Misambu 88:9 - Mukanda wa Nzambi Dihungila Dikulukulu ne Dihungila Dihia-dihia 2003

⁹ Mesu anyi adi alua bitayitayi bualu bua makenga. Yehowa, nakukubikila ku dituku ku dituku, nakuolola bianza bianyi kûdi.

MUKANDA WA MYIDI MUKULU

⁹ Udi mungipatshile banyi balunda, ndi muenze tshintu tshibipe kudibu. Ndi muinjidile mu nzubu kudi makenga, tshiena mua kumupatuka.

Misambu 88:9 交叉引用

Yobe 11:13

Biwafila mutshima webe kudi Nzambi, wolola bianza biebe kudiye.

Misambu 86:3

Unfuile luse, Mukelenge, bualu bua ndi ndila kûdi dinda tô ne ku dilolo.

Misambu 143:6

Ndi ngolola bianza bianyi kûdi; muoyo wanji udi ukujinga bu mudi buloba bûme busue mai.

Misambu 38:10

Mutshima wanyi udi ukuma, bukole buanyi budi bumuka kundi; munya wa mu mesu anyi kawenaku — wowo kabidi wakumuka kundi.

Yowanane 11:35

Yesu wakashikunka.

Yezekiyele 17:11

Hashishe dî dia Yehowa diakalua kundi ne,

Misambu 102:9

Bua nakudia butue bu mundi ndia bidia, nakusangisha binsonshi ne bia kunua bianyi,

Misambu 88:1

Yehowa, Nzambi wa luhandu luanyi, nakudila ku mpala kuebe munya ne butuku.

Misambu 68:31

Bantu banene badi bafume ku Ejipitu, Atiopa udi udiendesha lukasa bua kuololeye bianza biandi kudi Nzambi.

Misambu 55:17

Dilolo ne dinda ne ha diba dia munda munya ndi musue kumuambila meji adi antatshisha, ndi ntua mikemu, ne yeye neunvue dî dianyi.

Misambu 44:20

Bituahua dina dia Nzambi wetu muoyo, anyi bituolola bianza bietu kudi nzambi wa bende,

Misambu 42:3

Binsonshi bianyi biakulua bia kudia bianyi munya ne butuku, hatshidi bantu bankonka dinda tô ne ku dilolo ne, Nzambi webe udi hanyi?

Misambu 6:7

Mesu anyi adi mondoke ne tshinyanu bualu bua kanyinganyinga kanyi, adi alua bileshileshi bualu bua bena lukuna banyi.

Yobe 17:7

Mesu anyi akulua bitayitayi bualu bua kanyinganyinga, ne bituha bianyi bionso bia mubidi bidi bu mundidimbi.

Yobe 16:20

Balunda banyi badi bambuidia; kadi mesu anyi adi ahumuina Nzambi binsonshi,

Yobe 3:23

Bua tshinyi Nzambi udi uhesha muntu udi ne nshila wandi musokoka munya, ne udiye munyunguluke ne luhangu?

Misambu 38:12

Bantu badi bakeba kumana muoyo wanyi badi banteyela ndende yabo, badi bakeba kungenzela bibi badi bamba mei bualu bua kabutu, ne badi belangana meji a kudinga nʼau dinda tô ne ku dilolo.

Muadi 3:7

Wakunnyungulula ne lumbu, nunku tshiena mua kuhatuka; wakunemesha bujitu bua hamʼbidi hanyi.