Misambu 73:28 - Mukanda wa Nzambi Dihungila Dikulukulu ne Dihungila Dihia-dihia 2003

²⁸ Kadi bidi bimpe bua meme kusemena ha buihi ne Nzambi. Nakuvuisha Mukelenge Yehowa tshinyemenu tshianyi, bua mmanye bianyi mua kuambila bantu bua midimu yebe yonso.

MUKANDA WA MYIDI MUKULU

²⁸ Kuikala nebe pabuipi ndiakalenga dianyi. Maweja-Nangila, ndi ntekemena kuudi, mmanyisha bantu bionsu biudi muenze.

Misambu 73:28 交叉引用

Misambu 40:5

Yehowa Nzambi wanyi, wakuvudisha malu a kukema awakuenza ne malu awakuhangidisha bua kutuenzela, kakuena mukuabo utudi bamanye mua kuelekesha nʼebe. Binakeba kualondolola ne bua kuambila bantu malu â, neampite bua kuabala.

Yakobe 4:8

Semenai ha buihi ne Nzambi ne yeye neasemene ha buihi ntemu. Nulengeshe bianza bienu, nuenu bantu babi, nutokeshe mitshima yenu, nuenu bena mitshima ibidi.

Misambu 65:4

Disanka didi kudi muntu udi usungula ne ûdi ufikisha hehi nʼebe, bua ashikame mu biendelu bia tshitendelelu tshiebe! Tuetu netuikale ne mitshima mitalale bua buimpe bua nsubu webe, ntempelo webe wa tshijila.

1 Petro 3:18

Bualu bua Kilisto wakafua musangu umue bua malu mabi, muntu muakane wakafuila bantu babi, bua kulua nʼetu kudi Nzambi; wakashihibua mubidi wandi, kadi wakavuishibua muoyo mu nyuma wandi;

Misambu 118:17

Tshiena ufua nansha, nengikale ne muoyo, nendondele bantu bienzedi bia Yehowa.

Misambu 71:24

Ludimi luanyi neluambile bantu bua buakane buebe mu kulumbulula dinda tô ne ku dilolo; bualu bua bakadi bakeba kungenzela bibi bakufuishibua bundu, bakutamuka.

Misambu 84:10

Bualu bua dituku dimue mu biendedi bia mu tshitendelelu tshiebe didi dihita matuku tshinunu a kukuabo buimpe. Nakadi kusungula bua kuimana ku mbelu kua nsubu wa Nzambi wanyi ku mpala kua kushikama mu ntenta ya malu mabi.

Misambu 116:7

Alukila ku dikisha diebe, wewe muoyo wanyi, bualu bua Yehowa wakukuenzela malu mimpe makumbane.

Misambu 107:22

Bafile milambu kudiye ya kumusakidila nʼai, bambile bantu bienzedi biandi ne misambu ya disanka!

Misambu 71:17

Nzambi, wewe wakunyisha ku buana buanyi tô ne mpindiu; tô ne mpindiu utshidi ngambila bantu bua bienzedi biebe bia kukema.

Misambu 66:16

Luai bienu, nunvue, nuenu bonso badi banemeka Nzambi, nennuambile malu akuenzeleye muoyo wanyi.

Misambu 14:6

Nuenu nudi basue kufuisha malu akudihangidishila muhele bundu, kadi Yehowa udi tshinyemenu tshiandi.

1 Samuele 14:36

Shaula wakamba ne, Tuyai, tulonde Bena Peleshete butuku ebu, tukuate bintu biabo tô ne hatshiabu: katubashidi nansha muntu wabo umue. Bakamba ne, Wenze tshionso tshidi tshimpe ku mesu kuebe. Hashishe muakuidi wakamba ne, Tusemenai ha buihi ne Nzambi.

Misambu 71:15

Mukana muanyi nemuambile bantu bua bienzedi bia buakane buebe, nembambile bua malu a luhandu luebe dinda tô ne ku dilolo; bualu bua tshiena mumanye bungi buabi.