Misambu 86:14 - Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Nzambi, badi badisue bakujuka bua kuntantamena, tshisumbu tshia bena tshimbambila tshiakukeba muoyo wanyi, kabakukuteka wewe ku mpala kuabo.

MUKANDA WA MYIDI MUKULU

¹⁴ Eyi, Mvidi Mukulu, bena kapeja badi bajuka bua kunduisha, tshisumbu tshia bantu bapange malu tshidi tshikeba kunshipa. Kabena bakuangata ne mushinga to.

Misambu 86:14 交叉引用

Misambu 54:3

Bualu bua bana ba bende bakunjukila bua kuntantamena, bena tshimbambila badi bakeba muoyo wanyi. Kabena bateka Nzambi ku mpala kuabo.

Misambu 36:1

Ditomboka diandi didi diambila muntu mubi dî munda mua mutshima wandi; kakuena ditshina dia Nzambi ku mesu kuandi.

Misambu 14:4

Benji ba malu mabi bonso kabena ne meji, anyi? Badi badia bantu banyi bu mudibo badia bidia, ne kabena babikila dina dia Yehowa.

Yezekiyele 9:9

Hashishe yeye wakangambila ne, Bubi bua Bena Isalele ne bua Bena Yuda budi buhita hunene, buloba budi bûle tente ne kumatshisha kua mashi, ne musoko udi mûle tente ne kunyanga kua bilumbu bia bantu. Bualu bua badi bamba ne, Yehowa wakulekela buloba buetu, ne Yehowa kena utumona.

Yezekiyele 8:12

Hashishe Yehowa wakangambila ne, Muana wa muntu, udi umona bu mudi bakulu ba mu tshisamba tshia Bena Isalele benza mu mîdima, muntu ne muntu mu nsubu wandi wa mindidimbi, anyi? Bua badi bamba ne, Yehowa kena utumona; Yehowa wakulekela buloba buetu, wakumuka.

Misambu 140:5

Badi badisue bakasokoka buteyi bua kunkuatamu, bakunsokokela masoka; bakuanda bukuondo ha buihi ne nshila, bakume ya mateyi.

Misambu 119:85

Badi badisue bakungumbuila majimba, badi kabayi balonda mikenji yebe.

Misambu 119:69

Badi badisue badi banshiminyina bikole, kadi nendame mei awakungambila ne mutshima wanyi mujima.

Misambu 119:51

Badi badisue bakutamba kunseka, kadi tshiakusesuka ku mikenji yebe.

Misambu 36:11

Dikasa dia diambu kadifiki kundi bua kundiata, ne tshianza tshia bantu babi katshingihatshi kule.

Misambu 10:13

Muntu mubi udi ulengulula Nzambi bua tshinyi, ne udi wamba mu mutshima wandi ne, Wewe kuena unkengesha?

Misambu 10:11

Yeye udi udiamba mu mutshima wandi ne, Nzambi wakuhua muoyo; udi usokoka mpala wandi, kena utangila bualu ebu kashidi.

Misambu 10:4

Muntu mubi udi wamba mu diambu diandi ne, Nzambi kena ukengesha muntu. Meji andi onso adi anu nunku ne, Kakuena Nzambi.

2 Samuele 17:14

Abashaloma wakambila Bena Isalele bonso ne, Lungenyi luakatuambila Hushai, Muena Aka, ludi luhita lua Ahitofele buimpe. Bualu bua Yehowa wakahangidisha bua kukudimuna mei mimpe akamba Ahitofele bua Yehowa enzele Abashaloma bualu bubi.

2 Samuele 16:20

Hashishe Abashaloma wakambila Ahitofele ne, Utuambile tshiadi mua kuenza.

Misambu 54:5

Yeye neahingashile bena lukuna banyi difutu dia bubi buabo; ubabutule mu lulamatu luebe lua bushuwa.