Misambu 77:19 - Mukanda wa Nzambi Dihungila Dikulukulu ne Dihungila Dihia-dihia 2003

¹⁹ Nshila webe wakadi mu mai manene, nshila yebe yakahita mu mai matambe bukole; ne biendedi biebe kabiakamanyibua.

MUKANDA WA MYIDI MUKULU

¹⁹ Munkatshi mua mikungulu ya mvula, mipenya ivua ikuatshisha bantu bowa, buloba buvua buzakala ne bowa.

Misambu 77:19 交叉引用

Ekesode 14:28

Mai akahingana, akabanda ha mutu ha makalu ne ha mutu ha masalayi akadi enda ha tubalu, ha mutu ha bisumbu bionso bia Palô, biakabalonda mu bunene bua mai, nansha umue wabo wakahandika.

Abakuke 3:15

Wewe wakadiatshisha tubalu tuebe ha mai manene, ha muenshi wa mai makole.

Misambu 29:10

Yehowa wakashikama mu nkuasa wa butumbi mu tshikondo tshia nvula munene; e, Yehowa udi mushikame bu Mukelenge tshiendelele.

Nehemya 9:11

Wewe wakahandulula mai ku mpala kuabo, nunku bakahita munkatshi mua mai manene ha buloba bume; wakela bakadi babalonda mu bunene bua mai bu mudibo bela dibue mu mai manene.

Rome 11:33

Monai ndondo wa bubanshi bua meshi ne lungenyi bua Nzambi! Monai mutudi katui mua kujingulula bilumbuluidi biandi, mutudi katui mua kulonda nshila yandi!

Misambu 97:2

Matutu ne mîdima bidi bimunyunguluka; buakane ne kulumbulula kuakane bidi bishimikidi bia nkuasa wandi wa butumbi.

Ekesode 19:18

Mukuna wa Sinai wonso wakadi ne muishi, bualu bua Yehowa wakahueka ha mutu hau mu kahia, muishi wakabanda bu muishi wa tshikutu, mukuna wonso wakakanka bikole.

2 Samuele 22:8

Hashishe buloba buakakanka, buakazakala; makunshi a diulu akanyunga, akazakishibua, bualu bua yeye wakadi ne tshiji.

Yobe 23:14

Bualu bua neashikishe buakumpangidishileye, ne malu makuabo a bungi bu â adi mu mutshima wandi.

Yobe 36:29

Muntu kai udi mua kujingulula ditangalaka dia matutu, ne mikungulu idi ihatuka mu ntenta wandi?

Misambu 97:4

Miele yandi ya nvula yakahenyeshila ba ha buloba; buloba buakatangila bualu ebu, buakazakala.

Misambu 104:32

Udi umona buloba, budi buzakala; udi ulenga mikuna tshianza, idi ihatula muishi wa kadilu.