadi ku ba mu nsubu wa Nzambi tshiakulua, ne biadianjiladi kubanga kutudi, kunshikidilu kua badi kabai batumikila lumu luimpe lua Nzambi nekuikale tshinyi?

Yowanane 11:19

Bena Yuda ba bungi bakadi balue kudi Mâta ne Malia bua kubasamba bua muanʼabo.

Osheya 2:14

Nunku, mona, nemmuitabushishe, nemmulombole mu tshihela, nengambile mutshima wandi mei makane.

Muadi 4:1

Monai, tshiamu tshia or tshiakubuitshidila! or mulelela wakakudimuka! Badi bela mabue akadi mu nsubu wa tshijila hanshi mu misesu yonso.

Muadi 2:13

Nenkuambile tshinyi, nenkuidikishe ne tshinyi, wewe muana mukashi wa Yelushalema? Nenkuelekeshe ne tshinyi, bua mmanye mua kukusamba, wewe muana mukashi wa Siona utshidi kamama? Bualu bua mputa webe udi munene muikale bu mai manene; washikisha disama diebe nganyi?

Muadi 1:21

Bakunvua mundi ntua mikemu, kakuyi munsambi; bonso badi nʼanyi lukuna bakunvua lumu lua dikenga dianyi; badi basanka bualu bua wewe wakungenzela nunku. Uvuishe dituku diwakuamba bua bobo bikale bu mundi emu.

Yirmeya 50:29

Bikilai bananyi ba mata bua kuluisha Bena Babulona, bonso badi banana buta; babanyunguluke ne bitudilu bia bena nvita mu nseke yonso, muntu wandi umue kahanduki: Numufute bu mudi bienzedi biandi, bualu bua wakudibandisha ku mpala kua Yehowa, Wa Tshijila wa Isalele.

Yirmeya 16:7

Kabena mua kuhesha bena madilu bidia bua kubasamba bua bafue baho; kabena mua kubahesha luhanza lua kubasamba nʼalu bua lufu lua batatuʼabo anyi lua bamamuʼabo.

Yirmeya 13:27

Nkutangila malu mabi ebe, masandi ebe, mei a kusamina kuebe kua masandi, bundu bua masandi ebe, ha mutu ha mikuna ya mu mpata. Mulau newikale kûdi, Yelushalema! Musangu neulehe bule bishi kuyi muanze kutokeshibua?

Yirmeya 5:31

Baprofete badi bamba mei mu mena a nzambi ya tshianana, bakuidi badi balombodibua ku bianza bia baprofete; bantu banyi badi bananga malu au ne, Ikale nunku; kadi nenuenze tshinyi kunshikidilu kuau?

Yeshaya 54:11

Yehowa udi wamba ne, Wewe udibo bakengesha, udibo basumpakasha ne tshihehele, udi kuyi musambibue, mona, nenteke mabue ebe munkatshi mua mabue a antimoine, nenshimike bishimikidi biebe ne mabue a saphir.

Yeshaya 40:2

Nuambile mutshima wa Yelushalema mei makane; numuele dî ne, Tshikondo tshiebe tshia mudimu mukole tshiakushika, bakukubuikidila bubi buebe. Wakuheta makenga ku tshianza tshia Yehowa akuvudisheye misangu ibidi bua malu mabi ebe.

Yeshaya 37:29

Bualu bua wakanfunyina bulobo ne bua diambu diebe diakufika ku matshu anyi, nunku nenteke ndobo wanyi ku diulu diebe, ne lukanu luanyi mukana muebe bua kukuendesha nʼalu, nenkutshingulule bua kukuhingashasha mu nshila kuwakufuma.

Yeshaya 37:23

Wewe wakufunyina nganyi bulobo, wakuhenda nganyi? Wakubishila nganyi dî diebe? Wakubandishila nganyi mesu ebe ne diambu? Wakuenzela Wa Tshijila wa Isalele nunku!

