Misambu 94:15 - Mukanda wa Nzambi Dihungila Dikulukulu ne Dihungila Dihia-dihia 2003

¹⁵ Bualu bua dilumbulula diakane nedihingane kudi badi bakane, ne bonso badi ne mitshima miakane nebadilonde.

MUKANDA WA MYIDI MUKULU

¹⁵ Muntu muakane neabinge tshiakabidi, ne bantu bonsu ba muoyi mujalame, nebamulonde.

Misambu 94:15 交叉引用

Mika 7:9

Nengitabushe tshiji tshia Yehowa tshidiye nʼatshi kundi, tô ne hangakuileye tshilumbu tshianyi, hankoseleye tshilumbu tshianyi ne kulumbulula kuakane, bualu bua nakumuenzela bibi. Yeye neampatule bua kunteka mu munya, nemmone buakane buandi.

Misambu 97:2

Matutu ne mîdima bidi bimunyunguluka; buakane ne kulumbulula kuakane bidi bishimikidi bia nkuasa wandi wa butumbi.

Misambu 37:34

Windile Yehowa, ulamate nshila wandi, yeye neakubandishe bua wewe kuhiana buloba. Habutulabo bantu babi, wewe neumone muanda eu.

1 Yone 2:19

Bobo bakumuka munkatshi muetu, kadi kabakadi betu mene; bu bobo bikale betu, bakadi kuikala nʼetu; kadi bakumuka bua bobo bamueneshibue ne, Buonso buabo kabakadi betu mene.

Malaki 3:18

Hashishe, nenujingulule ditahuluka didi hankatshi ha bantu bimpe ne bantu babi, hankatshi ha badi bakuatshila Nzambi mudimu ne badi kabayi bamukuatshila mudimu.

Misambu 58:11

Nunku bakua bantu nebambe ne, Bulelela, difutu didiku bua muntu muakane; bulelela, Nzambi udiku udi ulumbulula bilumbu ha buloba.

Misambu 9:16

Yehowa wakudimanyisha kudi bantu, wakukosa bilumbu biabo; bantu babi badi bakuatshibua mu mateyi akenzabo ne bianza biabo.

Yobe 35:14

Nunku neatambe kuhidia kunyua hawamba ne, Tshiena mmumona; bualu buebe budi ku mpala kuandi, umuindile!

Yeshaya 42:3

Kena utshibula disele didi diamba kukoseka, kena ujima kalulu ka muinda kadi kafuîmba muishi. Neavuishe kulumbulula kuakane mu dilamata diandi dia malu a bushuwa.

Yobe 17:9

Kadi muntu muakane neananukile kuenda mu nshila wandi, ne udi ne bianza bitoke neadiundediunde mu bukole buandi.