Misambu 91:14 - Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Bualu bua yeye udi ulamata kundi mu dinanga diandi, nemmuhandishe; nemmushikike mu muaba udi kulu, bualu bua yeye udi mumanye dina dianyi.

MUKANDA WA MYIDI MUKULU

¹⁴ Maweja-Nangila udi wamba ne: “Bu mudiye mundamate, nemmusokoke, nemmulame, bualu mmumanye tshindi.

Misambu 91:14 交叉引用

Misambu 9:10

Badi bamanye dina diebe nebakueyemene; buala bua wewe, Yehowa, kuena muanze kulekela bantu badi bakukeba.

Yowanane 14:23

Yesu wakamukudimuna ne, Biansua muntu, nenze dî dianyi; Tatu wanyi neamusue, tuetu netulue kudiye, netuikale ngandi.

Yakobe 1:12

Muntu udi utantamana mu mateyi udi ne disanka; bualu bua hakamanabo kumujadika, neangate tshifulu tshia butumbi tshia muoyo tshiakalaya Mukelenge badi bamunanga.

Yowanane 16:27

bua Tatu mene udi munusue, bualu bua nuenu nuakunsua meme, nuakuitabusha ne, Nakafuma kudi Tatu.

Rome 8:28

Tudi bamanye kabidi ne, Malu onso adi akuatshishangana bua kumusha diakalengele kudi bantu badi bananga Nzambi, kudi badi babikidibue bu mudi disungula diandi.

Yakobe 2:5

Unvuai, bana betu bananga; Nzambi kakasungula bahele ba mu bintu bia ha buloba bua kuikalabo babanshi mu ditabusha ne bahianyi ba bukelenge buakalayeye badi bamunanga, anyi?

Ngalate 4:9

kadi katataka, bualu bua nuakumana kumanya Nzambi ne nudi bamanyibue kudi Nzambi, munyi munudi basue kuhingana ku mayisha matekete a kumudilu ne a hatuhu a ha buloba bua kudivuisha bahika kabidi?

Yeshaya 33:16

Yeye mene neashikame mu miaba idi kulu; tshinyemenu tshiandi netshikale muaha mukoleshibue ne mabue; nebamuhe bia kudia biandi, mai adiye unua kaena ahanga tshiendelele.

Misambu 91:9

Bualu bua wewe, Yehowa, udi tshinyemenu tshianyi, ne wakuvuisha Nzambi Mutambe Bunene wa mulu muaba webe wa kushikamamu,

Yowanane 17:3

Eu udi muoyo wa tshiendelele, bua bobo bakumanye wewe, Nzambi umuehele mulelela, ne yeye uwakatuma, Yesu Kilisto mene.

Misambu 59:1

Nzambi wanyi, umpandishe mu bianza bia badi nʼanyi lukuna, umbandishe kulu bua badi bajuka bua kunduisha kabafiki kundi.

1 Kulondolola 29:3

Bualu bukuabo kabidi, bualu bua meme nakateka mutshima wanyi kudi nsubu wa Nzambi wanyi, meme nakafila mu nsubu wa Nzambi wanyi bibutshilu bianyi bia or ne bia argent ku mutu kua bintu binakalongolola bua muaba eu wa tshijila;

Ezela 8:31

Hashishe tuakumuka ku musulu wa Ahawa mu dituku dia dikumi ne abidi dia ngondo wa kumudilu bua kuya ku Yelushalema; tshianza tshia Nzambi wetu tshiakadi kutudi, wakatusungila mu bianza bia bena lukuna ne kudi balaminyi bakadi mu nshila.

Misambu 9:11

Nuimbile Yehowa udi mushikame mu Siona misambu ya kumutumbisha nʼai; numanyishe bienzedi biandi munkatshi mua bantu ba ha buloba.

Yirmeya 39:17

Kadi Yehowa udi wamba ne Nenkuhandishe mu dituku adi, kuena ufidibua mu bianza bia bantu aha baudi utshina.