Yeshaya 37:17

Yehowa, teleja matshu ebe, unvue biebe; Yehowa, ubulule mesu ebe, utangile; unvue mei onso a Saneheliba, akatumeye bua kufunyineye Nzambi udi ne muoyo bulobo.

Yeshaya 37:4

Bumue Yehowa Nzambi webe neunvue mei a Labashake, udi mukelenge wa Ashû, mukelenge wandi, mutume bua kufunyineye Nzambi udi ne muoyo bulobo, ne neasamine mei adi Yehowa Nzambi webe munvue; nunku ubishe mei ebe bua kulombela bantu badi bashala Nzambi.

Misambu 140:8

Yehowa, kuheshi mundi mubi malu adiye musue; kulumbuluishi bualu buandi bubi buakuhangidisheye.

Nehemya 9:32

Nunku Nzambi wetu munene, Nzambi mukole ne wa dishina, utu walama bihungidi ne luse lujalame, dikenga edi dikole diakatukuata ne bakelenge betu ne bantu betu banene ne bakuidi betu ne baprofete betu ne batatu betu ne bantu bebe bonso kadikadi dikese ku mesu kuebe, ku tshikondo tshia bakelenge ba Ashû tô ne ku dituku edi.

2 Bakalenga 14:26

Bualu bua Yehowa wakamona dikenga dia Bena Isalele ne diakadi dikole; kabakashala ne bantu mu nsubu anyi ku mbelu, kabakashila Bena Isalele mukuatshishi nansha.

2 Samuele 16:12

Biasua Yehowa, yeye udi mumanye mua kutangila bubi buakungenzeleye; Yehowa udi mumanye mua kungenzela bimpe bua bihendu biandi biakumpendeye nʼabi lelu.

1 Samuele 1:11

Yeye wakaditshiha, wakamba ne, Yehowa, biwatangila kunyingalala kua muntu webe mukashi, biwanvuluka, biwikala kuyi uhua muntu webe mukashi muoyo, kadi biwaha muntu webe mukashi muana mulume, meme nemmufile kudi Yehowa matuku andi onso a muoyo wandi: dihaya kadiena dibeya ku mutu wandi.

Dielulula 32:27

bu meme tshiyi nutshine ne bantu badi nʼabo lukuna nebanfikishe munda, ne bobo nebabange kujingulula bimpe, neba diambe ne, Bianza bietu bidi bibandishibua, ne Yehowa kena wenza malu â onso.

Dielulula 26:7

ne tuetu tuakadi la kudi Yehowa, Nzambi wa bankambua betu, ne Yehowa wakulua dî dietu, wakatangila makenga etu ne mudimu wetu ne majitu etu.

Ekesode 4:31

Bantu bakitabusha ne hakunvuabo ne, Yehowa wakulua kudi Bena Isalele, wakumona dikenga diabo, bakinama mitu yabo, bakatendelela.

Ekesode 3:17

Nakumana kuamba ne, Nennuhatule mu dikenga dia Ejipitu, nendue nʼenu mu buloba bua Bena Kanana ne bua Bena Hiti ne bua Bena Amole ne bua Bena Pelese ne bua Bena Hiwi ne bua Bena Yebuse, mu buloba budi ne mabele ne buitshi bia bungi.

Ekesode 3:7

Yehowa wakamba ne, Nakutangila dikenga dia bantu banyi badi mu Ejipitu bulelela, nakunvua muadi wabo bualu bua tuhita tuabo, bualu bua ndi mumanye kanyinganyinga kabo.

Misambu 69:21

Bakumpa bintu bia nyongangandu mu bia kudia bianyi; bua kutalasha nyota yanyi bakannuisha nyinyo wakadi ne buanji.

Yeshaya 51:19

Malu â abidi akukukuata— wadila nʼebe nganyi? Dibutuka ne kuhaula, tshiole ne muele wa nvita; neakusambe nganyi?

Muadi 5:1

Yehowa, uvuluke bualu buakutukuata; tangila, umone bu mutudi bakuatshike bundu.