Misambu 71:19 - Mukanda wa Nzambi Dihungila Dikulukulu ne Dihungila Dihia-dihia 2003

¹⁹ Nzambi, buakane buebe budi bufika tô ne kulu. Wewe wakuenza malu manene, Nzambi, udi bu wewe nganyi?

MUKANDA WA MYIDI MUKULU

¹⁹ Mvidi Mukulu, buakane buebe budi butua mulu, butua panshi. Udi muenze malu a dikema! Mvidi Mukulu wanyi, kakuena udi mufuanangane nebe.

Misambu 71:19 交叉引用

Misambu 35:10

Mifuba yanyi yonso neyambe ne, Yehowa, udi bu wewe nganyi? Wewe udi usungila muena makenga kudi muntu udi umuhita bukole, udi usungila muntu udi muena makenga ne muhele kudi muntu udi mumunyenge.

Misambu 57:10

Bualu bua luse luebe lujalame ludi lunene lufika tô ne mu diulu, lulamatu luebe lua bushuwa ludi lufika tô ne ku matutu.

Yeshaya 55:9

Bualu bua bu mudi diulu dihita buloba kuikala mulu, muomumue mudi nshila yanyi ihita nshila yenu kuikala mulu, ne mudi meji anyi ahita meji enu kuikala mulu.

Luke 1:49

Bualu bua udi ne bukole wakungenzela malu manene; Dina diandi ndia tshijila.

Yirmeya 10:7

Muntu kai udiku udi kayi ne bualu bua kukunemeka, wewe Mukelenge wa bisamba bia bantu? Bua bukelenge budi buebe; bualu bua munkatshi mua bena meji bonso ba mu bisamba bia bantu, ne munkatshi mua bakelenge babo bonso, kamuena umue bu wewe.

Yeshaya 40:25

Wa Tshijila udi ukonka ne, Nenunfuanyikishe kudi nganyi, bua meme ngikale nʼandi muomumue?

Yeshaya 40:18

Nenuelekeshe Nzambi ne nganyi? Nenumufuanyikishe kudi tshifuanyikishi kai?

Misambu 86:8

Mukelenge, kakuena umue bu wewe munkatshi mua nzambi ya hatuhu; kakuenaku minga midimu bu midimu yebe.

Misambu 72:18

Yehowa Nzambi, Nzambi wa Isalele, avudishibue disanka, anu yeye nkayandi udi wenza malu a kukema.

Yobe 5:9

udi wenza malu manene ne malu adi bantu kabayi mua kujingulula, ne malu a kukema adi kâyi mua kubadibua:

Ekesode 15:11

Nganyi udi bu wewe Yehowa, munkatshi mua nzambi mikuabo? Nganyi udi bu wewe, udi ne butumbi bua tshijila, udi utshinyisha bantu ne bienzedi bia butumbi, udi wenza malu a kukema?

Yeshaya 5:16

Kadi Yehowa wa misumba udi mutumbishibue ku kulumbulula kuakane. Nzambi wa Tshijila udi udimuenesha bu Wa Tshijila ku buakane buandi.

Nsumuinu 15:24

Kudi muena meji nshila wa muoyo udi kulu, bua yeye ehuke ku Muaba wa Bafue udi hanshi.

Misambu 139:6

Lungenyi alu nunku ludi lutamba kunkemesha; ludi lutamba bule, tshiena mua kuluheta.

Nsumuinu 24:7

Meji adi atamba muhote bule; kena ubululula mukana muandi ku tshibuelelu tshia musoko.

Dielulula 3:24

Mukelenge Yehowa, wewe wakabanga kulesha muntu webe bunene buebe, ne tshianza tshiebe tshikole: nzambi kai udi mu diulu anyi udi ha buloba udi mua kuenza bu mûdi wenza malu ebe a kukema?

Misambu 36:7

Nzambi, ke mudi luse luebe lujalame luikale lua mushinga mukole! Bana ba bantu badi banyemena muinshi mua mundidimbi wa mahuahua ebe.